[Amalina]

المشاركة الأصلية كتبت بواسطة هنهونه

أنا لي فتره أفكر فيها واللي حولي شجعوني بس ماني عارفه من وين أبدأ
ومتى أبدأ أستقبل مثلا قبل الإختبارات أو من أول السنه والأسعار ماعندي خبره فيها أبدا

الفكرة والله أكثر من ممتازة يا عاديات المزون فقط يبغالها تهيئة الظروف لتطبيقها

وأنت يا هنهونه إذا كنت بتبدئين من أول السنة بتكونين في راااااحة بدون ضغط والدروس على مهلك
لكن المصيبة إللي يجيك قبل الإختبارات تعطينه المنهج كاااامل <<< ( طبعا مؤكد هذا تسعيرته الضعف أو 3 أضعاف السعر العادي حق راحتك وتعبك )
وإذا أنت بحول الله ناوية ( سواء كذا وإلا كذا ) لاااازم تحطين أسعار للحالتين عشان إذا جاك واحد قبل الإختبارات يقول وش هذي الأسعار ؟!<< ( قائمة ورقية بالأسعار ).

تورينه على طووووول قائمة بأسعار الأيام العادية وأن هذه الأسعار حق التعب والوقت المضاعف
ولا تنسين أنه يفضل ( في رأيي طبعا ) أن تكون الأسعار بالساعة .

وأهممممممممممممممم شيء ( تكونين واثقة في طرح أسعارك مو يجي أحد يناقشك في السعر تغيرينه ... حسسيهم إنهم إذا رفضوا التعامل معاك إنهم هم الخسرانين مهو أنت ) <<<< بفضل الله وحده..... أنا مجربة وخذوا كلمتي .

أنا ما اشتغلت في التدريس الخصوصي بحكم المكان إللي أعيش فيه لكن كنت أعمل التحاضير للمعلمات في مدارس القرية ( ما شاء الله كنت بحول الله وفضله أضبّط للوحده التحضير على كيف كيفها ،وكنت أستلم منها مبلغ مقدم ( لزوم حبر الطابعة والورق ومتعلقات التغليف ... ألخ ) + قرص التحضير إللي تحضيره في الأصل زفت وتطلب مني قائمة طوييييييييلة بالإضافات إللي تبغاها وإللي تبغاه ينحذف وتعديلات بالهبل ....

بعد أسبوعين تقريبا أو على حسب 3 أسابيع ، تستلم تحضيرها بفضل الله أحسن ما يكون ...... الشغلة متعبة لكن بحول الله قدرت عليها كنت أجلس تقريبا 10 ساعات يوميا طوال الفترة أضيف .. أعدل.. أحذف.. أتأكد من كل ورقة أنها تنطبع كاملة بجميع أطرافها .....ألخ .
في الأخير يصفى لي تقريبا 600 ريال من غير التكاليف << على حسب عدد المواد
ألحين أغلب المعلمات إللي صلّحت لهم تحاضيرهم ... يتصلون علي عشان شغلات خفيفة ( أوراق عمل ، تحضير لدرس نموذجي ، مطويات ....وعمل مجسمات ..ألخ ) والله سبحانه أعطاني له الحمد والشكر وله الفضل والمنة .

لكن الحمد لله زي ما قلت لكم المكان إللي أعيش فيه ما يسعفني ألقى معلمات كثير ( يعني مرة مرتين بالكثير في السنة ) .............. أسأل الله أن يؤتينا من واسع فضله .


شاركتكم تجربتي في كسب رزقي من البيت .... أيش رايكم ؟ يعني إللي متخوفة من التدريس في شغلات ثانية لها علاقة بشهاداتنا .


أسأل الله العظيم الحليم الرحمن الرحيم الفرد الصمد القوي العزيز القادر ... أن تسخر لنا جميع السبل لنتمكن من مبتغانا ........... اللهم آمين .