|
الي يعرف الضميريه مضبووط يساعدنا
السلام عليكم ورحمة الله وبركاته
اخواتي المعلمات ,,اخواني المعلمين كل عام وانتم بخير وادعوا الله ان يبلغني واياكم ليلة القدر ويجعلنا من المقبولين والمغفور ذنبهم يارب العالمين اريد ان اعرف كل المدارس الابتدائيه الموجوده هناك وين تقع في اي قريه وكم تبعد؟؟ وكيف طريقها؟؟ انتظركم على احر من الجمر اراح الله قلوبكم اجمعيييين |
فينكم يا اهل المدينه معقووول مافي احد يعرفها؟؟؟
|
انتظرتكم ما رديتوا علي
|
[glow1=66ff00]
طريق الضميريه مع طريق المهد الزراعي من الدائري الثالث خط ضيق جداً ولايسمح فيه بتجاوز السرعة عن 100كم /الساعة الضميرية تبعد 90كم حزرة 110كم فيها طريق صحرواي 10كم غراب 70كم من خط القصيم مفرق الصويدرة فيها 14كم جلد ام شكاعا 185كم من مفرق الحناكية محطة العاليات المتجهة الى المهد قبل الكمب (ارامكو ) ب 30كم زفلت [/glow1] |
الف شكر ابو تالا
لكن بالنسبه للمدارس الابتدائيه للبنات هناك هل في كل القرى يعني طريقها مخيف مثلا يعني طريق واحد يعني مسار واحد رايح وجاي ؟؟؟ |
غراب 70كم من خط القصيم مفرق الصويدرة فيها 14كم جلد
مافهمت كلمة(جلد)؟؟؟؟؟؟؟؟؟؟ |
اخت هدوبه
مبروك التعين انا مثلك تعينت في الضميريه ابتدائي نفس السؤال كيف الطريق اللي يوصل لمدارس الابتدائي الله يوفق الجميع |
الطريق وعر يبغى له سواق صاحي ومتنبه دائما وهو مسار واحد ضيق رايح جاي وفيه منحنيات خطرة وفيه منطقه كانك في جسر معلق هاوية من الجانبين
|
اول مدرسة واقربها غراب حوالي 65كيلو ثم المسبعه قبل غراب لها مفرق صحراوي حوالي 15كيلو ثم الضميرية حوالي 85 كيلو ثم حزره مفرقها من الطريق الرئيسي يسار حوالي 100كيلومن المدينه ثم اخرقريه وابعدها الحجرية 115كيلو اما قرية ام شكاعه احمدي ربك ان مافيها مدرسة بنات والا هي تعتبر منفى
|
هل صحيح ان الضميرية تبعد عن المدينة 60 كيلو
وكم عدد المدارس الابتدائية بها(بنات) |
65 كيلو ؟؟؟ لا اللي اعرفه غراب احدى قراها ناحية المدينة تبعد هذه المسافه لكن الضميرية 100 كم تقريبا والله يستر عليكم من طريقها انا كنت فيها تروحين وترجعين على أعصابك من الطريق
|
بكل قريه من قرى الضميريه فيها مدرسه وحده والضميريه مجمع ابتدائي ومتوسط وثانوي حكومي الوحيده فيها ثانوي الضميريه تبعد تقريبا 95 واقرب شي غراب
|
شكرًا للجميع وجزاكم الله خيرااااال
أسأل الله إنو يقدرنا على توصيل العلم وييسر لنا الطريق ويرزقنا النقل السريع داخل المدينة |
اقتباس:
عموما الف الف الف شكر وجزاك الله خير والله يحميني |
اللهم امين ولعلمك انا كنت متعاقدة فيها وكنت خائفه اتثبت فيها وانا ماقصدي اخوفك بس احرصوا على اختيار سائق حريص متاني وفي الاخر لن يصيبنا الا ماكتب الله لنا لكن هذا من باب التنبيه لكم لان والله كانوا معانا معلمات من سيارات ثانيه يشتكون من نوم السائقين والطريق يبغى له واحد يقظ والله يحفظكم ويحفظ الجميع ويكفينا جميعا شر الحديد*
|
الله يحمينا جميعا يارب ويكفينا شر الغفله
