اقتباس:
المشاركة الأصلية كتبت بواسطة نوال
امالينا صباحك ورد وياسمين انا قريت الخطاب وعندي ملاحظتين بسيطة
الاولى انه ما اعتقد فينا وحدة عدت الاربعين سنة يعني كانه فيه شوية مبالغة يعني يمكن اقدم خريجه لها 15سنة متخرجة مثلا والارجح انها تخرجت وعمرها 22 طيب 22+15يساوي 37 يعني ممكن اقدم خريجة عمرها 37
والجهات المسئوله لو يشوفو نص كلمة فيها غلط يقفلو على الموضوع على طول يعني لو انهم مثلا اهتمو بالموضوع وبعدين اكتشفوا انه مافيه وحده في الاربعين موفصالح البنات
النقطة الثانية الخطاب طوييييييييييييييل جدا وهذا والله سبب اخر لعدم قراءة الموضوع بجدية يعني لو فيه اختصارت يكون افضل وتقبلو تحياتي وقبلاتي الحارة
|
صباحك نووور وخير وعافية يا نوال .
ملاحظتك الأولى : ( المبالغة
)
أنا زيك قلت مبالغة ورحت أعد وأحسب بس تذكرت إن في واحدة جديدة سجلت أيام موضوعنا ( الخريجاااااااات القدامى مهم أدخلي ) واسمها في المنتدى ( استغفار ) كتبت إنها تبغى تشارك معنا وإن لها 18 سنة من التخرج
.
وهذا نص طلبها :
(((((( معاكم والله يوفقنا
خريجة جامعة الملك عبدالعزيز بجدة عام 1413ه
دراسات اسلامية يعني 18 سنة انتظار
اخبروني ماالمطلوب وأشارك معكم في الحملة ردوا عليه ضروري )))))))
الرد الثالث في هذه الصفحة
http://www.madinahx.com/t15583-32.html
وأنا رديت عليها في نفس الصفحة .
والخلاصة : أفترضت إن البنت شاركت بمعلوماتها وبياناتها معنا زيها زي غيرها <<< هل هي فعلا مهي معنا ؟ ... وإلا كيف ؟ ....معقولة مهي معنا؟!
..... 18 سنة ومهي معنا ؟!.
و أنا أبدا ما أحب المبالغة وأنا قلت ( فوق الأربعين ) كنت أقصد البنت استغفار .... لأني بكل بساطة ما أدري منهي إللي أرسلت ومنهي إللي لأ ؟ وافترضت بما أن بنت الحجاز قرته قبل ما أنزله في موضوع إن هذي البنت ( استغفار ) معنا فعلا . <<< يعني كنت في الأصل أكتب حقائق وليس مبالغات
.
ملاحظتك الثانية : ( الخطاب طويل 
)
1- أنا أرى الخطاب ليس طويلا أبدا فقد احتوى عذاب ومعاناة 12 سنة < ( المتوسط بين ذوات 6 السنوات وذات الـ 18 سنة )
2- لازم خطاب التظلّم يحتوي كل شيء (((
العقبات والتضرر والمعاناة ))) لأنهم ما بيجلسون يتصلون كل شوي على الأشخاص المعنيين ( البنات إللي راحوا والثانيات إللي ما قدروا ) عشان يتحققون من صحة الكلام و التظلم إللي تم في اللقاء مع المسؤولة إللي وعدت باللقاء ورفع الأوراق ، أنا أدري أن البنات بيقولون لها نفس الكلام إللي في الخطاب وحتى أكثر وأكثر ، لكن الخطاب ما بيجلس في درج تلك المسؤولة لازم ينرفع لأشخاص آخرين ما نعرفهم واحد واثنين وثلاثة ومهو بعيدة توصل لإجتماعات بين المسوؤلين في الحقوق وما هي بعيدة بعد توصل لرئيس الجمعية الوطنية لحقوق الإنسان بالمملكة العربية السعودية : د/ مفلح بن ربيعان القحطاني .
وكل المسؤولين إللي بيصلهم الخطاب وما حضروا لقاء البنات بصفة شخصية ( صغيرهم وكبيرهم ) بيلتزمون بالتظلم الموجود في الخطاب وليس بكلام وحديث دار مع المسؤولة من غير ما يتم تسجيله . ، في حالة إذا تم اختصار الخطاب تروح المسؤولة ترقّع لنا عند المسؤولين وتقول البنات معاناتهم مرة قوية ...و و.... و ... وحكوا لي .....و...,..و
على طول بيردون في وجهها ........طيب ليش ما كتبوه في الخطاب ..... <<< يعني لازم هم أصلا ياخذون بشيء كتبناه إحنا مهو شيء يكتبه غيرنا أو يقوله .
على كذا ما دام الخطاب بيروح
من يد المسؤولة اللي بتسوي لقاء مع البنات لأيادي ثانية ( وخاصة لأيادي رجال
اللي ما نقدر نتكلم معاهم ونعبر عن معاناتنا مثل ما هي ) لاااازم الخطاب يحتوي كل شيء (
العقبات والتضرر والمعاناة ) بدون أي تنقيص
.
وإذا ما زالت هناك ملاحظات أخرى
أو ما قدرت أزيل حيرتكم في أي ملاحظة أعلاه ....اخبروني و لا تبخلوا علينا الله يسعدكم ويخلينا لبعض . ...... اللهم آمين
.