والله انا سويت دراسة للموضوع وسالت بكم يدرسو عيالهم طبعا الي حولي بعض المدرسات تاخذ بالساعة 100
للمنهج الواحد او150 وبعضهم بشهر 200 او 300 طبعا مناهج الابتدائية وبعضهم تمسك المناهج كلها الشهر 500

سبحان الله يمكن مافي ثقه لان
الناس في فكره عالقه بذهونهم ان الاجانب يفهمون الاطفال لاني الناس اللي بمحيطي يدورون الاجانب واذا قلنا فيه سعودي او سعوديه يقولون لا مايفهمون
والله اعلم

الفكر ه حلوه ولكن الواقع يحكى غير كذا
جربي سعوديه مااحد وان جا درس وخلص وما دفع
اقولك عن تجربه اختى درست فى البيت خصوصى
طبعا بالي تقدر عليه انجليزى ......الخ
النتيجه بنت عقله مو براسها لان الطالب الفاشل يشوه سمعت المعلم
لكن اختى طلبت من امه صلاحيات وافقت الام
نجحت البنت بتقدير ممتاز لكن اختى حرمت انه تدرس مره ثانيه
واعتذر العام المقبل وجات امه قالت اختى انا مشتريه راحتى
لان اختى تبغى تحلل القرش :spiteful: هههه كككك جربىي والله تبكين دم

:thumbup:الفكرة والله أكثر من ممتازة يا عاديات المزون فقط يبغالها تهيئة الظروف لتطبيقها :thumbup:

وأنت يا هنهونه إذا كنت بتبدئين من أول السنة بتكونين في راااااحة بدون ضغط والدروس على مهلك
لكن المصيبة إللي يجيك قبل الإختبارات تعطينه المنهج كاااامل <<< ( طبعا مؤكد هذا تسعيرته الضعف أو 3 أضعاف السعر العادي حق راحتك وتعبك )
وإذا أنت بحول الله ناوية ( سواء كذا وإلا كذا ) لاااازم تحطين أسعار للحالتين عشان إذا جاك واحد قبل الإختبارات يقول وش هذي الأسعار ؟!<< ( قائمة ورقية بالأسعار ).

تورينه على طووووول قائمة بأسعار الأيام العادية وأن هذه الأسعار حق التعب والوقت المضاعف
ولا تنسين أنه يفضل ( في رأيي طبعا ) أن تكون الأسعار بالساعة .

:sahm: وأهممممممممممممممم شيء ( تكونين واثقة في طرح أسعارك مو يجي أحد يناقشك في السعر تغيرينه ... حسسيهم إنهم إذا رفضوا التعامل معاك إنهم هم الخسرانين مهو أنت ) <<<< بفضل الله وحده..... أنا مجربة وخذوا كلمتي .

أنا ما اشتغلت في التدريس الخصوصي بحكم المكان إللي أعيش فيه لكن كنت أعمل التحاضير للمعلمات في مدارس القرية ( ما شاء الله كنت بحول الله وفضله أضبّط للوحده التحضير على كيف كيفها ،وكنت أستلم منها مبلغ مقدم ( لزوم حبر الطابعة والورق ومتعلقات التغليف ... ألخ ) + قرص التحضير إللي تحضيره في الأصل زفت وتطلب مني قائمة طوييييييييلة بالإضافات إللي تبغاها وإللي تبغاه ينحذف وتعديلات بالهبل ....

بعد أسبوعين تقريبا أو على حسب 3 أسابيع ، تستلم تحضيرها بفضل الله أحسن ما يكون ...... الشغلة متعبة لكن بحول الله قدرت عليها كنت أجلس تقريبا 10 ساعات يوميا :k055: طوال الفترة أضيف .. أعدل.. أحذف.. أتأكد من كل ورقة أنها تنطبع كاملة بجميع أطرافها .....ألخ .
في الأخير يصفى لي تقريبا 600 ريال من غير التكاليف << على حسب عدد المواد
ألحين أغلب المعلمات إللي صلّحت لهم تحاضيرهم ... يتصلون علي عشان شغلات خفيفة ( أوراق عمل ، تحضير لدرس نموذجي ، مطويات ....وعمل مجسمات ..ألخ ) والله سبحانه أعطاني له الحمد والشكر وله الفضل والمنة .

لكن الحمد لله زي ما قلت لكم المكان إللي أعيش فيه ما يسعفني ألقى معلمات كثير ( يعني مرة مرتين بالكثير في السنة ) .............. أسأل الله أن يؤتينا من واسع فضله .:f63:


شاركتكم تجربتي في كسب رزقي من البيت .... أيش رايكم ؟ يعني إللي متخوفة من التدريس في شغلات ثانية لها علاقة بشهاداتنا .


أسأل الله العظيم الحليم الرحمن الرحيم الفرد الصمد القوي العزيز القادر ... أن تسخر لنا جميع السبل لنتمكن من مبتغانا ........... اللهم آمين .:f63:

مشكورررره والله فكررره روووعه

والله فكرت فيها حتى اخواتي قالولي راح تربحي اكتر من المدارس الخاصة ينبح صوتك وينهد جسمك وفالنهاية الف وشويه
اما هادا لا انتي فبيتك ومرتاحة وتجيك قروش مره وناسة
انا اللي رفض زوجي يقولي فين نحطهم مالهم مكان الا المجلس هو للضيوف ولا للبنات داخلين وخارجين
وللا انا مره نفسي فذا الشي
الله يرزقني وياكم

فكره رااائعة بالتوفيق يارب