اريد سواق لقرية الفقير او الريان
 

السلام عليكم كل عام وانتم بخير انا معلمة تم نقلي لقرية الفقير او الريان والله محتاسة مع هاالقرية حتى اسمها موعارفة بالضبط ايش المهم احد يعرفلي سواق للقرية من المدينة للفقير لانه اذا بدأ الدوام بتورط لانه ماعندي سيارة طلبتكم بالشهر الفضيل الا يعرف رقم سواق للقرية وبالذات لثانوية التحفيظ بالفقير يديني هو حسبنا الله على من حطني فيها يساعدني والف شكر مقدما

والله ماأعرف وإلا ساعدتك
الله يعينك ويساعدك

تسلمي يالفجر شكرًا لمرورك

الله يعينك إذا كنتي رايحه لمدرسة مجمع التحفيظ بالفقير والله كله كرف بكرف . الظاهر إني راجعه للقريه بعد العيد .
أهلا بك في مدرستي التي أتمنى ان لاأثبت بها .
على فكره الريان هو الفقير والفقير هو الريان .

يا ام الحسام ليه الصدمة هذي قبل العيد ياريت توضحيلي ليه كرف وأخبار عن المديرة والطالبات والمعلمات وانت ايش تخصصك والله يخليكي ياريت تخدميني برقم السواق الله يسعدك ويثبتك بالمدرسة الا تبغيها والف شكر مقدما

بسم الله الرحمن الرحيم
إنتي تبغين سواق لأي مدرسه فيهم لأنه يوجد ثلاث مدارس بالفقير ( مدرسه إبتدائي عام فقط _ ومجمع التحفيظ بالفقير فيه ابتدائي ومتوسط وثانوي _ وفيه مدرسه عامه فيها متوسط وثانوي _ وكلهم قريبه من بعض ) إنتي في أي مدرسه عشان أقدر أرسل لك رقم سواق .
أنا كنت أدرس بالتحفيظ له مديره واحده وعدة مساعدات والمديره أخلاقها جدا رائعه ومتفاهمه وعلى فكره كل المديرات للمدارس تعاملهم جدا رائع والكل يمدحهم .
الفقير الشريان النابض لوادي الفرع كله حركه ومدارس بنين وبنات وفيها المندوبيه لوادي الفرع وفيها مركز الاشراف للنساء قريب المدارس في أي لحظه يجون المشرفات وبصراحه كل المشرفات حبوبات وأخلاقهم عاليه .
اما قصدي كرف يعني بتاخذي حصص كثيره من غير المناوبه وحصص الانتظار وغيره وغيره.
تخصصي لغه عربيه ( طالبات الابتدائي عددهم كثير أما المتوسط والثانوي في التحفيظ عددهم لاباس به . . ( ماهو تخصصك ومرحبا بك في الفقير )

آسفه على الإطاله والشرح الكثير

بالعكس مدارس وادي الفرع من افضل المدارس وسواقينهم من خيرة اهل المدينة لا عليكي من قيل وقال لكل انسان وجهة نظر فلماذ العمل ؟؟؟؟ نعمل من اجل الكسب الحلال والكسب الحلاال لاياتي الا من التعب والكرف


عموما وادي الفرع من افضل المندوبيات ليس على مستوى المدينة فقط بل على المملكة


الكرف في المدينة اما القرى الساعة 10.30مع الباب و 11.30في البيت باذن الله

عودة الندله
إن شاء الله ألاقيك بالفقير .وأرقام السواقين حرسلهم لك إن شاء الله.
فأنا ما تكلمت عن أخلاق السواقين ولا تكلمت عن سوء المدارس نسيت أقولك إحنا مانرجع لبيوتنا إلا الساعه الثانيه والنصف ظهرا وأحيانا الساعه الثالثه قبيل العصر ماهو زي المدينه 11 أو 12 وانتي ببيتك وسلامتك.

الله يسعدك والف شكر للمعلومات اللي وفرتيها ليا وانا تم نقلي لمدرسة ثانوية التحفيظ بالفقير واكون شاكرة لك اذا اديتيني ارقام السواقين اليوم ومين افضلهم وكم مبلغهم وياعزيزتي انا تخصصي دين يعني ماح ادخل غرفة المعلمات الابالفسحة لاني بتحفيظ وكمان تخصصي دين وابشرك كمان في وحدة لغة عربية تم نقلها للمدرسة يعني ان شاء الله ترتاحي شوية من الحصص واشكرك للمرة التانية واشكر كل الا تفاعلوا مع الموضوع

هلا والله وغلا بالمدرسة الجديدة عندنا في مجمع تحفيظ القران الكريم بالفقير
انا مدرسة فيها
المديرة عسسسسسسسسسسسسسل
والمدرسة فيها كرف
بس المدرسات عسل ويد وحدة كلهم ينحطوا على جرح يطيب