جزاكم الله خير ولا تبخلوا علينا معلوماتكم |
اقتباس:
الله يحمينا يارب والف شكر على إفادتك ياقلبي الله لا يحرمني منك |
كل القرى التابعه للضميرية بها مدارس للبنات
وصف دقيق الى حد الملل للضميرية هههههه هي عبارة عن سبع قرى / غراب ,المسبعة ,الضميرية ,حزرة ,الحجرية , أم شكاعه , المرير ( والأخيرة أغلقت من ثلاث سنين) ... لا يجيني أحد يسأل عن الأفضل بالنسبة للمسافة فهي مرتبة بالأعلى على حسب الأفضليه بالقرب غراب 60 كيلو أسفلت / المسبعة 77 كيلو أسفلت 60 وصحراء 17 ومفرقها قبل غراب يوجد لوحه أرشاديه على اليمين , الضميرية 95 كيلو أسفلت , حزرة 120 كيلو أسفلت , الحجرية 110كيلو أسفلت , وأخيرا أم شكاعة 180 كيلو أسفلت جميع القرى طريقها من الدائري الثالث من طريق المدينة المهد (طريق ضعا ) ويعتبر الطريق ماأقول ممتاز لا يعتبر جيد جدا مافيه الخطورة اللي ذكروها الأخوان الله يهدينا واياهم والربع شغالين فيه لهم سنه تقريبا بالتوسعه وهو مريح جدا مقارنه بالسابق أمكن الأخوان معلوماتهم قديمه نوعا ما الى سنه ونصف أنا معاهم كان الطريق خطر جدا ويخوف ما عدا قرية أم شكاعة طريقها عن طريق الرياض سريع ومفرقها من عند محطة العاليات يمين مع طريق العمق مزدوج ومكشوف ما فيه أي خطورة وبعد مسافه حوالي 60 كليو يجي مفرقها يمين 5 كيلو تقريبا والمدرسة قدامك بجانب المسجد دعواتكم للوالده بالرحمة والمغفرة |
اقتباس:
اللهم اغفر لوالدة(الطارق)وارحمها واغسلهامن الذنوب بالماء والثلج والبرد واجعلها في جنات الفردوس هي وجميع اموات المسلمين اجمعين. آميييين ثانيا الله يريح قلبك وقلبي والجميع ارتحت لكن هذا مو تفصيل ممل لازم توثق الكلام بصور او فيديو عشان يكون ممتاز وكامل اخي الكريم طريق المهد هو طريق جده ؟؟؟ واسالك بالله هل الطريق خطر جدا كما يقول البعض؟؟ ياليت فيديو ههههههههه يعلم الله ويشهد ان النوم يطير من عيني كل ما افتكر الطريق انتظر ردكم |
السلام عليكم .. اخواني الطريق مو معدوم كليا لاكن يبغاله سائق حذر ولا يسسرع لاكن الطريق شوي تعباان انا صارلي خمس سنوات اروح للضميريه بس ماعتقد خطها يخووف للدرجه اللي يقولونها الاخواان ...لاكن اكرر السائق الحذر بدون سرعه وبدون دردشه بالواتس واهو ماشي هههههه والله يوفقكم .. واذا ماحصلتو سائق موجود السائق بأذن الله ماعليكم غير تكلموني خااص
|
اقتباس:
|
والله طريق الضميرية مطير النوم من عيني
ربي يكرمنا بالسواق الحريص والسلامة لنا ولاخوانا اجمعين |
قسما بالله طريق الضميريه
مخلي عقلي مو في مكانه ومطير النوم وقالق راحتي ياعالم والله خاااااااايفه الله يحميني ويحمي الجميع |
ابغى اعرف شي من باب معربتكم بالطريق
ماهو الشي المخيف في الطريق؟؟؟؟؟؟ |
اقتباس:
الله يحمينا احيانا افكر اقول بلاها هذه الوظيفه اذا طريقها مو طيب يارب احمينا |
هدوبه ادخلي قوقل واكتبي طريق قريضه وشوفي الفيديو والنتايج كمان اكتبي طريق ضعه وشوفي النتايج
|
اقتباس:
|
ياجماعة الخير مافي طريق ثاني الا ضعه دا؟؟؟
