|
بعض ممن ظهر اسمه في الوظائف التعليمية سيقشر بصل
اليوم الأربعاء كلمت أحد موظفي الخدمة المدنية ودار بيني وبينه حوار حول الأسماء اللي طلعت وسألته مثل ما سألت غيره من موطفي الخدمة . هل الأسماء اللي طلعت نهائية يعني ما فيه مفاضلة ثانية ؟ قال لي لا ما هيب نهائية هذي للمطابقة وللتأكد من البيانات لكل واحد مثل العام . الأحتياج وصلنا الكلي وهو 7000 وشوي . واحتياج اللغة العربية 470 تقريبًا للمتوسط و 230 للثانوي . هذا اللي وصلنا وبنفاضلكم على هذا الاحتياج . قلت له والوظائف المستحدثة . قال لي . ماجانا شي . حبيبي اللي مجتاز القياس ناديناه للتأكد من بياناته ، ولا نادينا إلا التخصصات اللي وصلتنا بس . بالعربي المختصر . " نفس العام ما تغير شي " ملاحظة : ليه نادوا من تعاقدت معهم الإدارات التربية والتعليم ، فلو كانوا داخلين ومثبتين بناء على الأوامر الملكية كان ما دخلوا معنا في الأسماء الأخيرة واكتفوا بمطابقة بياناتهم العام الماضي . أٌقول : السبت علم ثبت .. أما تيس وإلا صخلة .. إن عطوا من طابق بياناته يوم السبت القادم نموذج كشف طبي فترى الكل متعين ، وإن كان ما عطوه فقشروا بصل للعام الجاي . :asd: |
هذا كلام لا يقبل عقل وواقع
لان يا خوي الاحتياج حدود 7700 صحيح وكل من طابق بياناته رايح يتعيين سواء كان بلاحتياج او بالامر الملكي لست معلم رياضيات ولكن هيا نحسبها انا واياك 7700 احتياج + 13000 استحداث بامر ملكي = 20000 الف وظيفة الذين تم استدعائهم هم 17000 يعني اللي ما يتوظف في الاحتياج سوف يدخل في الامر الملكي يعني الكل متعين انشاء الله تعالى وهذه من المعادلة غير المستحيلة |
ياربي
!! مدري وش بيصير "( ربي رحمتك من هالالغاااااااااااااااااااز ربي يوفقنا |
الاخ المتفائل يقصد انه احتياج اللغة العربية فقط ....يساوي 700
ما يقصد الاحتياج الكلي 7700 |
اقتباس:
انا عارف انه يقصد احتياج اللغة العربية ولكن انا اقصد الاحتياج الكلي للوزارة |
ربنا كريم و قادر على كل شئ
التفاؤل حلو وان شاء الله الكل متعين بأمر الله تعالى |
الله لايضيع لكم لاتعب ولاسهر
|
قبل لا تطلع الاسماء ..... كسرتوا مجاديفنا بالتحطيم
وطلعت الاسماء وفرحنا ..... وشغالين تحطيم ياعمي اطرح موضوع فيه تفائل ترا في زوار بالمئات يدخلون ويشوفون الموضوع ناقصين تحطيم وعن نفسي اذا مافي كلام رسمي من الوزارة نفسها ما اصدق مع احترامي لك |
ههههههه ياليت تغير العنوان بعض ممن ظهر اسمه يآكل عسل
وليش التشاؤم والتحطيم وانت نكك متفائل ؟؟ والموضف اللي قالك كذا اكيد انه مو رايق مع الصباح بالعربي لا تآخذ بكلامه ادعي ربك انه يتمم لك ع خير وما عليك من احد |
تابعوا
على ا الرابط التالي ؛ لمعرفة المزيد عن حقيقة الموضوع.. http://www.arabe1.net/showthread.php?t=8649 |
أولا السلام عليكم ورحمة الله وركاته
ماكنت ابغى أعلق على الموضووووووووووع لكن بعد ماوضع الأخ الرابط وقرأت ردود بعض الأخوااااان صرااااااحة الموضوع مبهم ولا احد يعلم الحقيقه الكامله هل يكون فرحان وخلاص اموره تمام ولا الموضوع فيه لف ودوران وتقشير بصل لكن هذا لايمنع الأخوان من مناقشة الأمر فيما بينهم دون تجريح أو اتهام والوصول معا لحل المشاكل التي قد يواجهونها ورأيي أنا عندما يأمر الملك اطال الله في عمره وعهده فأمره ينفذ دون مناقشه وهذي نقطه في صالحكم ياخواااان فكونو يدا واحده |
كان الله في عونكم
وافرج كرابكم وبشركم بتعينات قريبه جدا ولاتنسونى من الدعاء |
اقتباس:
امر ملكي لو علي الاحتياج ماتوظفنا ولا بعد خمسين سنه هناك امر ملكي بتعين المعدين للتدريس هذا من حظ الي مجتاز القياس من حظ الي مجتاز القياس |
هالامر معروف
مثل العام ليس كل من طابق تم ترشيحه بل يتم التأكد من البيانات وبعدها يتم الترشيح النهائي لأصحاب التخصصات التي يوجد لها احتياج بناءاً على المفاضلة بين أصحاب هذه التخصصات التي لها احتياج |
طيب ياخوي
فيه أمر آخر يدعوا للتساؤل الحين العام عدد اللي طلبوهم للمطابقة 12000 خريج وهالسنة 17000 خريج ليه ما ركدوا على الـ 12000 اسم وليه زادوا العدد لأكثر من 6000 ووصلوه لـ 17000 !؟ الأمر يحير والأكيد أن لن يتأكد أي شيئ إلا بعد الترشيح النهائي !! |
وبهذه المناسبة أدعوا اخواني المعلنة أسماءهم لتوقع الأسوء في ظل هذا التعتيم والتخبط الحاصل
|
الاخ متفآئل يبدو ان ليس لك من آسمك نصيب : )
حبيبي نعرف الاحتياج 7000 ونعرف ان هذي مفاضلة لهذا الاحتياج لكن انت شفت بعينك الاوامر الملكية بـ 13000 يعني اللي نادوهم له نصيب وزيادة ، وتفآئل بخير وإن شاءلله ستجده |
ياااااااااااناس بلاش تحطيييييييييييييم
وتفائلو خيييييييييييييييييييير وريحووووووو اعقولكم مانبي استنتاجات !!!!!!! ريحـــــــــــــــــــــــــــــو |
يقولون إن البصل بيرتفع سعره الأسبوع القادم .. وخاصة اللي يدمّع العيون .
الآن متوفر في الأسواق بكميات كثييييييييييييييييييييييييرة إلحقوا قبل نفاد الكمية . الراعي الرسمي لهذا الإعلان الخدمة المدنية وشركائها المحدودين المالية والتربية .. |
إلى الأخ المتفائل
أنت المفروض تغير إسمك في المنتدى وتكتب المتشآآآم وش هذا ياأخوي ذبحتنا بصل وبصل ياأخي قول شي يدعوا إلى التفآآؤل الله يهديك بس يرزقك بالتعيين ويخليك تنسى سوق الخضار كله ماهو بس البصل |
اقتباس:
يعني بيدخلون في الامر الملكي وين باقي التخصصات على العموم الوظائف المتبقيه ستتوزع على الاحتياج في كافة التخصصات وعلى جميع مناطق المملكه |
اقتباس:
تروح لوظائف إدارية |
اخوي المتفائل اتوقع والعلم عند الله انك تشتغل في مطعم باكستاني وتعاني من تقشير البصل بكثره
هههههههههههههههههههههههههههههههههههههههههههههههههه هههههههههههههههههههه |
يالمتفائل خليك على اسمك متفائل الوظائف التعليمية للرجال 20000وظيفة يعني نقدر نقول كل من اجتاز القياس باذن الله متعين
|
| الساعة الآن 07:16 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو