|
قصيدة حزينة عن العيص للشاعر عبدالمحسن عبدالله الميلبي
قصيدة من اجل العيص الغالية ما تـــدري يا عيـص ويش فيـك أه فيك الـــزلازل وفـيـك البراكينــي واليوم صــرت غيـر صالح للحياة أخلوك ياالعيص من كل الساكنيني لا تبكي يا عيص نصيب ورضيناه رحلت وكأن واديك يبكي يواسيني اقفـيت كـــن ورى جبـالـك منـاداه رحـلـت لا حــــرب ولا جـايـعـيني ما راح اموت وبقى شيء ماأخذتاه خوفي على اطـفـال ومسـنـيـنـي وابيـتنا اللي في أرضك تركنـاه أبكـي من أجـلك وربي يعيني كـم تعبنا في تنفيــذه وبنـايـاه واليوم مجبور منك خارجيني شقة مفروشة بالمدينة وسكناه كأنا من الحرب حنا لا جئينـي لا قلت مـــوضــوع أوفي حـقاه أهل طيبة جود وكرم ومسانديني يا قصتي قصة الحزن مبكاه ويابيتي اللي حضني سنينــي هــذا خالــي وهذا ولــد عــماه وهذا جاري اللي بجوده يحتويني ياديـــرتي ديــــرة العز وجــداه على الحزن بكل لحظه يباريني تعالــــو يمــي كـلــكم يالأطبــاه ومن فيكم من حزني يداويني الشاعر : عبدالمحسن عبدالله محمد الميلبي ( أبو فيصل ) |
[align=center]
قصيدة جداً جداً جداً حزينه الله يفك كربتكم الله يردكم سالمين غانمين بجد مره حزنتني اقراها وأبكــــــــــــــــــي [/align] |
وهنا ايضاً قصيده جداً جداً حزينه عن العيص
يالعيص ما انتي مثل غـزة ولبنـان؟؟ اللى لهـا تمشـي جمـوع وقوافـل!! أرضك زلازل والسمـا عـج بركـان وإعلامنا عن ما حصل فيك غافـل؟؟!! ثالث أسبوع ؟؟ وتوّ نسمع بالإعلان؟؟! ويوم السعه عن مطلب العيص ..قافل؟ الناس تبغى... صدق وإخلاص وإتقان وتـرك التـرزز بالصـور فالمحافـل ماهكـذا يالمجتمـع حـق الإنـسـان وماهكـذا مبـدا الـعـدل والتكـافـل حنـا عيـال آدم وحـوا يـالإخـوان ومابينـا فالديـن عـالـي وسـافـل ترسل لذولا أطنان.. وتـوزّع أطنـان وحنا علـى خيمـة عمـود وفلافـل من قسوة الصورة على شوف الأعيان الدمع من عيني مـن الضيـق جافـل وكلن يقول الوضع في.. أمن.. وأمان ومرابطينـن بالـعـدد والجحـافـل!! ولولا تدخـل والـي الأمـر والشـان ماشـددوا بعـض العـرب بالحوافـل ماغير أبو متعب ليا صـارت أكـوان بعـد الله المعبـود ...والـد وكافـل وقبل أختم الأبيات تكفـون ياأخـوان أدعوا لهـم ف. فروضكـم والنوافـل |
قصيدة حزينة تعبر عن حزن عميق
الله يردهم الى ديارهم ويبعد الشر عنهم ياااااااااارب آمييييييييييييييييين |
قصيده من جد حزينه إلا اكثر من حزينه حركت مشاعري كلها يارب احميهم وفرج كربتهم ياالله يارب العباد
|
مشكووور أخوي على الموضوع
ونسأل الله أن يرفع عن اخواننا هناك كل ما فيه مكروه تحياتي |
قصيدة حزينة .. وتعبر عن ما بداخل النفس .. الله يفرج كربة اهلها ,, ويردهم لها ,, |
اعان الله اهل العيص على بلواهم و الهمهم الصبر و السلوان
هكذا تبكي العرب على الاطلال |
اللهم فرج كربتهم واعنهم على مصابهم
اللهم ارفع عن منطقة المدينة الكرب والمحن |
قصيدة جميلة وكم هى حزينة
تحياتى لكاتب القصيدة رورة.......... |
| الساعة الآن 09:49 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو