عزيزتى بطه شقيه
دوامك من جدة للقاحه انتحار في حد ذاته لانه تهلكين نفسك بالذهاب والرجوع فصحتك اهم من طول او بعد الطريق
حبيت انصحك نصيحه اخويه وانتى حرة في تقبلها او رفضها
والسكن في رابغ هو حلك الافضل

مافيش احد اتعيين من منطقة المدينة للقاحة

هلا بجود وغلا

المسافة بعد المفرق الي على الخط السريع هو المشكلة اما ماقبلة فهو خط سريع اربع مسارات

واذا داومت من رابغ زي ماقلتي متى راح نتحرك اقل شي قبل ساعتين بحكم المسافة بين رابغ والقاحة...

طيب انا عندي اطفال بيروحوا المدرسة وابوهم هنا في جدة يوديهم ويجيبهم اما في رابغ ماعندي احد...

ولو نفترض اني لقيت احد يودي عيالي المدرسه كيف اضمنه على عيالي وانا اصلا راح اداوم بدري لان المسافه ساعه ونصف ويمكن تزيد على حسب سرعة السائق ومو معقوله اودي عيالي من بدري المدرسه بذات انا عندي تمهيدي كمان ودوام التمهيدي يختلف عن دوام المدارس فكري في الموضوع من كل النواحي ازيد ساعه في مشواري واكون بين عيالي وبيتي افضل لنفسية عيالي وزوجي من الشتات كمان

وكمان في نقطه حبيت اوضحها ان الطريق المزدوج مشواره ساعه وانت راح تداومه كل يوم يعني الخطوره موجوده لنا كلنا لكن الواحد يتوكل على الله والاعمار بيد الرحمن استودعي عيالك وزوجك ونفسك ان شاء الله الامور سهاله خلينا متفائلين واتمنى السلامه لنا وللجميع

هلا وعليكم السلام ورحمة الله وبركاته
الان ارسل لك خاص وان شاء الله نتفق
بالتوفيق الله يسهل لنا يارب

انا توجيهي في روضة القاحه بس باسحب عليهم مرة مااقدر صعبه من كل الجهات الله يعين

وانا من جدة

اللي عندها فكرة ايش اسوي ياريت تقوللي مرة مااقدر اداوم فهل اقدم اعتذار او استقاله اوايش اسوي حتا مباشره ماقدر ابدا ابدا فاللي عندها فكرة او حل تقوللي الله يرضا عليكم

السلام عليكم ورحمة الله وبركاتة
مبروك عليكم الشهر الفضيل
لو سمحتو مين تعرف سواق ينقل معلمات من المدينة الى مدرسة القاحه الابتدائيه الاولى
حيث جاء نقلي السنه هذي للقاحه ضروري الله يسعدكم
الى تعرف ترسل ليه رقم السواق عشان اتفق معه ضروري الرد

بالتوعيق الله يعين

بالتوفيق يارب