|
لاحول ولاقوة الا بالله
اذا لعنتك لا يستحقها صاحب الموضوع فسوف ترجع عليك .. استغفر الله هدي اعصابك بالأخير كلنا راحلين ولا ينفعنا سوى أعمالنا الصالحه ولك في رسول الله صلى الله عليه وسلم أسوة حسنه حينما أتاه فتى شابًا - فقال يا رسول الله ائذن لي بالزنا – فأقبل القوم عليه فزجروه وقالوا : مه مه – فقال : أدنه . فدنا منه قريبًا قال : أتحبه لأمك قال : لا والله جعلني الله فداءك : ولا الناس يحبونه لأمهاتهم ، قال أتحبه لابنتك ؟ قال : لا جعلني الله فداءك قال : والناس لايحبونه لبناتهم ... ثم تكرر السؤال أتحبه لأختك ، لعمتك ، لخالتك كما تكررت الإجابة السابقة إلى أن قال : فوضع [ رسول الله ] يده عليه وقال اللهم أغفر ذنبه وطهًّر قلبه وحصّن فرجه فلم يكن بعد ذلك الفتى يتلفت إلى شئ . .................................................. .................................................. .................................................. ..................................... ياأخي حتى لوكانت فكرة قيادة المراءه للسيارة فكره علمانيه رب ضارة نافعه وربما يرد الله كيدهم في نحورهم فتنقلب الأمور ويصبح قيادة المراءه للسيارة نفعه اكثر من ضره .. ومن يراقب الله في كل صغيره وكبيره مما يخشى ويخاف .. على العموم الله يصلح النيه والذريه .. وارتقو ياأصحاب العقول بعقولكم وليكن منكم محبين الخير للناس حتى يعم الخير بلادنا وما ان تمسكتم بكتاب الله وسنته فلن تضلو ابدا |
يسعد مسائكم ........صباحكم
انا من اكثر البنات المعارضات لقيادة السياره لان السلبيات اكثر من الايجابيات وغير كذا للاسف الشباب ماراح يخلوا البنات في حالهم اذا العايله حتى وهي مع السواق او حتى مع محرمها ماخلوها وشلون لو تسوق لحالها احنا مانظلم الشباب كلهم بالعكس فيه رجال على اسمهم رجال وفيهم غيره على بنات بلدهم بالمقابل فيه شباب مهستر ماعندهم ادنى مسؤوليه بعدين الشوارع زحمه من سيارات الرجال وش حال لو ساقوا البنات يأذن الظهر والوحده ماوصلت دوامها واللي يقول ان المرأة لازم تاخذ حقها كبشر ليه اذا ماساقت ماهي بشر بالعكس اصلا احنا ربنا اكرمنا بقوامة الرجال. واكيد انه فيه عائلات تحتاج للي يوديها ويجيبها ماعندهم رجال بالبيت يقضي مشاويرهم هذي العايلات صح اللي الواحد يقول ماعليه اذا بنتهم ساقت. واتمنى ان الأخوات والأخوان اللي مؤيدين لقيادة المرأه للسياره انهم ينظرون للموضوع من جميع جوانبه لأنه وللاسف ملياااااااااااااااااان سلبيات وراح يترتب عليه مشاكل لها اول مالها تالي واتمنى التوفيق والهدايه للجميع وكل عااااااام والجميع بألف خير |
اقتباس:
القضية ليست شهوة فهي موجودة بكل مكان وزمان القضية تكمن بتنفيس الشهوة وهذا مربط الفرس لكل قاعدة شواذ وشواذ تلك البلاد و بكل صراحة من كل دول العام بلا استثناء لديها مايحتاجة الشباب والرجال والنساء كذلك من امور غير لائقة ونراها بالفنادق وغيرها لذلك هل عقلاً سيذهب شاب بتلك البلد يطارد فتاة تقود سيارة ولدية البديل متوفر وبدون اي خسائر او مسائلة هذا البلد لدية خصوصية وهي عدم وجود الفساد الموجود بتلك البلاد لذلك الشاب السيء لن يجد الا الفتاة التي تقود وهذا مربط الفرس |
اخوي الشئ المضحك بالموضوع ان مافيه سبب يتعلق بالدين
كلها تحس انها افكار مراهقين قال الشوارع زحمه << هههههه شوف دول الجوار او الشباب يلاحقو البنات << ياماما ليش دايم اي موضوع يطرح تتجهو لذي الناحيه ؟؟ صورتو شباب السعوديه قدام العالم على انهم ايش مثلااا ؟؟ ولاحضت برضه بالنسبه للموضوع هنا اغلبهم مسأله عنااد الي جاي ومايدري بالموضوع اصلا قال مستحيل ويحلمووووون << مدرري يستقوي ولانقص عنده ولابعد اخطاء املائيه بالجمله ترا محد داري عنكم ولا احد سأل عن رأيكم والي يقول نرفض بسبب انه بتطلع وتاخذ راحتها وفساد ... الخ << ههههههه ليش الحين كل بيت مافيه سواق خاص واعتقد الي فيها فساد السواق يؤدي نفس الغرض فياليت الي يرفض عشان هالشئ يروح يسفر السواق واخيرا ياليت ترتقو بالالفاظ وماتحقرو النساء في ردودكم استغرب بعض الكلام من الي مفروض يكونو مربين اجياال |
عموما
زوجتي وأمي وأختي راح اقولها انتي ملكة في نظري انتي أميرة في عيني دعي القيادة لي وأستمتعي بالرحلة |
اقتباس:
على السريع ووراي شغل ومادققت بالموضوع كثير بالجمله = بالجملة طرتي ولا وقعتي ..! والله تبطين ماسقتي السيارة.! بس ارتاحي ..! |
اقتباس:
هذا لسان حال كل ام قيادتها لسيارتها خير لها من الخلوة مع السائق الاجنبي لكن المعرقل الموضوع قلة ادب بعض الشباب وعدم تربيتهم على الاخلاق الاسلامية وخلوهم من النخوة التي كانت تميز المجتمع المسلم في عهد الرسول صلى الله عليه وسلم والخلفاء الراشدون كانت المرأة تركب دابتها بنفسها ولم تتعرض لأذى |
المعارضين واللي يقولوا المرأه عندها اخوها وابوها وزوجها ومو محتاجه قيادة السياره مافكرتوا ان فيه بيوت مافيها لا أب ولا أخ ولا زوج ، ومافكرتوا ان فيه ناس ماتقدر تجيب سواق وحتى لو جابوا سواق بيكون مثل القنبله الموقوته في البيت ، ياناس والله البنت الفاسده مو محتاجه انكم تسمحوا لها بقيادة السياره عشان تكمل طريقها يعني الفاسده راح تلاقي مليون طريقه عشان تخرج ، وحرام احنا ندفع ضريبة الشباب اللي مومتربي وتمنعونا من قيادة السياره .
|
من جدكن انتن تبن تسوقن ؟؟ حريم آخر زمن
والله بس تبن تبطحن بهالاسواق وتستعرضن بهالشوارع والله هذي قلة الأدب ، مانبي نسوق ولاشئ نبي نجلس ببيوتنا معززات مكرمات الله خليلنا دولتنا آل سعود تنزل الي بروسكن تحت رجولكن |
طبعا انا من اشد المعارضين
لان ديننا يمنع خروج المراة .. بعض الناس يقول افصل الدين عن امورنا وهذه هي العلمانية .. والبعض يقول عطني دليل على تحريم القيادة للسيارة ... الله يقول بكتابه : وقرن في بيوتكن....... لكن لو ساقوا الحريم على بالكم بيقعدون ببيوتهم والله لتشوفهم متبرجات كاسيات عاريات مايلات مميلات يتمشون بسياراتهم .. نضحك على انفسنا احنا ولا ايش يوم نقول تحتاجها للضرورة ههههه..اصلا لو صار شي ضروري وطارئ والله ماتعرف تتصرف وانها لتصارخ تستنجد بالرجال سواء زوجها اواخوها او حتى جارها.. خخخخخ هذا هم ماساقوا وجابوا لنا العار والخزيء بالمجمعات والاسواق اجل لو ساقوا وش بيسوون .. .......... ( اذا خرجت المرأة فسد المجتمع ) ............ واسالوا الغرب عن ذلك ... وبعدين تخيلوا زوجتي تسوق وع وع .. صارت رجال ماهي اثنى . .. وربي لاطلقها من ثاني يوم لو ساقت احسها رجال معي بالبيت .. |
| الساعة الآن 07:53 AM |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir
تصميم تطبيقات الجوال, شركة تصميم مواقع ، تصميم متاجر ، تسويق الكتروني , ارشفة مواقع ، مكتب ترجمة معتمدة ، استقدام خادمات ، شركة سيو