[منى الحازمي]

مثل عمري انا ماشفت
خذيت أحلى تفاصيل العمر بدري
من يدري ؟
عن اللي كان بغيابي ، ومن اللي كان بأشواقي
من اللي ترجم احساس العمر بدري ..!
ومن يدري عن احوال البشر كل يوم
مثل ما أتنفسك هالحين ........... في صدري !
مثل عمري أنا ماشفت
............... مثل حظي انا ماشفت
مثل هذا الزمن ماشفت
سوى غيمة بكت هالناس من بدري

عطيني شي يحيي قلبي بغيابك !
وأوعد هالشجر و الورد في بابك !

بإني أحضنك بـ الحيل في صدري !
واتنفس مداك اضعاف
............ وحتى بظلمتي ما أخاف
ونوري غاب من بدري !
نبت عشب الرجا داخل قفص صدري
تعال وأمطر حضورك
......... وعطني نور من نورك
ولاتترك أثر للموت .. ولو كان الجفا عذري !
ايا حسّاس ،
اشوف الناس ماهم ناس
........ أحس الأرض ماهي أرض
ومات بداخلي شاعر
يظن انه قوي الباس
ايا حسّاس ،
تعال وضمني لصدرك
ابتنفس غيابك
........... موووت
وأطلق للسماء صدري
والملم كامل اشواقي
سما تاخذ وطــن والأرض بأعماقي
من يدري ..!
وصاحب هالجسد خمري
ومثل عمري انا ماشفت
....................... خذيت أحلى تفاصيل العمر بدري
............................... خذيت أحلى تفاصيل العمر بدري

همسة !
بكى طفلي وصاح بداخلي إنسان
وصارت ذكرياتي في يديني تشبه أوراقي !
....