|
حصر خاص لبنات المدينه المنوره فقط
السلام عليكم
كيفكم يابنات هذا الموضوع خاص للخريجات القدامى الي من المدينه المنوره حيث أن نهله تواصلت مع احد المحامين وطلب منا احضار الوثائق والخبرات لمن وجد عندها وذلك فقط لبنات المدينه لأنه راح يدرسها فقط ويبحث في النتائج وإذا كانت النتيجه مضمونه سوف يتم طلب بقية الأوراق من الخريجات القدامى في المناطق الأخرى لذا سوف نعمل حصر لبنات المدينه فقط وأأمل من بنات المدينه فقط الرد في هذا الموضوع |
وينكم ياخريجات المدينه؟
|
انا من خريجات المدينة
|
حبيبتي /
صدقيني يعجز اللسان عن شكرك انتي والاخت نهلة اللي اكثر من رائع والله فرحتي قلبي بهذا الخبر لاني كل دقيقة افتح اشوف فيه اخبار جديدة بس كيف نتواصل يعني قصدي كيف نجمع الاوراق |
يارب نفرح بالتوظيف والله لايكدر علينا
ماهي مشكله دحين بس نبي نعرف العدد الي من المدينه وفي اقرب وقت انا ونهله نجمع منكم الأوراق ونعطيها للمحامي بس كل وحده تجهز اوراقها كامله الي هي صوره من الوثيقه والدورات والخبرات ودفتر العائله وطبعا كلها صور وهذا الكلام بس للخريجات المدينه الي مضى على تخرجهن 6سنوات واكثر |
اقتباس:
|
اقتباس:
|
الله يكتب لكم كل خير
|
السلام عليكم ورحمة الله وبركاته
انا من المدينه وش المطلوب |
السلام عليكم ورحمة الله وبركاتة
هالمره بكون معاكم وارسل بيناتي لان الحملة الاولى ارسلت بياناتي ع الخاص للأخت نوال وبنت الحجاز بس متأخر وفاتني وايش المطلوب مني فورا انفذه ؟؟ |
انا مضى ع تخرجي 5 سنوات هل يمكنني المشااااااااااااااااااااااااااااااااركه
وجزيتم خيرا |
أولاً: مشكوررررررررررررررررره يابنت الحجاز على الخطوه هذي وجزاك الله خير الجزاء والله يتم على أولادك لباس الصحة والعافية اللهم آمين اللهم آمين
ثانياً:ما طلبتي شي كيف نقدر نتواصل وعذراً على التأخر في الرد |
أنا من خريجات المدينة
الله يعطيك العافية يابنت الحجازعلى المجهود اللي تبذلينه صدقيني يعجز اللسان عن شكرك الله يجزاك خير |
بالتوفيق إن شاء الله
|
السلام عليكم ابغى اسأل بنت الحجاز عن كيف ارسل بياناتي ياليت توضح لي الطريقة بالتفصيل
|
هلا حبايبي كيفكم ان شاءالله بخير لي مدة مادخلت المنتدي بس متابعة الأخبار
الله يجزاكي خير بنت الحجاز انتي ونهلة ونوال على المجهود الى بتبذلوه وان شاءالله ربي يوفقنا ونتعين يارب لاني مرة مقهورة وانا طبعا اعمل بمدرسة واسمع شغلات تفقع المرارة عن الواسطات والله يابنات مو ذابحنا الا الواسطات وخاصة بالمدينة فيها مرة تلاعب انا والله لو بيدي اشتكيهم كان اشتكيت لاني عارفتهم مين هما الى شغالين يوظفون جماعتهم والحبايب انا قبل شهرين الوالد راح للوزارة الموقرة يسئلهم عن الوظائف الادارية قالوله مافي وذاحين ما شاءالله جاتنا واحدة بعقد ادارية الحلوة تسير اخت واحد من اهل الواسطات بادارة التعليم ولا تخيلوا ا مؤاهلها ايش بس الثانوية والله العظيم اتقهرت من جد ظلم لحد متي نصكت عن هذا الفساد حتي وظائف الديوان فيها تلاعب قال ايش قدموا عن طريق النت ولما تترفع الأسماء يكون اهل الواسطات مجهزين ملفاتهم خلاص ظامنين التعين انا سامعة باذني هذا الكلام تعبت والله العظيم الله يأخذ الواسطات واهل الواسطات وينتقم منهم يارب خريجة عام 1421هـ من المدينة بكالريوس +5 دورات . معاكم ان شاءالله بس الأوراق المطلوبة نسلمها لمين وكيف اللهم فرج همي وهم جميع المهمومين وانصرنا على الظالمين |
الله يعطيكم العافيه والله يحفظك غواليكم
انا معاكم وتحت خدمتكم حبايبي بنت الحجاز عندك الرقم |
أولا الله يجزاكم خير على الدعوات ولكم مثلها
ثاني شي انا ونهله اتصلنا على المحامي ويقول حاليا بدرس القضيه وذا شفتها مضمونه ابلغكم والاتعاب بعدين يتفق معانا فيها وبعد يومين حانروح انا ونهله له طبعا مع محرمنا وحايسألنا عدة اسئله وبعد كذا حنرد لكم وهالموضوع عملناه نبغى نحصر كم العدد ومين من المدينه بس احتياط خليكم جاهزين ومخبرين اوليائكم عشان تكونوا على درايه باتعاب المحامي لو درس القضيه وكانت النتيجه ايجابيه |
السلام عليكم
مسائكم ورد .... والله يعطيك العافيه يابنت الحجاز انتي ونهله ومجهوداتكم الله يجعلها في موازين حسناتكم حبيبتي وبكل تاكيد انا معاكم بس ياقمر خبريني وين تبغينا نتقابل نسلمك الاوراق ,, واذا تبغوا مساعده نحنا موجودين ,,, |
السلام عليكم ورحمة الله وبركاته انا خريجه من المدينه لي 11سنه انتظر
انا معاكم ان شاء الله لاخر المشوار الله يجعل التعين من نصيبنا جميعا هذا العام وياجركم على هذا الجهد و يعطيكم العافيه ويقويكم ويرزقنا واياكم من حيث لا نحتسب كيف ممكن اعطيكم الاوراق ممكن نتفق على مكان او حسب ما تطلبوا انا جاهزه |
السلام عليكم ورحمة الله وبركاتة
كيف حالك يا بنت الحجاز وكيف حال البنات الي معانا يعطيك الله القوة والعافية على جهودك الجبارة بس قولي وين نتقابل وكيف نسلم الاوراق والله مشتاقة لشوفتك واعطيك الف بوسة ---:b6c408e3fab0595d87e:kkk:
|
انا خريجة 11سنة وخبرة 6سنوات ان شاء الله معاكم بس كيف اسلم الاوراق
|
جزاكم الله الف خير يااخوات على كل اللي بتقدموه
بس حبيت اوضح انه المحامي الاستاذ سامي الخلف تكفّل انه يترافع عن الخريجات بدون مقااابل ولكن ماوجد من البنات المسانده والتواصل وصرف نظر عن الفكره..وتقدروا تتابعوا الموضوع هذا في منتديات حلمها بس اتمنى من كل قلبي ان يكون التواصل مع المحامي الجديد بجديه اكبر وتواصل من الخريجااات حتى يتم تحقيق حلمنا جميعا... ا |
طيب اختي بنت الحجاز انا خريجة دبلوم لي 14 عام متخرجة وخبرة 6 سنوات ينفع اشارك معكم والله بس القضية للبكالريوس
|
بنت الحجاز انا اول وحدة خذي بياناتي لو تبغين اسماء اخواني واخواتي وراعي البقاله اللي تحتنا واسم صاحب العمارة اللي ساكنة فيها انا حاضرة وفي الخدمة بس عينوني وريحوني
|
الله يعطيك العافية ويسرلك امرك ونحن وراك وانشاء الله ربنا يوفقك في كل خطوة
|
فضلآآآآآآآآآآآآآآآآآآآ
السلام عليكم ورحمة الله وبركاته
اخواتي العزيزات فضلآ لا امرآ الخريجات الي من المدينه المنوره وتم التواصل معي عن طريق الجوال تتواصل الان معي للاتفاق على كيفيه جمع الاوراق المطلوبه منها لان من الصعب ان بنت الحجاز تجمع جميع الاوراق لوحدها انا عندي رقم كذا وحده ان شاءالله اتواصل معاها وربنا يكتب لنا الي فيه خير |
الله يوفقكم وفااالكم التعيييييين
|
ماشاء الله الردودوالتفاعل كثير فاعذروني ماقدر ارد على كل وحده لوحدها وبالذات اني مره مضغوطه ومشغوله هاليومين
وربي يسعدكم على هالدعوات ويابنات المدينه الي كانت بياناتهم معانا انتظروا ليوم الأربعاء مساء او الخميس واخبركم بقرار المحامي لأن موعدنا معاه الأربعاء مساء وبالنسبه لبنات المناطق الأخرى ثقوا بالله ان كل وحده سجلت اسمها معانا في الخطاب السابق بعد دراسة المحامي للقضيه راح نكلمه عنكم ونرد لكم |
موفقين اجمعين !
انا من المدينه |
تامرون امر بس حددو موعد تسليم الاوراق اللي تبونها
|
طيب اللي متخرجه من 11 سنه :01211: شو بتعمل:oo5o.com (39):
.. المهم الله يوفقكم جميعا ... وياليت لو تلبولي هالخدمه البسسسسسيطه مرررررره ..الا وهي اذا تعرفوا مراكز ولا معاهد لتعليم الفن التشكلي ياليت تخبروني فين مواقعها بالمدينه واكون ممنونه الكم اكتير اكتير :01211: وياليت لو واحد يرد لاحد يطنش بليز :oo5o.com (4): تحياتي وتقدير للجميع .. اختكم خريجه عاطله .. |
طيب كيف اسلمكم اوراقي ومتى
|
اناااا من المدينه بعد
وتوني اقراا الموضوع كيف تسليم الاورااق |
انا مجالي مستشفيات ينفع اكون معاكم والا لا
وكمان لي سنتين متخرجة |
الموضوع يا اخواتي انتهى والحصر للي سجلن اسمائهن معانا فيماسبق في البرقيه والخطاب
والي كان اسمهامعانا سابقا هي الي راح نتواصل معاها وناخذ اوراقها لدراسة قضيتها من قبل المحامي وعلى فكره الي حابه ترسل اوراقها للمحامي من السابقات تبلغنا لأنه راح يكون فيها توكيل من المحكمه للمحامي وراح تدفع للمحامي مبلغ بسيط |
طيب انا خريجه قديمه ومكتوب على الشهادة
شهادة مؤقته؟؟ ايش العمل اللي يعرف يرد لي ع الخاص الله يسعدكم دنيا واخره يارررب |
السلام عليكم ورحمة الله وبركاته
الله يعطيكم الف عافية وأتمنى ضموني معاكم لأني بجد بحاجة للوظيفة اليوم قبل بكرة لأن ضروفي جدا صعبة واتمنى اي وظيفة ان شاء الله تعاقد انا لي 14 سنة متخرجة قسم تاريخ واخواتي لهم ثلاث سنوات قسم فيزياء والله لكم مني جزيل الشكر والدعاء لأننا بحاجة للوظائف ارجو منكم كيف اعطيكم الأوراق |
جزاك الله الف خير بس كيف ممكن اتوصل مع نهله
|
بنت الحجاز او نهلة الرجاء الدخول
بسم الله الرحمن الرحيم السلام عليكم ورحمة الله وبركاته انا جديدة وما اعرف الموضوع ما اسم المحامي وهل هي تابعة لقضية المستبعدات بسبب اثبات الاقامة ؟ وانا من المدينة ولي 8 سنوات ومعاي ماجستير وجاتني وظيفة تعليمية بس راحت لان اثبات الا قامة بس 3 شهور ما ادري انفع انظم معاكم ولا انا ح الة خاصة ؟ ارجو الرد |
| الساعة الآن 02:29 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو