_------ انواع البزارين---_-_---
 

كما هو معروف ان بزراننا هم اكبادنا

لذلك نبي نشوف وش انواعهم حفظهم الله ورعاهم وفكنا الله منهم

نستعرض معكم أنواع البزران ..


----------------------------------

البزر المفهي :-
هو بزر مايدري وين الله حاطه
أي شي تقوله له بيقول هاه

مستقبله :-
هذا مستقبله غير واضح المعالم لكن مااراح تتعدى شيين يستمر مفهي وهذا الأغلب
أو يتعرض لصدمه تخليه يطلع من فهاوته شوي ..

----------------------------------

البزر الجنتل مان أو الجنتل بيبي :-
بزر غالبا يكون اطخم ..تشوفه دايم متكشخ ويتروش كل يوم ويتعطر .. لسانه معسول وهالشي مخليه مخقق كل بنات الحاره

مستقبله :-
يكون من اكبر المرقمين في ديرتهم ويكون اسمه في البلاك ليست للهيئه الله يجزاهم الخي

----------------------------------

بزر زلابه :-
غالباً مايكون تربية عجز .. مدلع حتى اخر قطره .. لكنه للأسف زلابه سريع البكاء لو تقول له كيف الحال قعد يبكي ..

مستقبله :-
يستمر زلابه الين يتزوج ويصير خاتم في اصبع حرمته

----------------------------------

البزر المهايطي :-
هو البزر الذي يهايط وهو ماعنده ماعند جدتي يكون عرضه للتصفيق والتكفيخ نظراً لمهايطاته الدائمه

مستقبله :-
يستمر مهايطياً للأبد وقد يفقد حياته بسبب الهياط..

----------------------------------

البزر العصبي :-
هذا البزر نارٍ شابه على قولتهم معصب 24 ساعه يستحسن أن يكتب بالقرب منه خطر او ممنوع الاقتراب

مستقبله :- ا
امراض ضغط وسكر وقلب بسبب هالعصبيه أو في السجن لأنه فقع عين احد ولا ذابح له واحد ..

----------------------------------

البزر الملقوف :-
هالبزر عكوز بكوز في كل مكان مركوز ... لا تستبعد ان تجده في أي مكان

مستقبله :-
بيجيب العيد وماظنتي بيصير له مستقبل ..

----------------------------------

البزر الدافور :-
هذا البزر دائما متفوق في دراسته دائما يحب يتعلم ويتثقف هالعينه نادره في السعوديه طبعاً

مستقبله :-
دكتور .. مهندس .. او أي شي زين أما إذا كان عندنا بالسعوديه فآخرته مصكوك بعين .. والله اعلم

----------------------------------

البزر اللي حظه مقرود :-
هذا النوع من البزران اقل مايقال عنه انه مسكين حظه شين دايم

مستقبله :-
سيئ للغايه

----------------------------------

بزر مدمن تلفزيون أو في روايه بزر دلخ :-
24 ساعه عند التلفزيون يتأثر على طول أي شي يشوفه يروح يسويه

مستقبله :-

يظل دلخاً للأبد

----------------------------------

بزر رومانسي :-
راعي جو .. حساس ..

مستقبله :-
شاعر
ويطرد ورى ذا البيرق

----------------------------------

بزر رايق :-
24 رايق من زود الروقان عنده تشوف عليه احيانا حركات غريبه

مستقبله :-
مستقبل زاهر إن شاء الله

----------------------------------

البزر اللي مدري وش يبي :
ماينعرف له مره تقول إنه ذيب مره تقول إنه زلابه

مستقبله :-
ياأنه يطلع ذيب أو يطلع مفهي وهذا المتوقع

----------------------------------



تحياتي ...

هههههههههههههأإأي
يسلموووووو

ههه يسلمو تحياتي

هههههههههههههههههههههههههههههههههههههههههههههههههه
يسلمووووووووووووو خيتوووووووووووووو

هههههههههههههههه
حركات حتى البزارين لهم انواع..

ههههههههههههههههههههههه
يسلمو

راحوا فيها الورعان :037: مافي تصنيف غير هذا ...؟؟ يعني ما فيه ادوسون العرب ............؟؟