منتدى التعليم توزيع وتحضير المواد الدراسية

وينك على الموعد أنا كنت موجود ؟؟
جيتك وله ، وأحساس ، عاشق وملتاع

جيتك وأنا مشتاق لعيونك السود
وأبي معانق يشفي جروح وأوجاع

قلبك تغير ليه ، ياناعم العود ؟
وطبعك تغير ليه ، ياعذب الأطباع ؟

شحـّـيت في وصلك ،، وكل يوم لك مود
ومارست دور الثقل باشكال وأنواع

من علمك تقسى على صاحبك زود ؟
وأنت اللذي لك منزل ٍ بين الأضلاع

منهو يحاول بيننا ،، يبني سدود ؟؟
منهو يشيل الذنب ، لو حبنا ضاع ؟؟

أللي ربطني فيك ، ميثاق وعهود
وأللي حرمني منك ، تافه وخداع

من غيّر أطباعك مع الوقت ، مقرود
خبير في فرقى المواليف ،، وله باع

ياعاذلي للصبر ، في قلبي حدود
مافاد بك طيبي ، ولا فاد الأقناع

على الردى ياعاذلي منت محدود
وش تستفيد أن صرت حاقد وطماع ؟؟

من غاب عني ، كلها أيام ويعود
خلي وأعرفه ، ماتغير ولا باع

مدامني بالحب والشوق موعود ؟؟
بكره يزين الحال ، وتــّـزين الأوضاع

وسلامتكم ،،