[لميس أبوالخير]

يا هلا والله وألفين مرحبا بكل أعضاء الثانوية الـ 41 >> دي لحفلة الترحيب بكم
وطبعا أهلين بأعضاءنا
شرفتونا ونورتونا واحنا سعيدين بإطلالتكم علينا
ان شالله يارب نكون قد الثقة اللي حطيتوها فينا ونفيدكم قد ما نقدر

راح أبدا بالتعريف أنا لميس أبوالخير طالبة في الصف الـ 3\3ع
طبعا في الثانوية الـ 19 الحبيبة

مديرتنا الله يخليها لنا أ.آمال العلي
صراحة متفهمة وتحب تسمع لمشاكل الطالبات حتى سمعت إن لها صفحة ع الفيس بوك تسمع فيها شكاوينا واقتراحاتنا
>> يارب ما أكون قصرت في نبذة عنها لأنا إنسانة لا توفي حقها الكلمات


طاقمنا الإداري
أ.فايزة - أ.فاطمة بكر - أ. أميرة - أ.إكرام - أ.فاطمة مطر
والعذر لو نسيت أحد لأن الذاكرة لك عليها شوية
طبعا الحمد الطاقم الإداري ممتاز صح فيهم الحزم لكن كله في صالحنا عشان نعرف مصلحتنا أكثر وأكثر
كمان هوا في خدمة الطالبة يعني لو كان عندك مشكلة مع أستاذة لا سمح الله أو معترضة على أي شي في المدرسة ممكن تتوجهي لهم وتشتكي وهما راح يسمعوا الشكوى ويحاولوا يلاقوا حلول بأسرع وقت ممكن


معلماتنا
الحمد لله بشهادة الكل بصراحة قمة في العطاء حتى الجدد اللي جو السنة دي كلهم يقولوا ممتازين
بس طبعا في حاجة مهمة لازم أنوه لها لكل طالبات المطور الحابين يستفيدوا مننا في حالة انتقلوا عندنا
بما أنك طالبة مطور فلازم تبدعي حبتين في مشاريعك ( طبعا دي المشاريع مطالبين بها لكل مادة لأن عليها من 15 - 20 درجة تقريبا للمادة الوحدة ) يعني ممكن تبدأي تتحرري شوية من نطاق المشاريع الورقية إلى أشياء أكبر ( بس في حدود المعقول ) وان شاء الله محد راح يوقف في وجهك والكل راح يساعدك بإذن الله


أحس إني اتكلمت كثير وما سبت فرصة للأعضاء الثانيين بالرد
ان شالله أكون أعطيت لو فكرة أو لمحة بسيطة عننا
لأني مهما قلت ماراح أقدر أكفي وأوفي
مرة ثانية أشكركم أعضاء الـ41 على الفكرة الجميلة
وربنا يقدرنا نكون قد الثقة
بالتوفيق لكم ولنا في حياتنا كلها ( الدراسية - اليومية )
دمتم جميعا بألف خير