مدرسة فيزيا لثالث ثانوي في مدرسة العقيق الاهلية

[...=)...]

السلام عليكم ورحمة الله وبركاته


بدون مقدمات .. القصة ومافيها اني انا طالبة في ثالث ثانوي في مدرسة العقيق

وعندنا مدرسة فيزيا الله يستر عليها بس .. ماابغى اسب ولا امدح :p

لكن كل مارحنى نشتكي عليها ولا اي شي قالو ماعندنا غيرها تخصص فيزيا ولو راحت مايمشي المنهج

أتمنى من كل وحدة تخصص فيزيا وتبغى وظيفة تجي وتشوف

بس اهم شي تخاف الله في البنات مو زي هذي


والله يكتب الي فيه الخير

[الاستاذ غازي الحربي]

إنتي طالبة أو مدرسة ؟؟

[...=)...]

طآلبة ...

وماكتبت هذآ الشي عشان اقطع رزق احد والله

لكن انا ثالث ثانوي ومن حقي اكون حريصة على نسبتي :(

والمدرسة مو متعاونة مع هذآ الشي ابدآ .. ولا لو كانو حريصين من جد على مصلحة البنات كان بس اعلان في الجريدة لا ان شالله ورقة عند الباب أو حتى يقولو للطالبات اذا كان عندهم احد في العائلة ويشوفون كيف بيجيهم معلمات


الشكوى لله بس ..

[الصـــــــامـت]

باستطاعتك تكلمي المديرة أو نفس المدرسة

صدقيني بيتم التعاون بينك وبينهم

[...=)...]

أخوي الصـآمت تتوقع اني ممكن امشي ثلاث ارباع الترم الأول وانا ساكتة

بس قلت لكم قالو مافي تخصص فيزيا غيرها ...

"يعني تفكير ماادري كيف ماشي .. اهم شي عندهم يمشي المنهج مو مهم كيف بيمشي .؟! "

عشآن كذآ انا استنجد يمكن لو جات وحده تخصص فيزيا وقالت هذآ الكلام اتوقع الادارة ماراح يكون عندها حجة انها تغيرها وترحمنا

يعني اتوقع حرآم يكون مجموعي في الفيزيا السنة الي راحت 100% والسنة هذي الله يستر بس

[ريان الوسمي]

لاحول ولاقوة الا بالله

المفروض المدرسه تتساعد مع طلاب الثنوي وخاصتآ طلاب الصف الثالث ثنوي

ماقول الا حسبي الله ونعم الوكيل

[...=)...]

مع الأسف المفروض شي والواقع شي ثاني

والمشكلة اكثر ماكثر الله المدرسات الي قاعدين في البيت

[جاي مشووت]

السسسـلام علـيـكم طبعـا انا اخووك ادرس في العقيق الاهلييييه الصراحه من الاخـيـر العقيق مو مدررسه اذ انتو يا البنات عندكم مدرسه واحدهـ يمكن احنـأ كل المدرسييييين كلهم من اوول الى اخررهم وعلى ارسهم الشربنـي *_* وربي عندنـا اول شـي تدخين عيني عينك قدام المدرس مايقوول شي تاني شي ايش المدرس الى تعطي برشم ويووصله لى الطالب ارووح انا تعليم ثالث شي هذي مرره مو مدرسه رابع شـي عمركم شفتوو ياليته مدرس مدير مدرسه وقدووه يلعب مزمار الصراحه انا مسجل عشان اررد وانشاء الله اكوون معكم والصرحه مالى في المنتدى حتى جالست ربع ساعه عشان اسجل فييه وياليت ماحد يحذف الرد حقـي هذي كلمت الحق *_* ومعلـيـش

[منفوشة]

دائما المدارس الخاصة التعليم فيها مو تماااااااااااااام

[شهد المدينة]

سبحان الله الإهمال يأكلنا أكل في المجتمعات العربية, قمة الكسل والتسسويف, انا معلمة فيزياء ولدي خبرة 5 سنوات في تدريسها وخصوصا الصف الثالث ثانوي+دورة كاملة في التعليم المطور وقدمت على مدرسة العقيق اكثر من 20 مرره وفي كل مرة يجاوبوني لايوجد احتياج...!!!

[...=)...]

أخوي " جاي مشوت " وكل أمرك لله زي ماسويت انا وادعي ان ربي يهديهم اكتشفت ان مالي غير هذآ الحل

وابشركم نسبتي في الفيزياء الترم الاول كانت حلوة والحمد لله وكل الفضل طبعا لدرجات "التحسين " ولا لو بدونها كان الوضع مأساوي

طبعا هذي حركة ذكاء من المدرسة عشان ماينمسك عليها شي قررت تنجح الكل بانها تضع سؤال تحسين حتى في الاختبارات الي من درجتين .. فتحيلو الاختبار من درجتين في ءؤال تحسين من درجة أو أكثر وقتها اسمحولي اهبل الي مايجيب الفل مارك

يالله ان شالله ربي يهدي الجميع

-------------------------------------------------------------------------------------
اختي "شهد المدينة " والله اني دعيت لك من قلب لان مؤهلاتك حرآم الواحد يستهون فيها وصدقيني ربي ان شالله أراد لك الخير انك ماجيتي درستي في المدرسة

حرآم انا مااظلم الطالبات لانهم الاغلبية بنات ناس ومحترمات جدآ الحمد لله " إلا من رحم ربي "

والمعلمات طبعا في كثير معلمات ينحطو على الراس .. لكن عيب المدرسة الكبير هو الإهمال وان مافي احد يتناقش أو يتفاهم