منتدى التعليم توزيع وتحضير المواد الدراسية - نبغى نوصل صوتنا للإعلام ,, أي صحيفة تقترحون ؟؟

السلام عليكم ورحمة الله وبركاته

أخواني / أخواتي :

حان وقت النطق فلم يعد للصمت مكان

نبغى العالم كله تدري عن:

1/ إن أسماء المرشحين والمرشحات الـ(5 و 6 آلاف) كانوا بالأساس متعاقدين .. وجاء الأمر الملكي بتثبيتهم يعني موضوعهم منتهي .. وأسماء المثبتين اللي نزلتها ادارة التعليم بالقصيم أكبر دليل .. لأن نص المثبتين أو المثبتات إذا كان مو كلهم هم نفسهم المذكورين بالترشيح ..
والأمر الملكي حدد 39ألف وظيفة للخريجين ولا يشمل المتعاقدين المثبتين

2/ إن الـ 3000 المثبتين كلها اسماء متكررة نفس الاسم يتكرر أكثر من مرة .. وهذا الدليل على الرابط:

(ذكرتها الأخت منار المدينة - الله يجزاها خير - بالأرقام علشان يسهل التأكد )

http://www.madinahx.com/showthread.php?t=44109

بصراحة ..!!

قمة الاستخفاف بعقولنا !!.. وعلى بالهم احنا سذج لها الدرجة !!

ياأخوان لازم نتحرك .. لازم يوصل صوتنا للإعلام لأن هو منفذنا الوحيد ..

واللي يقول نسكت .. مايعرف حقوقه ..وماعندها كرامة ورجولة !!

وأخواتي البنات..
احنا لازم نسوي شي .. إذا مانقدر نطلع ونقابل المسؤول الفلاني والعلاني .. أقل شيء نشتغل بالانترنت ونطلع أفكار للشباب يساعدوننا

لازم نتكلم عن الموضوع .. وندخل الإعلام بالقضية , لان والله ماراح نحصل على حقوقنا واحنا ساكتين ..

أنا أقترح صحيفة سبق ..للأسباب:

1/ لأن عليها جماهيرية كبيرة ..

2/ إن هناك اطلاع من المسؤولين عليها وأصحاب السمو .. والدليل إن فيه قضايا تنفرد بنشرها ويجي رد من مسؤول كبير أو أمير أو أميرة ..

3/ لأن عندها حيادية.. تنشر رأينا ورأي الطرف الآخر ..

جاوبوني ياغالين /

أنتم وش رايكم ؟؟ أي صحيفة تقترحون؟

علشان نكتب الخطاب .. وننسق مع بعض.. أيش المحتوى اللي تقترحون يكون في الخطاب؟؟

ملاحظة /
ياليت تبلغون الأخوان في منتدى اللغة العربية .. علشان يشتغلون معنا ..

ودمتم سالمين :01211:

.