الزمن صلب , وانت انسـان حسّـاس
لازم إنـك تغيّـر مـن صفاتـك
لو جبرك الزمـن .. لاتحنـي الـراس
غيـر لله .. إذا كنـت بصلاتـك
ولاهـو ايّـة يديـن تمـد , تنـبـاس
( عن عدا والديك ) أكـرم شفاتـك
ولو يقولون مفلس , قـول الإفـلاس :
لاخسرت الكرامـة فـي حياتـك
بالأمـل تقـدر إنـك تهـزم الـيـاس
اغتنـم كـل فرصـه دام جاتـك
دوس روس المصاعـب قبـل تنـداس
واسلك الدرب الأصعب في جهاتك
لا يميّـل غصونـك كــل نسـنـاس
خلك اقـوى بعزمـك , وبثباتـك
لاتمـر البشـر مــرور الأنـفـاس
حط بصمة قبـل لحظـة مماتـك
كن ذهب .. لاغـدوا قدامـك نحـاس
كن لهب .. لاغزا البرد أمنياتـك
ولا تضايق وتزعل .. قـول : لابـاس
لاخسرت أيّ حاجه فـي حياتـك
خون حزنك , و همّك إلا الاحساس
لاتخونـه , تخونـك ذكريـاتـك
مايروح الفرح , لـو راحـوا النـاس
أنت من تصنع الفرحـه لـذاتـك