|
أنا زعلانة...ليش محد يرد علي!!!!!؟؟؟
[align=center]
بسم الله الرحمن الرحيم [/align] لماذا لايتم الرد على موضوعاتي...!.. يمكن بعض من كتب موضوع بالمنتدى هنا ...يسأل ليش محد يرد عليه!؟ أو الرد قليل مرة... وحاولت حصر الأسباب التي أعرفها في سبب عدم الرد على موضوع ..أو تكون الردود عليه قليلة رغم أنه يكون موضوع قيم جدا..! 1_ الموضوع مهو في وقته! (يعني مثلا موضوع عن كيف تتفوقين في الدراسة وإحنا بكرة الإختبارات النهآئية. 2_ الموضوع طويل ..ومعروض بطريقة ماتشد (صامتة!! )..وأغلبنا الآن يمل من القرآءة الطويلة ! 3- الموضوع مكرر وأخذ حقه من الردود..قبل كذا..فالأعضاء ملوا من إعادة فتحه.. 4_ الموضوع معروض بلغة صعبة . وليس المقصود اللغة العربية بل مثلا تخيلوا عنوان (أديولجية التعاون الإقتصادي في الدول النامية )!!!! تخيلوا هذا الموضوع في منتدى طالبات ثانوية عامة..:surrender::surrender::imp: هذي بعض الأسباب إللي تخص الموضوع...وفي أسباب تخص كاتب الموضوع نفسه! 1_ كاتبة الموضوع جديدة (يعني ماتمووووون)!.....والناس تحب إللي يكون بالمنتدى دايم وعارف الأعضاء كلهم... 2_ كاتبة الموضوع أصلا ماترد إلا على مواضيع بنات (الشلة) عشان كذا بقية الأعضاء مايردون على مواضيعها! لأن عندها (عنصرية في الرد!).. 3_ كاتبة الموضوع ماتشجع الأعضاء على الرد!! كيف يعني؟؟؟...يعني مثلا طارحة موضوع حلو ومهمممم مررررة للنقاش! وتاركته...رد أول ..رد ثاني ..والناس تبغى رأيها في ردودهم ..وهي مطننننننشة!...:004::004: 4_ كاتبة الموضوع ردودها على الناس إللي ردوا على موضوعها ماتشجع!!! يعني دايما حاطة الجملة نفسها ( موفق بارك الله فيك لك مني أجمل تحية!!!) ...وإذا بتغير مرة في السنة غيرت اللون وإلا كبرت الخط..! 5_ كاتبة الموضوع ماتحترم الرأي إللي يخالفها...فتكون ردودها عليهم ..إن لازم موضوعها يكون صح! وإلا تتخاصم معهم نص الموضوع!:m03136: 6- صاحبة الموضوع تنزل موضوعين أو أكثر في نفس الوقت فالأعضاء مالهم فرصة يفكروا ويقرأو الموضوع بتركيز عشان يردوا عليه. :wy: هذي بعض الأفكار إللي جتني لأني شفت بعض الأعضاء زعلان من عدم رد الباقي عليه... وإللي عندها أسباب ثانية ترد علي !!! لاتطنشوني ...ردوا!!!:c030::c030::c030::c030: :BoomSmilie_anim::BoomSmilie_anim::BoomSmilie_anim : |
اااامممممم الحمد لله ان شااء الله مااحد يسبقني
شغل باالي دا الموضوع ربي يسلم يدك بس صعب شويااا تتعرفي ع الكل مرره وحده ربي يسعد قلبك |
اقتباس:
بس ولايهمك ...بالتدريج كل إللي في المنتدى بيصيروا يعرفوك ويسألوا عنك إذا كنتي تتفاعلي معهم..وتحبيهم بصدق.. وتحترميهم. اقتباس:
|
اقتباس:
ربي الشااهد احبهم واحترمهم اااااااااااااااااااااااااااااامين تسلمي |
