[صريح ومستريح]

قصيدة رائعة لشاعر المليون الشاعر فهد سعد الشهراني


يا خاطري ما يـفـيـد الـضـيق والحسره = والحــــزن قـتـّال لا هـبّــت اعـاصيره

لاتـحـسـب اللي جرالي بالهوى كـسـره = الغصن عايــش ولو طارت عصافيره

يا صاحـبـي مـن سـوايا الـقلب لا تشره = القــلب باقـي على ذكـرى مـسـايـيره

من قـسوة الـبـرد عـنـدي للجـفا جـمـره = جمـرة غـضى تشتعل بالهم والحيره

أحيان اشوف الـخـفـوق يـحب ما يـكره = واجـيـب لـجلـه عذر واقبل معـاذيـره

وأحيان اشوف الجفا يطغى على صبره = يـهـز عـرش الضلوع وما لقى ديره

يــا ويـن قـلـبـي بـاتـرحـل كمل السهره = ما راح تـلقـى من الاحـزان تـأشـيـره