لا حول ولا قوة الا بالله العلي العظيم وهل هو الى الان مسار واحد |
فيه من طريق الرياض السريع لكن باقي كم كيلو ما أتعبد منه
|
اقتباس:
ثانيا للأسف ماعندي مقاطع فيديو للطريق أو صور لكن عشان أطمنك أكثر أنا ما أبغى أوهمك بأن الطريق مثل طريق الهجرة أو الرياض السريع لا كان بالسابق الى عهد قريب من سنه ونصف تقريبا الطريق ضيق جدا وفيه منعطفات وما فيه مسافه بين الأسفلت وبين الحره وفيه بعض المناطق توجد حفر خطيره وأوديه وتكمن الخطورة ليس في هذا فقط بل في السيارات القادمة من الأتجاه المعاكس نتيجة السرعة الزائده من بعض الأخوان هداهم الله وتكمن أيضا في السواق اللي أنتي راكبه معاه اذا كان مسرح أو مواصل وأنا أقولك أيش اللي تغير خلال السنه الماضيه اللي حصل ياأختي أن المواصلات قامت بتوسعة الطريق وترك مسافه بين الأسفلت والحره والآن صح فيه منعطفات ولكن ليس بخطورة السابق وأن جيتي للحق السفر قطعة من عذاب سواء على طريق مزدوج أو سريع وما فيه شيء مضمون وترى آخر عهد لي بالطريق نهاية الدوام في العام الماضي بشهر رجب أهم نقطة أنكم تفهمون السائق بأن ياخذ وقته من النوم والا بنشوف واحد غيرك والأمر هذا ما فيه نقاش أنا من رأيي أنك لا تخافي وتوكلي على الله سبحانه والمكتوب بيجيك والله لو أنك بالبيت أسأل المولى عز وجل بأن يسهل أموركن وان شاء الله راح تدعيلي من أول يوم تداومين فيه بس لا تنسين |
الله يريحك بالك ويغفر ذنبك ويجعلك ووالديك من اهل الفردوس الاعلى يااخ طارق
|
اراح الله قلوبنا جميعا واعطانا خير هذه والوظيفه
وكفانا شرها يارب مروركم جميعا انار موضوعي وتقبل الله منا ومنكم وكل عام وانتم بخير |
اين انتم يا جماعة الخير
|
السلام عليكم ورحمة الله وبركاته
يا أخوات الله يوفق كل من ترد علي هل السكن بالضميرية أحسن ام المدينه لاني خايفه من الطريق والاعمار بيد الله |
اقتباس:
|
اقتباس:
الله يجزاك خير و ينور طريقك |
ياجماعة الخير
كل عام وانتم بخير هل من جديد على الطريق؟؟هل قاموا بتجديد الطريق؟؟ ام كما هو عليه |
اقتباس:
والله اليوم داومت مع الطريق وبصراحه ما كأنهم عملوا شيء بالأجازه حسبي الله عليهم وأغلب الحرار اللي على الطريق نظفوها وجاهزه للردم ومن ثم السفلته بس اللي قاهرني اليوم أنهم حاطين براميل على طرف الطريق وزادت من ضيقه مدري متى بيشيلونها كان الله في العون أنا كان عندي أمل أنهم ينجزون مسافه طويله فترة الاجازه بس خيبوا أملي وعلى هذا الأساس أنا مدحت الطريق ولكن نقول ان شاء الله فترة وتعدي |
الله يعينك وتوكلي على الله وانا اخوك لن الطريق زراعي وفيه منحنيات خطره لازم الانتباه لها
خبره ست سنوات وهذه السابعه وانا كل يوم في هذا الخط رايح جاي اذا تبغون سواق دورو على سائق كبير في السن لانه من معاشرتي لهم بالخط سواقتهم ممتازه وحذرين جدا ماشاء الله عليهم والله يديهم الصحه والعافيه موفقه خير واي خدمه احنا حاضرين |
شكرا لكم جميعا
والله يحميني ويحميكم اجمعين يا رب |
| الساعة الآن 07:15 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو