منتدى التعليم توزيع وتحضير المواد الدراسية - أمــآنهـ كل مآيطري عليك البعد علمني **

أمانه. لا تعلقني معاك وتنسحب بسكات "
أمانه ..كل ما يطري عليك البعد علمنّي
وأمانه .. لا تعيشني على رجوى زمان فات "
" إذا هان الذي بيني وبينك .. حّن .. وأرحمني

وأمانة .. لا توقفني على باب الأمل لحظات "
" ترى كل شي يهون .. إلا تروح ولا تكلمنّي
وتراها كلمة وحده بلا عذر وبلا إثبات "
" وإذا خفت الزعل منها .. تراها ما تزعلنّي

أنا أزعل يوم تنساني وأنا أتبع حلمي اللي مات "
" وأنا أذكر ما دهى قلبي .. ( مابغى من يذكرني )
بداية قصتي كلمة .. وآخر قصتي أبيات "
" عذاب كل ما طالت سنينه شفت الموت طاولنّي

أنا اللي ما وفى حظي سوا بالهم واللوعات "
" أمنّي قلبي الطيب .. وأشوف الحظ خاينّي
أنا اللي ما احتمل قلبي فراق اللي يبي .. هيهات "
" ألا لو يحتمل قلبي .. لا أجنّب من رحل عنّي

روى خدي من دموعي شبع قلبي من النكبّات "
" أظن الظن بأحبابي .. وما أسرع ما أختلف ظنّي
ضميت من الهوى ياما .. وتجرعت العنا رشفات "
" وتنطحّت الدهر هالك صويب ... لا كنّي ..

أزيف ضحكتي .. مهما بقى في خاطري ونّات "
" وأضمد طعنتي .. مهما ظروف الوقت ذلنّي
وترى لو شفتني أضحك وأجامل .. وأكثر الضحكات "
" ترى كل السنين اللي مضت لي .. ما ضحك سنّي

وإليّا مني فرحت بوقت بكيت فباقي الأوقات "
" وتبغاني بعد أسكت ..؟ وترحل ما تعلمنّي !
ترى ماني بناقص هم .. ودموع .. وحزن .. وآهات "
" أمانه لا تعلقنّي بحبك .. لا تعلقنّي

أمانة .. يا آخر أحلامي .. أمانة يا أعذب الترفات "
" وأمانة .. كل ما يطري عليك البعد .. علمنّي