إذا المراجل لبسة شماغ وعقال
قل للعذارى يلبسن العمايم
ماعاد يفرق زول حرمه ورجال
دام الفعايل تشبه البعض دايم
المرجله ماهي كلمه وتنقال
وتروح ماراحت هبوب النسايم
وإلا خشونة صوت أو رفع الأثقال
أورزة صدور وفعل لزلايم
ولاهي بعد مفتاح موتر وجوال
ولا رد لسانن حديثه شتايم
المرجله شيمه عن القيل والقال
رفيع نفسن حر بالجو حايم
المرجله عقل وزن وزنة جبال
دون العقل وش فرقنا والبهايم
يامسندي لو مايل الوقت بي مال
ياولد أبيه ياعظيم العزايم
يامعرب الجدين من العم والخال
يانخوة المفزوع وقت الهزايم
المرجله ياخوي هي طولة البال
هي العزم هي الصبر بالظلايم
فيها الكرامه عن ردي الطبع شايم
والدين لامنه خذا القلب منزال
مشى طريق الحق وإبليس نايم
ومن لاعرف ربه في طيب الحال
لابد وقت الضيق بالهم هايم
حتى صلاتك مع جماعات ورجال
في خيرها ياخوي نعم الغنايم
ولامن نصف ليلك قم صفي البال
ياعظم اجرك بين ساجدوقايم
ولامن رفع الذكر لاقالو فلان صايم
وخلك شريف القصد ياطيب الفال
سوء المقاصد فالبيوت لهدايم
واحذر تبيع النفس في دب الأنذال
وتتبع خوي إبليس راع لنمايم
النفس خيل لك إذا كنت خيال
ولامن لاقوى نفسه قوته الهزايم
ولاصرت ماتدري ليه أنت رجال
• والله خساره فيك ذبح التمايم •
مما راق لي
تحياتي لكم
مشاعر جذابه