ماكسرنا خاطرك
أنفاسنا سريعه
دقاتنا ملخبطه
ودموعنا تجري
آآآه من زفرات تهد الجسم
وذكريات تضحكنا مره
وتبكينا مرااات
ليه لحظات السعاده ثواني
والحزن لحظاته دهر
ليه..!!
ليه مجبورين نجاري هل مقوله
ولا الظاهر هذي حقيقه مامنها مفر
ليه..!!
ليه تجبرنا الدنيا على ان احنا نلقبها
بالقاسيه
ليه ترضى
وليه تحط نفسها بهل وضع
ليه و ليه و ليه
اسئله دايم نرددها
بس ماعمرنا لقينا جواب يشفي بعض جروح سببتها لنا
مع هذا كله مضطرين نتحمل ونداري دموعنا
بابتسامه
نرسمها
غصب
أي غصب
عشان ما احد يحس فينا
ما نبيهم يتكدرون و يزعلون أويتضايقون
لان الدنيا مو مقصره معاهم ابد
والاهم
مانبي احد منهم يناظرنا بشفقه ورحمه
مانبي نحس بالانكسار
او بالاصح مانبي نشوف انكسارنا بالعيون
يعني لازم نظل مثل ماهو معروف عننا
مبتسمين ومرتاحين
وما في احد قدنا
نواسي صديق
نبتسم لأخت
ونلعب مع طفل
ندخل الفرحه بقلوب كل اللي حوالينا
هذا كله عشان مايحسون باللي فينا
واللي فينا لو نحكي عنه دهر ما انتهينا
ليه ..!!
ليه يا دنيا
مو حرام اللي تسويه فينا
يعني ما كسرنا خاطرك
ولا ابد رق قلبك علينا
تكفين
تكفين يا دنيا حني علينا
وعطينا اللي نبي
ولو مره
خلينا نبتسم من كل قلبنا
تكفين
يادنياااا
يادنياااا
تكفين ردي علينا
ليه هل قسوه كلها
طيب
طيب يا دنيا
سوي اللي تبين
و احنا
و احنا بنسوي اللي نبي
بنشكيك لواحد ماغيره احد
واحد بيده يقلبك
فوق
تحت
ربنا وربك ورب هالكون
{ الفرد الصمد }
خربشت قلمي
واتمنى يليق بمقامكم
|