منتدى التعليم توزيع وتحضير المواد الدراسية - خلاصة أفكار للمشي على السير

السلام عليكم ورحمة الله وبركاته

قبل مانبدأ في سرد الافكار لازم أول حاجه تضغطي على نفسك (نصيحة ذكريات الماضي زوزو لي) تجاهدي نفسك http://www.lakii.com/vb/images/smilies/2.gif وما تكسليش علشان تحققي هدفك ماتخليش حالتك النفسيه هي اللي تتحكم في نشاطاتك

ثانيا وفري لنفسك الادوات وحضري الجو المناسب يعني حطي الجهاز في مكان مناسب مش تحطيه في غرفه معزوله و وشك في الحيطه ويبقى ناقص ترفعي ايدك فوق والبسي حذاء رياضي وملابس قطنيه مريحه وخفيفه ماأنتي في البيت ماتخنقيش نفسك يعني http://www.lakii.com/vb/images/smilies/86.gif خلي مشيتك عسكريه فارده ظهرك وشافطه بطنك ورأسك مرفوعه

http://www.lakii.com/img/all/Aug10/zwftPc08130645.jpg

ثالثا يستحسن يكون المكان جيد التهويه بالذات في الصيف لانك بعد أول 10 دقائق جسمك هيسخن خالص http://www.lakii.com/vb/images/smilies/1.gif فعلشان ماتزهقيش وتقفي الافضل أنك قبل ماتبدأي تخلي الحجره فيها مصدر جيد للتهويه أو تشغلي المكيف

رابعا خلي جنبك زجاجة ماء تكون في متناول ايدك وأنتي على السير وكل فتره خدي شفطة ماء علشان ماتهبطيش وخصوصا لو هتمشي فتره أكتر من ساعه وما تشربيش كمية كبيره حتى لا تسبب لك الم في المعده أثناء المشي

http://www.lakii.com/img/all/Aug10/FPyhE108130645.jpg

خامسا أول ماتشعري بتعب شديد أو دوخه أو اجهاد بدني زايد أو الم في المفاصل وخصوصا الركب أو ألم اسفل الظهر وقفي على طول http://www.lakii.com/vb/images/smilies/12.gif وخدي الموضوع بالتدريج بالذات لو لسه مبتدئه

سادسا حاولي كل مره تجربي فكره من الافكار اللي هنا ماتجربيش واحده أو اتنين وتقولي جربت ومفيش فايده برده بزهق http://www.lakii.com/vb/images/smilies/15.gifلازم تنوعي كل يوم فكره وتاخدي كل فكره بشويييييييييش وعلى مهل علشان الوقت يعدي وما تركزيش في الوقت خالص فكري بس فى الحاجه اللي بتعمليها من الافكار اللي هنقولها
واهم حاجه أنك ماتستقليش بأي فكره مكتوبه لانها تجربة ناس عملوها قبلك ونفعت معاهم يعني بارادتك هتنفع معاكي برضه http://www.lakii.com/vb/images/smilies/87.gif يعني لما اقولك ذكر الله ماتقوليش يوووه جربنا و بحس بملل بعد فتره لانك كده ماجربتش بصدق لو بتفهمي الكلام اللي بتقوليه مش حتزهقي لو بتركزي في اللي بتعمليه مش هتملي

http://www.lakii.com/img/all/Aug10/YHM9vn08130647.jpg

واخيرا احمدي ربنا على نعمته وفضله عليكي انه وفر لك وسيله سهله و مريحه للتخسيس لغاية باب بيتك http://www.lakii.com/vb/images/smilies/16.gif وسيله ممكن تستخدميها ليل أو نهار في اي وقت من غير ماتخرجي في الحر أو البرد وبأي ملابس تفضليها ..... في ناس بتتدفع اد كده كل شهر اشتراك في الجيم علشان تلاقي اجهزه تتريض عليها ولو حصل أي ظروف مابيقدروش يروحوا للجيم وبتضيع عليهم الاشتراكات أنتي بقه جيمك في البيت Available all time دي نعم من ربنا تستاهل أنك تعدي تحمدي ربنا عليها طول ماأنتي ماشيه على السير

