[نهر الأمل]

مرني طيفك وطيفك صاحبي مدري عدوي
جايب صوتك وصوتك سكة الذكرى الحزينة

قال انا جوي تكدر قلت ماهو كثر جوي
قال فرقانا غبينة قلت واكثر من غبينة

قال انا بموت من غيبتك قلي ويش اسوي
قلت انا ابغى الموت في غيبتك قلي بس وينه

قبل ترحل كنت اقول بيسرح ايام ويضوي
مثل ماعودني ليااشتقت له جابه حنينه

بس هالمرة ثمان شهور وضلوعي تدوي
كل يوم اشتاق لك يلعن ابو الشوق وسنينه

كل ماعشمت قلبي قال ياضلوعي تقوي
ورحت أنا وياه نرقب رجعة اللي فاقدينه

نوب اقول ليارجع بكون في قمة هدوي
ونوب اقول الا بزعل واتلى مابيني وبينه

كل يوم اجلس على جال البحر واقول توي
لا سألني مافقدت الحلم في لمسة يدينه

مادريت أن البحر ماقال لأمواجه تروي
ومادريت ان الغرق هو حجة غياب السفينه

مادريت او مابغيت ادري ولا ادري وش بسوي
لو رجعت وشفت طيفك في الممرات الحزينة

وين ابنسى وانت طيفك صاحبي مدري عدوي
مارضى يترك لغيره شبر واحد في المدينه



دائم الود إبداع يفوق الوصف لاحرمنا الله تواجدك وإبداعك المتميز دوما