[منى الحازمي]

[align=center]
على حد الزمن واقف..واشاهد عبرة الأيام
وشمس العمر تغرق..في بحرها لين يخفيها
وشوف الليل يكبر...والنهار يذوب في ظلام..
حزينه لحظة المغرب!..وداع النور يطفيها
وأشوف الموج يرقص..والدموع من السحاب رزام
عجيبه رقصة الموج..؟!ودمع الغيم يبكيها
واشاهد غربة الموجه..لقت عقب السفر مقام
على رمل السهل تالي زبدها ما يوعيها
سرى بي هاجس الذكرى.!على متن الخيال وهام
يرد الذهن لايام تعدتني لياليها
..أضم الطيف بعيوني واعانق ساري الأنسام
واردد نغمة الماضي على قلبي وأغنيها
ألا ياليل..!؟ الغريب إلي سهر ما نام
تذكر له؟! على بعد المسافه عين يغليها
أمانه يا قمر
يا ساري بالليل خذ سلامي
وصبه شوق في عين الذي عيني...معنيها
حنين الولف ياهل الولف يجلب للقلوب..هيام
ومن يجرج قلوب الحبايب لا بد يداويها
أغني للقلوب إلي عزاها بالحياة أحلام
وارد الشان لأهل الشان باولها وتاليها



[/align]