السلام عليكم ورحمة الله وبركاته
للتو عصر الأحد رجعت من الرياض إلى موطني الأحساء
ماحصل صباح السبت أني توجهت للوزارة فوجدت على كل باب من أبواب الوزارة دوريات المرور
وماوجدت أي خريج واقف بالخارج !!
وقفت السيارة ونزلت لمبنى الوزارة الإداري شفت ناس متجمعه في المسجد قلت خل أسأل هل هؤلاء خريجين ولا محاضرة !!
قالوا لي هؤلاء كليات معلمين أنت منهم ؟ قلت لا أنا جامعي ! وجلست مع كليات المعلمين ماعندهم الا قياس وقياس
وقفت أدور على أحد معاه شهادة جامعية ماشفت أحد!!
شفت وجودي ماله داعي وتوجهت لمكتب سمو الوزير الله يطول عمره
وماشفت أحد واقف عنده بعدين جاء السيكورتي وقلت له أبي أقدم هذا الخطاب للوزير , قالي توجه تحت للاتصالات , نزلت وأعطيت الموظف الخطاب قالي انتظر !
وبعد 5دقايق أعطاني ورقة مراجعة فيها رقم المعاملة
والموعد الثلاثاء
بالعربي كنت وحيدا من خريجي الجامعات لغة عربية قطعت مسافة 350 كيلو ذهاب و 350 عودة وقدمت الخطاب بخصوص الجامعيين لغة عربية
عسى الله أن يلين ويرقق قلب سمو الوزير علينا
نسألكم الدعاء
منقول