السلام عليكم ورحمة الله وبركاته
كلامك كله صح بس عني انا عندي ظروف يعني وين و وين ادخل المنتدى اعذروني ما اقدر ادخل واذا دخلت ما يمدي ارد على الكل |
وربي أحب كل موضيعكـ
بس انا أحياناااا أفتح بالجوال وانا ما اجب أرد الا باإلاب |
افـــــــــــــــــــــــــــا بس
ما عــــــــاش من يزعلك ... |
اقتباس:
اقتباس:
:g010: الله يسعدكم...بس الظاهر فهمتوا الموضوع خطأ!.. الموضوع مهو عني!!...الموضوع عام لأن البعض كان زعلان عشان بيحط موضوع ومحد يرد عليه... وشكرا على المشاعر الحلوة... |
بالفعل هذا مانعاني منه هنا وحاولت أن أجد أسباباً اخرى ولكن لم أجد اضافة لكلامكـ <<كفيتي ووفيتي ^^
أذكر مرةً كنت أتصفح في المنتدى وجلست احدى أخواتي بجواري وكان الإستغراب بادياً على محياها وعندما سألتها قالت: (بالله مدرسه قد ايش طولها وعرضها ومنتداها بدا البرود في الردود!!! لا والمشاهدات بالهبل؟!!!) سلمتي وسلمت لنا ابداعــــــــاتكـ وجزاكِـ المولى خيــــــــــر الجزاء:rose: |
أبغى أتجرد من (مثالية ) المشرفة وأرد على كلام أختك..
أولا! ....بس يكفي لو تعرفي عدد مشاركات المدارس الثانوية في منتدى التربية والتعليم قسم البنين! .....( صفر! ) ليش تتوقعي؟؟؟؟ لأنهم أصلا تجيهم حالات (يشردوا ) من المدرسة الصباح!...فكيف تبغي بالله (يرجعوا لها العصر) برجولهم!!!! وفي طلاب مرحلة ثانوية في منتدى من المنتديات! ..عدد مشاركاتهم توصل الألف .. ومشاركات مجهدة ومتعبة وتحتاج وقت يعني حتى مهي منتديات فاضية ..أنا شفت نماذج مترجمين من لغات أجنبية لأفلام كرتون وأفلام علمية..بس أهم شي مايبغوا منتدى المدرسة!!!!! وهذا ينطبق على البنات ...لكن الفرق إن البنت عالمها الثاني ..المدرسة .. وجالسة أغلب الوقت بالبيت .ومع ذلك غالب الطالبات معد يحبوا المدرسة! ؟؟؟ السبب الثاني! ...أبغاك تروحي منتدى التسلية والترفيه! عندنا ..شوفي عدد المشاركات في موضوع : ( أدخل السجن وشوف من يطلعكـ؟؟؟ )...! شيء عجيب!...ليه؟؟؟ أولا عشان الطالبات في هذا السن ماعندهم إهتمام بالشي الجدي! ثانيا : تعالي إسألي طالبة في الثانوي وإلا المتوسط!...تعطيك رأيها مثلا عن المنهج المطور إللي قاعدة تدرسه!! أتحداك تعطيك إجابة علمية ..أو حتى تسهب في الإجابة... تلقيها تقول : حلو!...أو : مهو حلو! ... بس خليها تعطيك رأيها في فستان! ..وإلا تسريحة!وإلا مكياج!!...والله تفتح عامود ناقد في جريدة! أنا شفت وحدة روسية مسلمة عمرها 15 سنة..تتككلم عن طموحها ..علما بأنها نشأت يتيمة في دار رعاية..والله تتكلم عن رغباتها وطموحها والواقع الحالي كأنها أستاذة جامعية! بناتنا وأبناؤنا للأسف تطلعاتهم سطحية للغاية!...أنهكهم الترف ! |
| الساعة الآن 12:57 PM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو