[سجاياا]

على صباح الخير غفيت عيني
وعلى مساء الخير يبدا صباحي
يعني انتي هذا ناقصك ياسنيني
ماعذبك في كل ليلة نواحي
درست وآخرها السهر محتريني
لوني دريت كملت نومة صباحي
ماكنت اضن ان الملل لو يجيني
يقدر يوسع وسط صمتي جراحي
تعبت من كثر الامل ياسنيني
ياذا البطالة اطلقي لي صراحي
مستقبلي ماعاد يصبر حنيني
ودك تجي ولا اكبر مراحي
وظيفتي متى على الله تجيني
ياكثر ماللشوق فيني اجتياحي
تعبت من حمل الملف في يديني
ودي بتعيين(ن) يبرد جراحي
انظر بحسرة للشهايد وفيني
غصة تسبب في دموعي ونواحي
لا واخسارة هالتعب ياسنيني
شهايدي كبرت فيها ... مراحي