أفيدوني يأهل خيبر ومن جرب السكنى فيها
 

أنا من مدينة جدة تم تعييني والحمد الله في قطاع خيبر معلمة لغة عربية متوسط ثانوي حسب مؤهلي ..
فكرت في الاتي :
1- أدارة التعليم طلبوا مني ترتيب الشرايح من 550 إلى 554 إجباري دون تكرار .. لكن تفاجأت أن الشريحة 554 تتضمن مرحلة ابتدائية فقط أي لا تتناسب مع مؤهلي .. ما العمل كيف أتصرف ؟
2- أسكن في خيبر وأداوم منها إلى قراها إن كتب ربي إلى الآن مافي شي محدد منلآنه على أساس المدرسة أبي أسكن شي قريب من مقر عملي .
3- أسألكم ان تعاونوني في أيجاد سكن شقة أيجار , ممكن أبوي يكون معي يوم إلى أن أستقر وبعدها يتركني قلت لحالي أكيد في سكن معلمات مع بعض ياكثر المتغربات من خارج المدينة ..
4- أسأل أن كان عندكم ميكروباص أو مواصلات خاصة للمعلمات .
وأخير بعد الله ثقتي في أهل المدينة وخيبر كبيرة .. أرجو المساعدة ..

انا كذلك من مكه وتوجيههي في خيبر ولا اعرف شي فيها حتى ترتيب ا لشرائح الاقرب للمدينه

وانا كذلك .. من المنطقه الشرقيه وتم تعييني في خيبر ... وضايعه موعارفه شسوي .. ياليت احد يرحم والديه يساعدنا .. وخايفه من الوضع . ارجو من يطمنا

انا كنت في خيبر وتم نقلي للمدينة افضلكم السكن في المدينة والذهاب مع السيارات الناقلة الى المدرسة التي يتم تعينك فيها ففي كل مدرسة باي قرية من قرى خيبر تجدين كم معلمة من المدينة واذا اردتم اي استفسار انا بالخدمة وبالتوفيق لكم

حبيباتي اولا مبروووك التعيين ثانيا انا من اهل المدينه ولما جاني تعيين في خيبر سكنت فيها مع زوجي ارتحت من الناحية الجسدية وهم النقليات لكن من الناحية النفسية تعبت وكثير معلمات يداوموا بنقليات من المدينه واعرف معلمات من مكه وجدة سكنوا في غرف مفروشه لكن لازم يكون معااك احد ..وسكن معلمات مااافيه من الأفضل لكم تختاروا الشرائح القريبة من المدينه يعني المليليح شجوى اللحن الصلصلة العقيلة الثمد زبران خيبر ثم العشااش ( تبعد 250 كيلو عن المدينة) واستخيروا وربنا يكتب لكم اللي فيه الخير .......

:b020: الحمد لله اني نقلت من خيييييبررر :c015:

انا من المدينه وتعاقدي وتثبيتي في خيبر
بس انا كنت في الصلصله
واداوم من المدينه
فيه سيارات كثير تطلع من المدينه لخيبر بكل قطاعاتها
بس والله ما اعرف شي عن السكن فيها

وانا بعد من جدة وتم تعيني في خيبر
متوترة وقلقانة
ياليت في احد يطمنا بالقرى والسكن
الله يوفق الجميع

طييب يااختي ماعندك خبره عن المدارس الابتدائيه بقرى خيبر ايت الاحسن

في مشاكل ولا كيف.. ياليت توضحون لناطيب لماذا التعب نفسيا ... هذا اللي مخوفني .. هل شعبها يصعب التعامل معهم ؟؟؟

سألتكم حتسكنوا بخيبر أسهل لكم .. أو تداومون من المدينة هجولة رايح جاي وطريقها صعب .. أبيكم تسااااعدوني وندور على سكن ولو بتلايجار مع بعض والله ان جات علي أنا حأنزل مع أبوي يستأجر لي بس مستحيل أسكن لحالي .. ايش قلتوا