منتدى التعليم توزيع وتحضير المواد الدراسية

الكيك, بالشوكولاته, كرات

كرات الكيك بالشوكولاته

حبيت اليوم اعلمكم طريقة كرات الكيك المغلفه بالشوكلاه ..او الترافيل ،،

http://up.graaam.com/forums/637438/01288248017.jpg
http://up.graaam.com/forums/637438/11288248017.jpg

الخطوات بسيطه وسهله ..بس الفن في طريقة تغليف الكيك بالجوكلت ،،
هذي المرحله انا اعتبرها مش سهله كبدايه

انا لما كنت اسويها قبل سنتين ماكانت تضبط معاي مثل الحين ،،
و الحين عرفت السبب ،،وبشرح لكم بالتفصيل
(احب انوه ان اللي فالصور نص المقادير المكتوبه )

الاغراض اللي بتحتاجينها :

1- علبه وحده كيك جاهز اي نكهه جوكلت او فراوله او فانيلا اللي يعجبج ..
2- كريمة الجبن او الكريمه اللي تنباع جنب الكيك القواطي (انا افضل شغل البيت )
3- 400ج جوكلت خاص بالطبخ (نوعيه جيده )
4- اعواد المصاص او اعواد الباربيكيو ( الاستغناء عن العود)
5- سباركلز للزينه

مقادير كريمة الجبن:
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا

الطريقه:
اخبزي الكيك بنفس الطريقه الموضحه عالعلبه ..

http://up.graaam.com/forums/637438/21288248017.jpg
في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )------ اتركي الكريمه على جنب ( اسمحولي ماصورت هالخطوه)

وبعد ماتبرد الكيكه فتتيها باليد او بمكينة الفود بروسسر ( انا افتتها بيدي لأن المكينه تخليها معجنه وايد)

http://up.graaam.com/forums/637438/01288248396.jpg
http://up.graaam.com/forums/637438/11288248396.jpg
بالتدريج ضيفي الكريمه على الكيك وحركي بالشوكه (--- بالتدريج----) انا احتجت ثلاث ارباع الكميه او اقل ..اعجني باليد علي خفيف لين ماتتشكل عندج مثل العجينه وتقدرين تشكلين منها كور متماسكه نوعآ ما ..مرات احتاج ابرد العجينه ..فأخليها نص ساعه فالثلاجه !http://up.graaam.com/forums/637438/21288248396.jpg

كوري العجينه كور بالحجم الوسط ( تقريبآ اصغر من كرة تنس الطاوله) بتكفي العجينه تقريبآ ل 50 حبه ..
ثبتي عليهم العيدان ..( تقدرين تستغنين عن العود ووقت التغميس ترفعين كل كوره بالشوكه )

http://up.graaam.com/forums/637438/01288249391.jpg
حطيهم في صينيه فيها ورق زبده ..وخليهم فالفريزر 20 دقيقه تقريبآ

طلعي الصينيه من الفريزر
ذوبي الجوكلت المكسر ( ابيض او بني ) في المايكروييف لمدة 50 ثانية على قوه متوسطه

http://up.graaam.com/forums/637438/11288249391.jpg

غمسي كل حبه بالجوكلت ..طبطبي على طرف المله لحد ماينزل الزايد من الجوكلت ( اهم شي مايكون الكيك مثللج او باااارد وايد زياده عن اللزوم ) ولو نسيتيه فالفريزر طلعيه وقت التغميس وانتظري لحد ماتكون برودته معتدله ... هاي سر من اسرار التغليف الجيد..واذا جمد الجوكلت معاج وانتي تغمسين حطي نقطة زيت عادي للجوكلت وبيرجع طبيعي ،،تحملي تضيفين ماااي خطأ كبير وبيخترب عندج الجوكلت ،،، هاي سر ثاني
http://up.graaam.com/forums/637438/21288249391.jpg

رجعي حطي الحبه المغلفه في ورق زبده ورشي السباركلز من فوق قبل لا ينشف الجوكلت
انا لفيت على كل حبه بشريطه ،،يطلع شكلها كيوووت

http://up.graaam.com/forums/637438/01288249610.jpg
سويت نوعين ..نوع بالجوكلت من داخل
ونوع بالفانيلا من داخل

http://up.graaam.com/forums/637438/11288249610.jpg
صراحه انا مااقاوم الكيك جوكلت هالمره بس قلت اغير شي واسوي شكل ثاني اللي هو الفانيلا

http://up.graaam.com/forums/637438/21288249610.jpg

http://up.graaam.com/forums/637438/01288249823.jpg

http://up.graaam.com/forums/637438/11288249823.jpg
وبالعاااااااااااااااااااااااااااااااااااااااافيه على قلووووووووووووبكم *_^