|
مين معايه ,, وتأيدني ؟؟
السلام عليكم
صباحكم خير ورضى من الرحمن كيفكم ؟ اتمنى انه الكل بخير بناااااات انا مثل ما يقولوا طفح الكيل معايه وانا اشوف التلاعب والظلم عيني عينك شبعت من الكلام ومن الانتظار ومن البرقيات ومن المطالبات ,,, لذلك قررت اطلع الرياض محاولة مني لمقابلة الملك لاتجي وحده تقوللي الدخول صعب ولا راح يدخلوك وانسي الموضوع وكلام تكسير المجاديف ,,, اعتقد لو كنا مجموعه راح يدخلونا خصوصا اننا نساء ,,,, وان ما نفع الامر تجمع بسيط عند الخدمه المدنيه ويغطي الحدث كم جريده كفيل انه يحرك الموضوع لا تقولوا صعب ما احد راح يجيب حقكم لا برقيات ولا مطويات يا انه الوحده تتحرك بنفسها زي الشباب ماشاء الله تجمعوا وراحوا وقابلوا الملك ووضعهم الان تمام نحنا ما نقل عنهم بشي ما يبغالنا غير العزيمه ونتوكل على الله ,,,, فيا عزيزاتي خلاصة الموضوع انا طالعه اسبوع لعل وعسى اطلع بنتيجه لكن ابغى همتكم لازم نطلع مجموعه خلاص يكفينا كلام على النت ,,, فمين عندها الاستعداد تطلع معايه ؟ عشان نرتب موعد للحجز والذهاب والعوده .... لا تقولوا فاضيه وماعندها مسؤوليه حاطلع الرياض انا واولادي ويمكن ابو الشباب على حسب دوامه ,,, فاي وحده منكم متزوجه تزن على راس زوجها هوه كله اسبوع تحاول انه يوافق لها ويطلع معاها والانسه تزن على راس اهلها وامها وابوها واخوانها اعتقد ماراح يقولوا لا ان شاء الله ,,,, بنات والله كتبت الموضوع وانا اتكلم بكل جديه ومصداقيه وانتوا استخيروا وردوا على الموضوع سواء كان بالسلب او الايجاب لاني انا بحول الله وقوته طالعه طالعه مافي شي يجبرني اني اسكت اكثر من كذا ما اقدر اشوف حق من حقوقي يؤخذ عيني عينيك وانا اتفرج وابتسم ,, اسال الله لي ولكم التوفيق |
حيااااااك الله ..الحمدالله الكل بخير دام ابومتعب بخير:)
ترى الملك بمكه مو بالريااض الله يقويك:) |
انا اقصد لا رجع الرياض عزيزتي مو الان ,,,, الواحد الان يفضى للعشره الاواخر اسال الله ان يجعلنا من المقبولين
شكرا على مرورك |
والله صح كلامك احنا تعبنا وطفشنا خلاص نروح احسن
|
معلش يا اختي بس هانت جاء الفرج الملك حاط لكم 21 الف وظيفه تعليميه من غير الاداري بس اصبروا مسالت وقت مو اكثر ان شاء الله ماينتهي مضان الا الاسماء طالعه وهذاك الوقت لو ما طلع اسمك الله يعينك برقيه قيمتها 500 توصل للملك باذن الله ويكون خير ... عالفكره انا عاطل وماطلع اسمي بالتعليمي ههههههههههههه خيره ان شاء الله
|
إذا عندكم استعداد قابلوا الملك في مكة ( قصر الصفا) لأنه يتواجد كل عام في العشر الأواخر من رمضان هناك.
ومقابلة الملك يبي لها تحديد موعد مسبق من الديوان الملكي وبعدها يتحدد الموعد النهائي للدخول عليه حفظه الله وفيه نقطه مهمه عند المقابله لابد من إحضار إثباتات كوثيقه تخرج أو غيرها حتى يتم الشرح عليها ويفهم الطلب وبعدها تحول معاملتك للجهه المختصه.... ........................ عام 1429هــ أتفقنا ع مقابلة خادم الحرمين الشرفين وشرح قضيتنا( خريجي كليات المعلمين دفعة27/28) ونسقنا مع مجموعة من زملائنا بأن يجتمعوا ويقابلوا الملك وفعلا وعند وصول الزملاء القصر الملكي وفي هذه اللحظات تزامنت مع خروج موكب خادم الحرمين الشرفين من القصر متجهاً إلى مجلس الوزارء وفور التجمع أمر الملك بإيقاف الموكب والاستماع للزملاء وقدموا له المعروض وقال لهم( ابشرو_ ابشروا _ابشرو وحدو الله...) وبعدها شكل لجنه عاجلة تمثل( وزارة التربية_ وزارة الخدمه المدنيه_وزارة المالية) بدراسة وضع الخريجين ونتج عن هذا : ( تعيين خريجي الحصر من كليات المعليمن27/28) الله يطول بعمر ابو متعب مايقصر مع شعبه والله يوفقكم جميعا ويحقق أمانيكم |
أختي ليان انا معك 100% ووأيدك كمان بس للاسف مقدر اروح ظروفي ماتسمح
انتي خريجة سنة كم؟؟ انا عاطلة سنتين خريجة عام 1430 اتمنى الملك يعينا مافي احد اتعين من دفعتنا يـــــــــــــــــــــــــارب يشملنا كرم ابو متعب بس شكلة لازززززززم نتحرك ونروح باانفسنا زي الشباب ماسوو |
أنا معك بس خلف الكواليس معكم بالدعاء لأن ظروفي ماتسمح ولكن معكم بالدعاء في كل صلاة والله يفرجها قبل العيد وتنحل مشكلتنا ياااااااااااااااااااااااااااااااااااااااااااارب يااااااااااااااااااااااااااااااااااااااكرييييييييي يييييييييييييييييييييييييييييم
|
معك حق تعبنا من الانتظار
|
الله ويانا كلنا ياالغلا
ولازم تتحد مجموعه كبيرة مو بس كلام وأن شاء الله نتوظف كلنا دفعه واحده ننتظر الــــ52وظيفه وأن شاء الله نكون من ضمنهم اكثروا يـــ أخواتي من الدعاء والاستغفار والله يفرجها علينا |
| الساعة الآن 02:48 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو