السلام عليكم يا أخواتي
زي ما قلت لكم هذي بتكون محاولتي الأخيرة
عشان أقول لكم الخطاب ما هو أبدا مشكلة يكون طويل
وسبب رأيي هو التالي :
7
7
7
7
7
تحذير قبل قراءة الرد : ساااااااااااامحوني على الفضفضة القوية إللي يمكن تحسون فيها في ردي
ساااااااااااامحوني ..... يعلم الله نيتي ، وإني كتبت الخطاب بدم قلبي وأبغى يعرفون ان قلوبنا تنزف ألم من الظلم الواقع علينا . ....... عشان كذا قلت لكم سااااااااااامحوني على الرد إللي بدون مقدمات ....
7
7
7
7
7
7
7
7
7
7
7
7
ما عمره طول الخطاب أو قصره كان شرط من شروط خطابات التظلم <<< لأن السالفة سالفة أخذ حق مهو سالفة لا يجيهم ملل من طول الخطاب ، وهم يستلمون راتب فيها أصلا ومهو تفضل منهم على الناس .
وخطابات التظلم مهو لازم تكون على كيفهم ( إذا حصل ها الشيء ) ،
وأنا واثقة مليون في الميه إن في قصص أطول من قصصنا وخطابات أطول منها وأضرب لكم قصة أخبرتني بها صاحبتها بلسانها ( وهي واحدة قابلتها في المحكمة يوم صلحت الوكالة للمحامي سامي الخلف وماسكة قضيتها حقوق الإنسان .......... عشر سنوات معلقة وبهذلة من سنة في سنة ما طلقها زوجها ومن محكمة في محكمة عشر سنوات وتدخلات أبوها وأخوانها ومعارفها وعيالها إللي ما معاهم سجلات مدنية بسبة أبوهم إللي ما قام بواجبه ...ألخ ساااااالفة طويلة ....... حقوق الإنسان ما التفتوا لها إلا يوم كتبت كل شييء صار من أول يوم علقها فيه حتى تاريخ ارسال الخطاب ..ويا كثر التفاصيل ...... هم بس اتصلوا فيها وحضروا عندها وتحققوا من إللي في الخطاب منها هي ومن أبوها وأخوانها ومعارفها الباقين .......واليوم إللي قابلتها فيه في المحكمة ، كانت الحقوق قد طلبت من المحكمة حضور زوجها المعلق لها من أجل التحقق وتطليقها منه ...... لكني أعتقد إنه ما حضر لأنها قالت لي إنه كررها 4 مرات يتم استدعاءه ولا يحضر )
والله أعذروني طولتها >>> بس أنا والله كنت أبغى أوضح لكم إن خطابات التظلم ( زي خطابنا ) مالها شروط أصلا ( طويلة قصيرة .... ألخ )
بس أهم شيء إنكم إذا تبغونهم يدركون حجم معاناتكم إكتبوا لهم كل شيء من طقطق للسلام عليكم وهم لأنهم جهة ترفع المظالم وظيفتهم يقرون الخطاب ويتحققون من إللي فيه وعلى أساسه يبدأون التحرك .
يعني أنا ما أشوف أي داع للقلق من طول الخطاب لأنه من حقنا يكون خطاب تظلمنا زي ما نبغاه ويحتوي إللي نبغاه ومهو من حق أي جهة رسمية ترفع التظلم عن الناس ( محكمة ، حقوق انسان ..ألخ ) إنها تتشرط كيف لازم يكون خطاب التظلم ،
وخليني أقول إن قضاة المحاكم يزعلووون مرة إذا كانت خطابات التظلم ما فيها كل شيء بالمليم . وبالتفصيل الممل . عشان يكونون مدركين لجميع أبعاد القضية قبل ما يقابلون المتخاصمين وسماع شكواهم وأي كلام ما ينطبق أو تغيير يروح يعرف ليش ويمكن يأجل الجلسة و الحكم عشان في كلام انقال في المحكمة وما تمت كتابته في خطاب التظلم ولازم ينكتب فيها محضر ويراجع جميع الأوراق من أول وجديد .
في الختام الله يسعدكم ....
أنا أعرف إني اللي قلته شوي قوي وفي الصميم بس هي كلمة حق والفرصة ما تجي أبدا مرتين .
والخطاب بين أيديكم والله ثم الله ثم الله إذا قررتم الإختصار ...عاااااااااااااادي عندي << ( لأني سأؤمن أن هذا إللي اختاره رب العالمين لنا كلنا )
مشكلتي ألحين إني أنا إللي كاتبة الخطاب ، وكان ودي إنه واحده غيري عشان أقدر أغير واختصر فيه زي ما تحبون .....يعني مشكلتي أن راسي ما طاوعني ألقى صيغة أكثر اختصارا <<< والله غصب عني ويعلم الله لي أكثر من يومين أحاول من غير ما أقول لأحد .
أنا الآن بأخرج من المنتدى عشان أتفرغ لإرسال الخطاب لبنت الحجاز الله يجزاها عنا ألف خير ، وبتاخذ ها الشغلة مني وقت ، وعندما يصلها بإذن الله تستشير المؤيدات لإختصار الخطاب كيف يتم اختصاره ، وتقوم هي كان الله في عونها بالباقي ...........ساااااااااامحوني مرة أخرى .
ساااامحوني ..أقسم بالله العظيم إني عاجزة فعلا عن إيجاد طريقة أختصر بها الخطاب من غير ما أخل بقوته و تأثيره ....وهذا إللي قاتلني في الصميم ، إني وصلت هنا وما أقدر أساعدكم في الخطاب أكثر من كذا .
وهذا إللي خلاّني في الأصل أطرح السؤال الموجه للجميع في بدايه هذا الموضوع يمكن ألقى رد باقتراح عبقري للإختصار ...بس اإلى الآن لم أجد . ..
أستودعكم الله
أسأل الله العظيم الحليم الرؤوف الرحمن الرحيم اللطيف الخبير الغفور الغفار ...... أن يغفر لي اسرافي في أمري وتقصيري في ذاته سبحانه وتعالى .............اللهم آمين