كتمت الجـرح والدنيـا علـى قلبـي تزيـد جـروح


اخفيهـا عـن العالـم وانـا كـلـي قـهـر واحــزان

ابين ضحكتـي والهـم فـي صـدري كمـا الدخـان










يفوح الجرح في قلبـي ومـن يقـدر يـرد الفـوح


نسيـت ومـا لقيـت إلا النكـد فـي عالـم النسيـان










جروح الوقت ما ترحم على حالـي تلوحـه لـوح


تعبت اركض مع الدنيا على وجهي كما الهيمان










ادور لـي صديـقٍ مخلـصٍ فـي عـالـمٍ ممـسـوح


عجيب امر الاوادم كل واحـد فيـه عيـب وشـان










كثير اللي يبي الصحبه وله في صحبته مصلوح


ليـا منـه خـذا الحاجـه يبيعـك بأبخـس الاثـمـان










يبـي ياخـذ ولا يعطـي لسـانـه فـالـورى ذابــوح


دخيلـك يـا إلاهـي لا يجـي حولـي مـع العـربـان










انا ماني حريـص إلا علـى اللـي للخطـأ دامـوح


ينسيني اهمومي وإن وقعـت يشيلينـي عجـلان










همومه كلهـا عنـدي وهمـي درس لـه مشـروح


صـدوقٍ صـادقٍ والسـر عنـده عـالـي الكتـمـان










تعلمت الدروس من الليالي والـدروس اشحـوح


عرفت المخلص الصادق من الكاذب من الطعان










عرفت الطيب يوم الطيب في هذا الزمن مذبوح


عرفت الناس صاحيهم من المجنون والسكـران










عرفت احوال ناسٍ حالهـا فـي خبثهـا مفضـوح


يحـبـون النـمـايـم والنـمـايـم فعـلـهـا خـســران










كتمت الجرح والدنيا جـروح اجـروح للمجـروح