|
متــــغربين احنــــــا
السلام عليكم ورحمه الله وبركاته مساء الخير بسالكم من فيكم متغرب .... اومين جرب الغربه قبل كـــذا طيب اذا متغرب او متغربه او انك مجررب او مجربه الغربه قبل كــذا يعني لاْي سبب كان لدراسه ... لزواج .... لعمل.... لدورة.. اي كان سبب الغربه ماهي مشاعركم وانتم بعيدين عن المدينه المنوره او مدينتك لان الاغلب هنا من المدينه..؟؟ متحملين الغربه....تحسون بالضيقه ايام الاسبوع كامله..؟؟ كيف تصفون لنا يوم الربوع هذا اللي يجي بنهاية الاسبــوع...؟؟ ياليت تعطون ارائكم .... مع وصف لمعيشتكم في الغربه وطريقه التعايش فيها..؟؟ ايش الطرق اللى تساعد بالتعايش مع الغربــه لوكان الواحد مو متاْقلم..؟؟ |
بدك الصراحة
متغربت بس يمكن أحيانن الغربة يكون شي حلو تعرف ليش منشان تعرف قيمت الي حولك ويعرفو قيمتك بس أحيانن نكون بين أهلنا ونكون في غربة وقساء من الغربة بس الغربة عن البلد أحينن تكون حلوة تعرف قيمت بلادك أهلك اصحابك تعرف كل شارع في مدينتة قيمتة بس غربت البلد مو أقسى من الغربة ونت في بلدك |
انا حبيت اضيف على كلام اختي ( بنت أبوي وقدعه ) هالكلمـــــات ..
التحمل ~ والصبر ~ تحمل المسؤليه لوحدك ~ الوثوق بالنفس ~ السعي لخدمه نفسك ~ معرفه ماهو الصح من الغلط ~ تعيش التجربه ~ وغيرهاا ~ من مشاعر ~ من إشتياق للوطن ~ والأهل ~ والبيت ~ ومكان الطفوله ~ والأصدقاء ~ ممـــا رآآآآآآق لــــــي ~ ^_^ والله يرجع كل واحد لبلدهـ بالسلـــــامةة .. |
الله يعينك على الغربه وخاصتاً اللي يحب المدينه لايمكن يطيق يعيش بغيرها
انا ماجربت الغربه والابتعاااد عن المدينه بس بالسفر ماتحمل اغيب عنها 3 أيام إلا اقول خلاص بنرجع لي اخ متغرب مثلك مره بجده والان بينبع مايصدق باالاربعاء حتى ينزل للمدينه حااااله يحزن بس علمته الغربه الاعتماااد على نفسه كالطبخ والتنظيف انصحك اذا لم تتزوج ابحث لك عن بنت الحلال لتشاااركك الغربه وتخفف عنك بس أحسن الاختيار بواحده تتحمل الغربه هذا حل من الحلول اللي تخفف عنك الغربه وتهونها عليك اتمنى لجميع المغتربين ان يسهل الله ويخفف غربتهم ويرجعهم بالسلامه لاأهاليهم |
وعليكم السلام ورحمة الله وبركاته حياك الله أخوي خريج إنتظار .. الغربة أنواع وأنا أخوك أقسى الأنواع يوم تكون غريب وأنت بوسط أهلك وناسك .. تصبح بالجسد موجود وأنت بالعقل والروح غايب .. وعندك غربة الجسد .. إنك تغيب عن اللي حولك أما لعمل دائم أو عمل بسيط وتعود لكن يبقى الفكر متعلق بأهلك وربعك وهم يبادلونك نفس لشعور مايخفف عنك هم الغربة .. وعندك غربة الجسد والروح .. إنك تغيب ياغالي وما أحد سئل عنك وتشيل همك على أكتافك ماتلقى من يواسيك ويسئل عنك .. بهذه الحالة تحس بطعم الغربة على أصولة .. وتأكد أخوي خريج إنك ماتحس بطعم الغربة الا إذا كان هناك علاقة قوية تربطتك بالمكان اللي أنت مفارقة أو بالأشخاص اللي بهذا المكان .. لذلك عندما تتغرب وتجد التواصل ممن تحب يخف عنك الهم والألم ويزيد الشوق والإنتظار .. وعندما تتغرب وأنت تعلم أن لايوجد من يهتم فيك ويسئل عنك تستلذ بالغربة وتتمنى عدم الرجوع .. ونحن يا أهل طيبة الطيبة نختلف كثيراً عن باقي سكان مدن المملكة لأننا تربطا علاقة مع مدينتنا نحبها وتحبنا لذلك لو لم تجد من يسئل عنك يفكي رجوعي لأستشق هوائها وتطاء قداماي ترابها .. بالنسبة تغربت لأكثر من أحد عشر عاماً مابين تعلم وتعليم ومازلت متغرب.. وقد ذقت مرارة الغربة كثيرا .. وأكثر مايصبرني هو إيماني الكبير بالله سبحانه وتعالى أني مأجور على هذا الصبر , وعلاقتي بالجميع أحرص أن أكون على تواصل دائم معهم .. ويوم الأربعاء يعتبر عندي أفضل يوم لأني يوم الرجوع الى الديار .. والتأقلم يأتي مع الأيام كل ماطالت المدة تجد نفسك تملك الصبر أكثر من قبل ( ممكن في بداية الغربة أسبوعيا ً تنزل المدينة وبعد فترة تصير أسبوع وأسبوع وبعدها تصير كل شهر مره وهذه حددها المسفة ومدى علاقتك بمدينتك وأهلها .. ولاننسى خوتك بالغربة لهم دور كبير جداً بالتأقلم والأنبساط بالغربة .. وفقك الله أخوي خريج .. ونسئل الله العلي القدير أن يعود كل متغرب لديارة .. موضوع جميل بارك الله فيك .. |
طيب وش رأيك في معلم مغترب والطلاب ثانوي مايعرفون يقرأون ولا يكتبون حتى مايعرفون يغشّون من الكتاب
وبعضهم ماداوم من بداية الفصل الا اليوم |
اقتباس:
اهلا فيك منوره اختي كلامك صح والله العظيم ماتعرف قيمة اللى حوالك من اهل واصحاب واحباب الا من خلال غربتك عنهم والله تعرف قيمة كل واحد منهم ااما الغربة وانت ببلدك بصراحه احس ثقيلة شوي الله يبعد كل مسلم عن مثل هالنوع من الغربة اشكررك على طرح راْيك |
اقتباس:
رائعه الكلمات شكـــرا على ماخطت اْناملك |
اقتباس:
حياك الله اختي الكريمه ام عيالهــا عسى الله يخلي لك عيالك والله صدقتي بكل ماكتبتي وربي البعد عن المدينة مرره يتعب ,,,, وكنت اسمع بها لمقوله لكن ماحسيت فيها الا لما تغربنا الحمدلله على كل حال والله يعين اخوك على غربته ويعين جميع اخواننا المسلمين |
اقتباس:
يابعدي انت و نساْل الله لنا ولك التوفيق |
| الساعة الآن 02:57 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو