ماهو وضع الخريجين المجتازين للقياس والغير مستدعين للمطابقة؟؟
 

السلام عليكم ورحمه الله وبركاته

ندخل في الموضوع .. الان اللي ابغى اعرفه اللي اجتاز القياس والمقابلة من الخريجين اللي قدموا في جدارة ولم يتم استدعائه للمطابقة ايش وضعه ؟؟؟

خصوصا خريجي الحاسب الالي ( مدري اذا فيه تخصص ثاني مثلنا ) نعم خصوصا خريجي الحاسب لم يتم استدعائنا .. هل نحن مشمولين باحتياج ال13 ألف والا كيف

فيه واحد من الشباب نزل خبر وقال ان تخصص الحاسب له احتياج من قرار الامر الملكي من خلال مراجعته هو لوزارة الخدمة المدنية او يمكن يكون ناقل الخبر .. مدري من صحة هذه الاخبار

اتمنى من اللي عنده ولو خبر بسيط للخريجي المجتازين للقياس الذين لم يتم استدعائهم للمطابقة الرد هنا

اتوقع والله اعلم تخصص الحاسب بيستفيدوا منهم في المجالات الاخرى ..

اما بخصوص جميع التخصصات الاخرى غير مجتازيِ القياس اتوقع الباب كبير في الوظائف غير تعليمية ..

والخير الله يعلم وين كاتبه لكل شخص

تظل توقعات هذه

وبالنسبة لي افضل التعليمية على الغير تعليمية

طيب وليش لم يدعوكم للمطابقة ..؟؟
قالوا تم الإكتفاء لأنهم أـخذوا عدد كبير من الحصر دفعتي 27و28 من كليات المعلمين

هذا مالدي
والأمور مبهمة
يجيب الله الخير

اولا : دفعة 27 و 28 عينوهم للسنة الدراسية الحالية اللي هي 1431/1432 وليس السنة الدراسية القادمة 1432/1433

ثانيا : احتياج الامر الملكي ماله دخل باحتياج الوزارة .. لان احتياج الامر الملكي شامل جميع التخصصات زي ما سمعنا

لكن السؤال الان هل راح يسوون مطابقة لمن لم يتم استدعاءه للمطابقة ؟؟ لأنهم استدعوا 17الف وباقي ثلاثة آلاف هذا غير اللي راح تسقط اسمائهم من معلمي التعاقد لأنهم راح يتثبتون

والله أنا في حيره من امرنا انا مثلك حاسب وناجح بالقياس ولم اسوي مطابقه

اعتقد انه سبب عدم دعوتنا للمطابقة هو انه ما لنا احتياج ( احتياج الوزارة ) ... لكن اتوقع يستدعوننا للمطابقة عند تعيينات الامر الملكي ( توقع )

او يمكن نتعين بدون مطابقة .. لأنه التعيين صادر بامر ملكي وهم عارفين من الاصل انه مجتازين للقياس

امر غريب......

تكفون الاي عنده معلومه عن تخصص الحاسب الالي ومجتاز القياس يفيدنا

الملك ماقصر اصدر حلول بس مافي احد نفذ لا الخدمه ولا الوزاره

بصرراحه تخبطات واضحه بين وزارة التربية والخدمه المدنية

الان نحن بعصر التطور والتكنولوجيا والتقدم ولا يوجد احتياج هذي عليها استفهام كبير ؟

ويقولون ليه احنا من الدول العالم الثالث

انا اشوف وضعكم خطييييييييييير..لازم تراجعون الوزارة .. تتجمعون .. تتظاهرون .. تروحون تموتون ..

اي شي ..اهم حاجة تتحركون توقعاتك يابو مازن مالها معنى ابد .. لو يبونكم كانوا استدعوكم للمطابقة

ليش يخلونكم الى مابعد صدور الــ13 الف وظيفة وبعدين يقولون تعالوا طابقوا .. وين اذنك ياجحا ..

وتعيينكم بدون مطابقة مستحيل ..

تحركوا قبل ان يقع الفاس مدري وين ... الامر واضح وجلي تعيين من هم على قوائم الانتظار

اكيد راح نتحرك يا سليطين لكن اذا تبغى تموت انت روح محد ماسك

ههههه كنت امزح معك

هم ما اخذونا ضمن ال17 الف .. لأن وزارة التربية ما ادخلوا تخصصنا ضمن احتياجهم المشؤوم

فلذلك ادرجت وزارة الخدمة اسماء كل من اجتاز القياس في معظم التخصصات ما عدا الحاسب

لأنها مو محتاجة اسماء خريجي الحاسب في احتياج الوزارة ... لكن ممكن تضمنا للخريجين عموما في احتياج الامر الملكي

طبعا كل الكلام اللي فوق من راسي و توقعات .. ومن احلام اليقظة واتمنى تكون صحيحة

لكن هذا ما يمنع خريجي الحاسب انهم يذهبون لفروع وزارة الخدمة للاستفسار عن تخصصنا ومستقبله ضمن احتياج الامر الملكي

والله هذا الاي لازم يصير يا شباب اهل الرياض تكفون واحد يرشح نفسه ..... ويروح يشوف وضعنا كيف...

ماضيعنا الا الاتكالية واحد يروح يشوف وضعنا واحد يروح يشوف مستقبلنا .. ليش ما تجتمعون مع بعض وبلاش اتكالية .. خذوا من باقي الخريجين مثال ونموذج يحتذى به ... بلاش اتكالية وكسل يا خريجي الحاسب

يالغالي انا ابعد عن الرياض والله 1600 كم وماراح اروح الرياض الاي اذا كان فيه اجتماع