استفسار عن مدرسة سعيد بن جبير الابتدائيه بالحسو
 

السلام عليكم ورحمة الله وبركاته
الي عنده معلوومه عن المدرسه لا يبخل علينا
كم عدد الطلاب كيف وضع المدير
واذا عنده معلومه عن المحافظه هل فيها سكن خدمات صراف راجحي أهم شي

اتمنى احد يجاوب على استفساراتك
انا بعد السنه هذي تم توجيهي للمدرسه
الله يكتب لنا الخير

من ناحية السكن فيه سكن بيوت شعبيه سيئة والاجار غالي
الصراف مافيه اقرب صرافه بالحناكيه 140 ك
الطلاب مستواهم سيئ بسبب المعلمين الي ما يخافون من الله
المدير ابن حلال وطيب الله يجزاه خير أ/ فواز المطيري
فيه محطه فيها خدمات سوبر ماركت
المطعم سيئ الله يعينكم على الطبخ او عامل يطبخ لكم
مستشفى حكومي مبنى المدرسه حكومي
اهل القريه من قبيلة الميموني من مطير ونعم فيهم طيبين مع الطيب
انتبهو للحراميه قفلو عزبتكم زين
من المدينة
190 ك ثم تفرق مع مفرق الهميج والحسو ثم 60 ك تقريبا خط زراعي سيئ انتهو من تقاطع الهميج خطير
وتعرفون سواقه اهل الباديه يطمر بالخط وهو مغمض الله يستر ع الجميع
الدوام من المدينه تعب
ليه
لن الخروج من المدرسه الساعه 12 وانت احسبها طبعن على اعتبار ان لك خرجه او خرجتين بالاسبوع
الزملاء الي بالمدرسه طيبين وكلن في حاله وهذا افضل شي
معلم سابق
الله يوفقكم جميع

يعطيك العافيه مقصرت

لكن لي ملاحظتين على كلامك ياليت تشرحهم لي
الاولى ( فيهم طيبين مع الطيب ) وش قصدك بالطيب ؟

الثانية ( انتبهو للحراميه قفلو عزبتكم زين ) الحرامية من اهل الديرة !!

حياك اخوي

يعنى خلك في حالك ولا تتمشكل مع ابناهم ( الطلاب )

بالعربي الاهالي يبون عيالهم ينجحون وبس السنه الي راحت والي قبلها بعض المدرسين رسبو طلاب في الاخير نجحو الطلاب من الاداره

هم اهل باديه فيهم الطيبه

واصابع يدك ماهي زي بعض

بالنسبه اهل الديره حراميه الشهاده لله لا بس فيه شواذ والحراميه وانا اخوك موجودين بوسط الحرم ما نقدر انقول الي بالحرم حراميه


للمعلوميه المدير تغير اصبح أ/ محمد عواض ابو جاسر هو المدير ابن حلال طيب
من اهل القريه ابشرو بالخير
الله يوفقكم جميع

الله يجزاك بالخير قريت مقصرت جاوبت على كل الاستفسارات