1- ياقلب هات الشعر وابدع بالأمثال
وانظم بيوت الشعر والشوق وافي
2- ابيات شعر شاهدات على الحال
يظهر بهن ماكان مكنون خافي
3- قلبي خضر للحب مرتع ومدهال
وعذب زلال الواردينه وصافي
4- ولاشاف رمش العين يطرق بالامهال
اشتب ضوه واعتراه الخلافي
5- ويسرج على طاروق الاشعار بالحال
من فوق زلبات البيوت الخفافي
6- وجميع مافي داخله للهوى مال
ليا طرى ماض القلوب الولافي
7- والقلب له فالحب مخرج ومدخال
يمشي على طاروق الاشعار حافي
8- واليا لمح له غصن بالظل ميال
تصبح امتانه بالمحبة اصخافي
9- والحب يقصف قصف مدفع بالأثقال
أو قصف صاروخ من الجوى طافي
10- والحب بركان الضماير وزلازال
يخلف موازين القلوب الولافي
11- والحب لقلوب الرياجيل غوال
واقوى حريب تشتكي منه قافي
12- كم من حكيم ورده درب الاهوال
وخلاه بين الناس مخطي الحرافي
13- ودونه ماينفع كل ناصح وعذال
اقضى مضاجيع الرجال العرافي
14- وأنا أشهد انه علني منه علال
وصدرة مضمي والضماير احيافي
15- واصبحت غاشيني من الهم سربال
باسباب مجلي الثمان الرهافي
16- اللي لقا في داخل القلب منزال
وافسد فاصفحات الضمير النظافي
17- واتعب ضميري واشغل الفكر والبال
وخلاني أحلم في حياةٍ كفافي
|