[ابووتاد]

المشاركة الأصلية كتبت بواسطة خريج انتظار

معليش على الكلام

بس على بالكم ان التجاره سهله بالله اللى ماعنده راس مال ايش بيسوي بيقشر بصــل وربي بيقشر بصل

والتجاره يابو وتاد ماهي معروضه على عتبه الابواب عشان الواحد يروح يلقاها جاهزه لانه بكلامك تقول

انه الواحد يدور على تجاره

اللى يدور على التجاره اللى عنده راااس مال اللى عنده فلوووس يدور عليها اللى ماعنده يرتاح لانه راح يفحط

لين مايطلع راس المال ...؟؟؟؟

بعدين اختي اللى كاتبه انه ولد خالتها راح يشتغل ببسطه بصراحه ماهي داخله مخي واحد تقديره ممتاز

ويروح يشتغل ببسطه والبسطات ياناااس تحتاج البضاعه والبضاعه تحتاج فلووس والفلووس من فيين

لاتخلوني اغني الاغنيه المشهوره من القهـر


بعدين كيف تجي بالعقل انا متخررج من جامعه ومعي بكالوريوس واشتغل ببسطـه؟؟؟
نقطه في ذيل الصفحه


الرزق بالسمــاء والحمدلله على نعمه ربي

والله والله والله لو الواحد مو مؤمن بهالمقـــوله كان صارت علــوم اخرى

لكن الواحد يعرف انه الرزق بيد الرازق جل في عـــلاه نصبر ونقول يارب ارزقنا ياكريم

انت تتوقع انه في يوم وليلة رايح تصبح مليونير هذا مستحيل

طبعا بدون ذكر اسماء

اعرف لك اكبر مصنع سجاد في المملكة والخليج العربي تدري وش كان يشتغل كان في الحراج محرج يعني دلال

واعرف لك قزاز صاحب العطور وش كان يسوي تدري انه كان شيال

والعم صاحب القماش وصاحب مصانع في اندونيسيا كان شيال

والكثيرين
واحنا قبل ما نبني هذه الثروه التي تقدر بالملايين وش كنا تتوقع كنا على طول تجار كبار

ياخي ابدا من الصفر ترى ما فيه شي يجيك وانت جالس تفكر في راس المال

طيب انا رايح اعطيك تجارة بدون راس مال كبير

بيع الجوالات المستخدمه العفش المستخدم في الحراج نقل خظار وفواكه عند المسجد في سيارتك وانت جالس فيها
عود وعطور بسطة امام المسجد والكثير منها

ياخي جمع 10000 عشرة الاف ريال ورح دبي و جيب بظاعة والله انك لتعين خير

انا من فترة لفترة اسافر دبي اندونيسيا الهند ماليزيا وسوريا ..........
طبعا علشان القماش والبلاستك والعود ودهن العود والمشالح الملكية والسيوف الملكية
والله بتراب الفلوس
تدري تفتح لك مصنع في اندونيسا بمايقار 200000 الف ريال
في الصين ب 300000الف ريال
والله شوف جوال الايفون في دبي بـ120 ريال طبعا الصيني
الآيباد 2100 ريال وهنا في السعودية بــ3200 ريال كم الفرق معاك
العطور في دبي 1/2/3/5 ريال وهنا لا تنزل عن 15 ريال هذا اذا كنت مره رخيص
طقم العطور في دبي 35 هنا لا ينزل عن اقل شي 75 ريال هذا اللي مسوي خصم كبير لك

والكثير الكثير لكن واين اللي يبي التجارة

ياخي والله اني كنت اشتغل براتب 1200 ريال مع العلم ان والدي كان عنده الشركة واقل عامل فيها ياخذ 3500 ريال ومع ذالك يقول علشان تشتغل وتتعب وتتعلم التجارة


والاخت حلا المدينة كفت ووفت في العمل عند الحرم
والله يا ناس فيه فلوس وفيه اموال لكن واين اللي يبي يشتغل

وفي الختام لا تقول شهادة جامعية وخرابيط فاضية

اخوي عنده دكتوارة في العقيدة بتقدير ممتاز مع مرتبت الشرف من الازهر ومع ذلك شوفه في التجاره
واخوي الثاني مع ماجستير لغات اجنبية بتقدير ممتاز مع مرتبت الشرف من ام القرى بمكة

يعني ماهو عيب الشغل باي شهادة

ابو بكر الصديق كان صحابي ويوم القيامة يدعى من ابواب الجنة الثمانية وكان تاجر

عمر رضي الله عنه هزم كسرى ومشهود له بالجنة وكان تاجر

عثمان رضي الله عنه كان تاجر وجهز جيش العسرة

علي رضي الله عنه من اهل بيت رسول الله وكان يشتغل بالتجارة

يعني ماهو عيب الشغل

ولكم التحية جميعا