[خـــالد الســـالم]

جيتك غلا , ما جيتك انسان محتاج ..!!

أوعدْك كان حضوري مسبـب لك إزعـاج
أودعك ، وأغيب ، وألغـي حضـــــــوري

لاصرت ماني عنـد ضيقتـك ، فـراج
قول لـ مقادير الزمـن ويـش دوري ؟

ماني بـ[ فاتح باب قلبي لـ/ الإحراج ]
وماحب أكون إنسان ماهـو ضـروري

يوم أنت كنت بـ( ظلمة أيامي ) سراج
ماخافت الخطوات .. حـزّة عبـوري !

جيتك غلا ، ماجيتك إنسـان / محتـاج
والناس تعرف ، قيمتي مـن مـروري

كتبت لك .. أبيات ، وقصور ، وأبـراج
وإن مارضيت شلون يرضى غـروري

ببعد وأنا أدري ما ورى بعدك / إعـلاج
والهجر ( ماهو من دواعي سـروري )

دامك تبادل ضيقي .. بـ/ ضحكة إحجاج
وش بستفيد .. إن ماتـداري شعـوري

ياكثر ، ماخبيت شعـري .. بـالأدراج
خايف .. يضايق وسع صدرك / ظهوري !!