اقتباس:
المشاركة الأصلية كتبت بواسطة رذأإذ
كما هو معهود من السعوديين يحتجون على كل شي وايش ضركم هؤلاء اطفال لماذا دائما نظرتكم جنسيه الى متى هذه النظرة خافوا ربكم اللي يقول والله انكم مربين بناتكم وعيالكم زين ماهو اذا وصلوا ثالث متوسط دشروا وتعرفوا على بعض وضاعوا مع بعض بين مكالمات اخر الليل ومقابلات في الأسواق والمطاعم والشقق المفروشة الا القلة المتابعين الجيدين لأبنائهم
|
وشذا الكلام البايخ
وش قصدك نظرتنا جنسية احنا قاعدين نتكلم من باب التعاليم الاسلاميه
والرسول أوصى بالتفرقه وعدم الاختلاط وله حكمه في هذا النهي ولو ماله اضرار مانهى عنه الرسول سواء جنسية أو غير جنسية ليش التلاعب بتعاليم ديننا الحنيف وكل واحد يفسر من وجهة نظرة ليش مانضع الرسول عليه أفضل الصلاة وأزكى التسليم أمامنا في جميع تصرفاتنا لو كان الرسول عليه السلام موجود هل يوافق على مثل هذا............؟؟؟؟
لا وألف لاااااااا
وين الحكمة وين العقل في اتخاذ القرارات وين الدين ...؟
لايوجد ولا عذر مقنع لهذا القرار الفاشل الولد من يوم هو صغير المفروض يتربى على رجوله ويتعامل معاه رجال وبعدين اشفيهم المعلمين والله اعرف معلمين كانو يطلعون الطلاب فعلا راااااااااائعين وناجحيييييييين
اذا الطلاب صارو مايعرفون لا جمع ولا طرح ولاحتى الحروف فهذا من التقويم المستمر الفاشل
والعذر الغبي الثاني انه (المعلمة) اقرب لهم لا طبعا المعلمة ماتعرف تتصرف مع الأولاد وش ذنبها موكفايه انه البنات صاروا متعبين أجل كيف بيتعاملو مع الأولاد
كل هذه أعذار بايخه هم بس يبون يصلحون شي يعني احنا نبغى نطور ونغير ويبون يظهرون أنفسهم للدول الأخرى شوفونا سوينا المستحيل وبنصير زيكم ماعرفو انه اكبر تخلف..
هذا القرار مو ناتج عنه ولا ايجابياات كلها سلبيات
انا اعرف اخوان واحد اول ابتدائي والثاني اصغر منه تقول امهم اسمعهم يتضاربون على بنت خالتهم وهي اكبر منهم ب4 سنين كل واحد يقول انا باتزوجها
الحين الجيل منفتح بزيااااادة وصار النت والقنوات والراقصات وصور الحريم العاريات الله يبلاهم في كل مكان وكل الأطفال يشوفون الأشياء هذه وماتبونهم يتأثرون وتقولون لا تنظرون نظرة جنسية
لا طبعا لازم ننظر نظرة جنسية وغير جنسية بعد عشان نحرص على بناتنا وأولادنا ويابلاوي تصير في الروضه من هذا الجانب أجل الي أكبر منهم وش بيسوون
وكفايه انهم مهما كبرو بترسخ في اذهانهم صور البنات والمعلمات والواحد يوصف أشكال المعلمات وهذه شياكه وهذه جميله وفلانه مو حلوه ويصير ماهمهم الا فلانه وعلانه و...وووو
طييب وبعدين وين غرس الرجوله والقوه في داخلهم اذا الحين صاروا الشباب في المتوسط مايعيين من صور يشوفونها في النت او المسلسلات وش بيصير في اللي أصغر منهم.
أنا أقول الي موافق هذا القرار هو علماني يريد فصل الدين عن الدوله.
يارب ارحمنا برحمتك يا أرحم الراحمين
اللهم صلي وسلم وبارك على حبيبنا ونبينا ورسولنا وقدوتنا وقرة أعيننا محمد ابن عبد الله في الأولين وفي الأخرين وفي كل وقت وكل حين وفي الملأ الأعلى الى يوم الدين
اللهم اني اسألك أن ترزقني شفاعته وتوردني حوضه وتسقيني من يديه الشريفتين شربه هنيئة مريئة لا أظمأ بعدها ابدا اللهم وكما جعلتني أؤمن به ولم أره فلا تفرق بيني وبينه حتى تدخلني مدخله ياكريم ياوهاب
اللهم ألهمنا رشدنا وأعذنا من شر أنفسنا اللهم أشرح صدرورنا ويسر أمورنا وزدنا علما
اللهم آتني ( الحكمة) التي من أوتيتها فقد أوتي خيرا كثيرا)
آمييييييييييييييييييييييييييييييييييييين يارب العالمين