السلام عليكم

ياشباب كلي عتب على أهل الرياض

صراحة مدري ليش أهل الرياض مايتحركون ولا يروحون ولا يجون


ولكن اليوم مشيت من الخرج الصبح ورحت لادارة التربية بالرياض حي الملز

ورحت لقسم الملفات ولقيت الكشف الطبي موجود بس عب بياناتك وخذ

سواء تربوي مو تربوي مقابل مو مقابل تاخذ تاخذ

أهم شي تعبي بياناتك وبس

طبعا ختموه وبعدين رحت لمستشفى الملك سعود
وشغلت نص ساعة وخلصت أموري كلها وقالوا تجي يوم السبت

عشان تاخذ النتيجة يعني الامور كلها حلوة

وخلصوا الكشف وانتهوا يالربع


أكرر عتبي على أهل الرياض تحركوا فأنتم أقرب منا ومن غيرنا

تحيتي للجميع