[ابوعماد]

انا تعلمت الجفا

أنا تعلمت الجفاء مـن تغليـك
ومن المذلة والخضوع انتهينـا

من كل قلبي يشهد الله ناسيـك
غير الضياع بحبكم وش لقينـا

ابحتفظ في عزة النفس مابيـك
بالناس نلقى اللي نبيه ويبينـا

مما معي زينت للنفس ماضيـك
في درب حبك ليتنا ما مشينـا

هديت عرش الحب يازين بايديك
من بحر حبك بالنجـاة اكتفينـا

ذاب الحنين بعين قلبٍ تراعيـك
مثلك على النسيان والله قوينـا

أنهيت قصة حبنا فـي تغليـك
أمسح دموعك بالجفاء ما بدينا