منتدى التعليم توزيع وتحضير المواد الدراسية

السلاامو عليكو ..

شحالكم يالربع ..؟ان شاء الامور ماشية و كلو عال العال..؟:m0418:

وحشتوني بزّاااف ان شاء الله اكون وحشتكم :wub:<<وش تحس فيه

المهم ماالكم بالطويلة بندش على طول بالموضوع

طبعاً قرأتوا العنوان اللي هو ( أنا طفشانة )

جملة دااايماً نسمعها و كمان احنا نرددها كثير بيومنا ، ( أنا طفشانة , زززهق , كل يوم نفس الروتين ) طيب انتي اللي مختارة هالشي , تعالوا اسألوها عن روتينها , بتقول أبد ما غير اكل و نوم ..! <<يعني انتي الحين عايشة و في قلب قاعد يدق بداخلك و تتنفسي بس عشان تاكلي و تنامي ..؟؟

...

فاطمة كانت تصلي و تفكر من وين بتطلب الغدا شوي سمعت التلفون يرن صلت بسررعآ اي كلاام و لا تدري كم ركعة اصلاً بس لجل ترد على التلفون

نورة : السلام عليكم

فاطمة : هلا هلا و عليكم السلام

نورة : شلونتس يالقاطعهـ ..؟

فاطمة : بخير الحمدلله , حتى انتي قاطعه توك اللي تذكرتي ان عندتس بنت عم

نورة : اتركي عنتس ذا الحكي بس و علميني وش اخبارتس ؟

فاطمة : ابد والله بس قوووة زهق مب طبيعية مالي خلق لشي

نورة : هذا حال الجميع ، الا وش رايتس تجين عندي اليوم ؟

فاطمة : ودي يا بنت العم بس ليتتس تجين تشوفين البيت شلون عافسينه ذا البزارين و قالبينه ما تدرين وين ساسه من راسه ، و عندي اختبارين ولا ذاكرت و مريولي ما بعد كويته و حالة قشرة خليها على ربك بس .

نورة : الله يكون بعونتس ، اجل يلا اخليتس تشوفين شغلتس مع السسلآمة

فاطمة : مع السسلآمة

توت توت توت <<القطاار هع

الأم : فطيييم

فاطمة : نععععععم

الأم : وراتس يممي ما تجين تساعدني شوي

فاطمة : ما فيني حيل يمة بعدين

و تروح فاطمة و تشبك سماعات الجوال و تنسدح و هذا حالها كل يوم

<< أول شي قاطعة رحمها ، ما تصلي زين يعني بمعنى أوضح الصلاة عندها ( عادة و ليس عبادة ) ، مأجلة اشغالها لأجل غير معلوم و لسبب عجزت هي نفسها تفهمه ، و أخيراً غير بارّة بوالدتها .

و فوق ذا كله تقول انها زهقانة و كثير مننا زهقانين ، شي طبيعي نكون زهقانين لو حالنا مثل حالها ، لأننا أولاً تركنا الهدف الذي خُلقنا من اجله ألا وهو العبادة ، بتقولون احنا نعبد ربنا ، انا ما أقصد هنا أي عبادة ، أقصد العبادة الصحيحة بخشوع و بإخلاص قال تعالى : ( ومَا خَلَقْتُ الجِنَّ و الإِنْسَ إلّا لِيَعبُدون) العبادة اللي ترّيح ضمائرنا عندما ترفع لله جلّ جلاله ، ثانياً هو تساهلنا في تأدية أدوارنا فالمجتمع على أكمل وجه و في الوقت المحدد ،كل ما جانا شي قلنا : بعديين وش ورانا لاحق ع الشغل ،و نجلس على ذا الحال لين تتراكم و نورط فيها و نصير نسويها أي كلام أهم شي خلصنا اللي علينا و ما همّنا صارت صح صارت غلط ، أهم شي انها صارت و خلاص قال تعالى : (وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ).صدّقوني يا أخواتي لو كل انسان عبد ربه عبادة صحيحة بخشوع وخضوع واخلاص و أدّى دوره على أكمل وجه ما راح نسمع كلمة (ااف زهق ، طفشانين ، ملّينا ،...) .

أتمنى إني أكون أفدتكم لو بشيء بسيط

لكم ودّي :047: