[الاستاذ صالح الحازمي]

عادي تجي .. وإن تبي تروح .. روح
عندي تساوت هو بقاك .. ورحيلك


عقب المحبه والغلا .. صرت مسموح
ما عاد أنا اللي لا زهمتي .. يجي لك


كنت أعتقد في حبكم .. ما هنا جروح
وأشوف جرحك لي .. يبرد غليلك


جيتك وفا .. ما كنت أدور لمصلوح
وإن كان عندك شك .. هاتي دليلك


على كثر غيباتك .. خطاك مدموح
وأقول يغني عن كثيرك .. قليلك


لكن تخوّني .. وبيننا الزاد مملوح
نذر ٍ علي من وسط قلبي لأشيلك


ما عاد ينفع عقبها ... أيّة شروح
بانت مثل ضي القمر وسط ليلك


قلب ٍ يحبك .. بسببك صار مجروح
ولا هو بعد فرقاك .. إسمه خليلك


عادي تجي .. وإن تبي تروح .. روح
عندي تساوت .. هو بقاك ..ورحيلك