نبدأ بسم الله في سرد الافكار :

http://www.lakii.com/img/all/Aug10/uWFTg708130645.jpg

اجعلي ليكي ورد قران ثابت أثناء المشي ثبتي المصحف على الستاند الامامي للجهاز بمشابك الورق الكبيره أو بأي طريقه تتناسب مع جهازك فكري وابتكري واقري وردك وأنتي ماشيه لو قريتي بتأني وطبعا هتقري بتاني لانك مش هتبقي قادره تاخدي نفسك هههههه هتاخدي من 35 الى 45 دقيقه في الجزء الواحد ودي فكره ناس كتير جربتها واصبح السير وقت مفضل لهم لانهم بيقروا فيه أحلى كلام

لو بتحفظي قران رددي الجزء المراد حفظه لغاية ماتثبتيه

ذكر الله والذكر ده موضوع لوحده ممكن تاخدي أسبوع مشي على الجهاز متواصل من غير ماتحسي بالوقت لكن ذكر بتاني وفهم ومش في سرك تلفظي بكل ذكر لتشعري به ممكن تبدأي باستغفار الله 100 مره بنية ان ربنا ينحفك بصحه وعافيه يعني اجمعي نيتين تخفيف الاوزان والأوزار ودي فكرة بسمتي الغاليه وعندك صيغ كتير للاستغفار نوعي مابينها وبعدين تقولي لا حول ولا قوة على بالله 100 مره وبعدين لا اله الا لله وحده لا شريك له له الملك وله الحمد وهو على كل شيء قدير 100 مره وهكذا .....

اذكار الصباح لو أنتي الصبح واذكار المساء باليل هتاخد منك تلت ساعه لو قلتيها على مهلك ولو مش حفظاها اطبعيها في ورقه وعلقيها قدامك على الجهاز ثبتيها بالزق أو بمشبك ورق اتصرفي ماتتلككيش

http://www.lakii.com/img/all/Aug10/nPU9vn08130646.jpg

خلي الجهاز امام التلفزيون وابدأي مشي عليه قبل ميعاد البرنامج اللي بتحبيه بخمس أو 10 دقائق وخليكي على الجهاز لغاية نهاية البرنامج

أو خليه جنب الكمبيوتر وشغلي فلم وثائقي أو ديني أو تاريخي خليكي مثقفه علشان يكون تغير خارجي وداخلي كفايانا هيافات في المسلسلات والافلام اللي جعلتنا متأخرييييين وعلى طول زهقاانين ومش عايزين نعمل حاجه مفيده

شغلي اناشيد دينيه على جوالك أو على الفويس ريكوردر أو على الام بي3 أو الأي بود

نزلي حلقات تطوير الذات والتنميه الذاتيه واكتساب المهارات واسمعي كل يوم حلقه حتى الحلقات دي هتديكي دافع وهتكون وسيلة تشجيع ليكي على التغير

قريت في أحد المنتديات عن واحده ثبتت اللاب توب على حامل خشبي على الجهاز وبتصفح النت وهي على السير وطبعا مابتشعر بالوقت

لو عندك أطفال اقري أو اتفرجي على برامج تربية الاطفال

http://www.lakii.com/img/all/Aug10/x0IrOG08130646.jpg

أو خلي اولادك يجروا جنبك على الارض أنتي على السير وهما تحت وعرفيهم ان ده وقت التمرين بتاعك وأنك مش هتنزلي من عليه مهما حصل الا لما الوقت اللي محددااه لنفسك يخلص

أو العبي أي ألعاب مع اطفالك وأنتي على السير احدفوا لبعض الكوره أو بلونه قولوا فوازير احكيلهم حواديت بس ماتعتمديش على الاطفال قوي لانهم بيملوا بسرعه عياااال بقه تقولي آه

اسرحي بخيالك هتعملي آه لما تصبحي رشيقه وكأنك ماشيه في درب طويييل يوصلك للرشاقه احلمي هتلبسي آه وهتشتري منين وهتكوني قدوه بزيك الاسلامي لامرأه رشيقه محافظه على قوامها وصحتها ومحافظه على دينها

اشتري اثقال للذراعين وشليها لتقوية عضلات اليد وشد الذراعين