[乂●تـــاج الأنـــوثـــة●乂]

حبيبي............

كتبت الشعر مو لأجلك..ولكن فاض بي بركان..



وأما أنت لاتسوى قصيدة في نظر عيني..


حلفت لي تصونّي إذا صار الزّمن خوّان..


وأوّل ماعثر حظّي على دربك..خذلتني..


كسر رمح الزّمن صدري وجيتك أشتكي حيران..


نزعت الرّمح من صدري وفي ظهري طعنتني..


خسارة كيف حبيتك..نعم والله أنا ندمان..


غبي..أدري..نعم أدري..مادام إنّك سكنتني..


سنة من عمري وأنا في لعبتك غرقان..


أشيل الشّوك من دربك وجرحي كان يدميني..


وكنت أبكي إذا تبكي ..وأكون لبسمتك فرحان..


وكنت أقرب من رموش عينك يوم تبغيني..


عرفتك للأسف صحرااا...وحوّلتك إلى بستان..


وشلتني غصن أخضر وفي صخرك زرعتني..


حفرتك داخلي وظنّي تصون عشرتي أزماااان..


وكنت أحفر قبر موتي على ساحل شراييني..


ولكن عزّتي تفرض أكون بدنيتي سلطااان..


وإن ظنّك آجي أركع لرجلك..ماعرفتني..


أنا ماعادتي أشحد من أمثالك رضااا وإحسااان..


أموت بعزّتي أرحم ولازلّك يغطيني..


ماادام الوفا عندك يدور له على عنوان..


بدور لي على قلب يصون الحب وسنيني..


ولو قلبي رجع حبّك..بولّع فيه بالنيران..


وبكسرها أنا رجلي إذا صوبك تودّيني..


تقول الناس في وصفك جميل مثل عود الباااان..


وأنّك أجمل إنسان وبشر مخلوق من طين..


حسافااا غرّهم شكلك وياااامااا تخدع الألوان..


عموماااا..بقت كلمة أخيرة لك على قلبي واسمعني..


إذا كنت بنظر غيري ملاك على هيئة إنسان..


أقسم بالله ماااااتسوى شعرة من رمش عيني..


لحن الحياة..............