[ج ـنـون أنثـى]

..



لما تجيك دعوة الى حضور حفل زفاف لاحد الأشخاص


::

::

فإن الحريم في المنزل يعانون حالة الطوارئ في اليوم الموعود

فتلقاهم صافين طابور عند باب الحمام .. من أجل أخذ دش بارد

<لأنهم مؤمنات بالقاعدة الفيزيائية التي تقول:أن الأجسام تتقلص بفعل البرودة


ثم يذهبون الى غرفة العمليات ..فتلقاهم مايخلون مراآيه بحالها ..

**فتلقى منيرة عند مراية التسريحة تتمكيج..

**وخلود عند مراية الدولاب تركب عدساتها.

* وساره عند مراية المدخل تستشور شعرهآ ..

المشكلة لا انحرق الستشوار ,,انواع ضيق الخلق والبرطمة

*وفاطمة محتارة أي فستان تلبس

وكلما اختاروا لها فستان ..

قالت : لا .. قد شافوه
عليّ<رمز الانوثه ..!

*ورغد تترجى اخوها: تكفى ود فستاني للمغسله ..وقول لهم يخلونه مستعجل..

*وأبتسام متوهقة مالقت الحلق اللي يناسب لون فستانها ..

*وشوق تقول لأخوها : تكفى مر على جارتنا وخذ من عندها الأكسسوار التفاحي..

*ومزنه .. انفرط سحاب فستانها .. وتبي الخياط يصلحه


*********************** *****
وصجة ..ولجة .. وحوسة

وكلهم في سباق مع الزمن..


(طبعا ياعيني عالرجال .. ثوب وشماغ .. وانتهت السالفة)



*********************** *********

بعد ذلك .. يركبون السيارة بعد ما بح صوت ابوهم وهو يناديهم ..

والمصيبه بالسياره بعد مامشوا مسافه..

فاطمه تشهق شهقه قويه .. ويقولون: وش فيييك؟ .. فاطمه : تكفى يبه ارجع للبيت نسيت شنطتي

!!

******* ********
وبعد عناء طويل يوصلون إلى القصر ويدخلون


********* ******

ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي

اونس شي قسم >>هع هع


********* ********* *

ثم يتوافدون إلى المسرح وشف الرقص كيف

*اللي تهز وهي واقفة مكانها بركادة << على بالها أنوثة..>>

********************** ******
وتعال شفهم اذا غنت الطقاقة .. ( يالتكسي) وقالت: وخذ يمين وبعد يمين..

تلقا الحريم فعلا ماخذين اللفة يمين في يمين

<طبعا من غشامتهم .. يتصاقعون في بعض


***********************

والوحدة فيهم بتتشقق من الفرحه إذا جت الطقاقة بجنبها وقالت : (يا أحمر يا أحمر .. عاشو .. على قلبي)

<<طبعا الافندية فستانها احمر ..


*********************** *****
*وتلقا ثنتين هناك يرقصون نفس رقص العراقيات في(عرب شمّر)

وطبعا العجايز منصدمات فيهم .. !!
*********************** **
*وإذا جت اغنية مصرية..

تلقا الأغنية والأيقاع في وادي .. والرقص في وادي آخر إلا من رحم الله..

<<واللي تعرف ترقص مصري .. تلقى البنات يتشحذونها تقوم وهي ترفض..

طبعا من حقها .. تخاف يصكونها بعين على كيفك

**********************

والوناسة إذا قالت الطقاقة : ( رقصة خاصة لأهل العروس)تلقاهم يستلجون إذا قالت : ( كل آل ' فلان ' خيّالة)

<<<وهم في الحقيقة .. لم يركبوا حصانا قط..




وبسسسس