المساعد الشخصي الرقمي

مشاهدة النسخة كاملة : لو سمحتو خريجات الثانوية المطوره .. ساعدوني

شنه و رنه
2012-09-26, 08:41 PM
السلام عليكم ورحمة الله وبركاته

خريجات ثانويتنا المطوره :t2641:
حابه أسأل .. القدرات عانيتو فيلو لأنو مناهج المطور غير عن العام و من دا الكلام ؟؟؟

ثاني حاجه
ايش احسن شيء نقدر نسويه علشان نستعد للاختبار .. يعني ايش الكتب أو المواقع الي استفدتو منها ؟



عارفه سؤالي مررره بدري .. بس خايفه مرره منو
رنا$
2012-09-28, 04:12 AM
شوفي حبيبتي انا م اعرف بس اختي امس هيا و صحباتها راحو لدورة تخص اختبار القدرات !!
فهموهم عن الاختبار وطرق الاسئله و المذاكره و الحاجات هاذي !!
عاد م ادري يمدي تروحي او حق امس هوا اخر موعد :( !!!

ان شاء الله تدخل وحده من الخريجات و محا تقصر معاك :)
المشاكسه الصغيره
2012-09-28, 04:07 PM
الدوره إلي بتقول عنها رنا كل يوم خميس بس أضن باقي خميسن أو خميس واحد فسارعي للتسجيل
أروى نمنكاني
2012-09-28, 09:47 PM
ااااااا اهلا وسهلا ..... اختبار القدرات اختبار القدرات البعبع الا يعتبر للجميع ...... وهوا في الاصل لا شي حلوو وبسيط والاحلى التحصيلي ،،،،، نصيحتي اذا كان عندكم دا الاختبارين ذاكروا من التجميعات الا تلاقوها من المواقع دا مجرب من كم بنت واكتر
اهم شي لا تخافو وتكبرو الهرجة وان شاء الله تعدوووو
بالنسبة للتحصيلي نفس موادنا الا اخدناها لانو المعلومات نفسها وبس
المواقع : يزيد وفي تجميعات البنات رسلولي ،،
وبالتووووفيق وادعوووولييي
عصفورة جريحه
2012-09-28, 10:51 PM
شكرا على موضوعك الجميل كنت محتاجتوا مرة

معليش مشاكسة أو رنا إذا عندكم فكرة إيش دي الدورة وكيف أسجل ؟
المشاكسه الصغيره
2012-09-29, 09:54 PM
لأني اشتركت في الدوره دا الخميس إلي فات وقالولي الخميس يوم 18\11 يوم الدوره من 4إلى 10 يوم واحد وسعرها 200 ريال و20 ريال للكتب وخرابيط إلي راح يعطوكي هيا .. الموقع مركز الأمير سلطان بالضبط مدري فين لأني مني فنانه في الوصف ممكن لو تروحي لسع ممكن تلاقي مقعد رغم اني اشك لأنو رقمي في الثمانين وأنا رحت الخميس أول يوم للتسجيل فما أدري شوفي حظك وبالمره ممكن يقولولك لو تعبأ تعالي الخميس إلي بعدو سجلي وهكذا .. ايش كمان بقي تبغي تعرفيه أنا هنا
شنه و رنه
2012-09-30, 12:04 AM
مشكورين يابناات ما قصرتو
أروى .. ما سمعتي في كتب زي ( رام ، أو قبول ) حلوه ؟؟
مشكوره المشكاسه .. بس ايش رايك في الدوره دي كويسه و لا كلامهم فاضي ؟؟
أروى نمنكاني
2012-09-30, 12:12 AM
الا انا عندي كان رام كويس اسفدت في الطرق للحل
رنا$
2012-09-30, 02:04 PM
انا سالت اختي تقول على كلام البنات اخر ششي كان الخميس اللي راح :(
بس ان شاء الله يمديك
اعطوهم كتاب فيه نماذج الاسئله وسي دي وحاجات وشرحولهم كيف الاختبار وطرق الحل وكيذا :)

الله يوفقك حبييبتي!:)
المشاكسه الصغيره
2012-09-30, 07:35 PM
لسع ما رحت الدوره عشان احكم عليها الخميس الجاي أن شاء الله يجي سرايا
منو الحربي=)
2012-09-30, 09:58 PM
مشاكسة كيف سجلت بالدورة ؟؟
لانو انا كمان ابغى اسجل بس مو عارفة كيف
المشاكسه الصغيره
2012-10-01, 01:33 AM
رحت على مركز الامير سلطان دخلت في حرمه تاخد الاسماء والمبلغ وتعطيكي اليوم إلي يجي فيلو سراكي ورقمك في داكا اليوم وبس .. وتستني عافاكي الله إلين ما يجي سراكي و أنا سرلي استنى اسبوعين ودا التالت وأخيراً جا سرايا
امل خالد الحربي
2012-10-04, 01:21 PM
بنات طيب وين مركز الامير سلطان؟؟؟؟؟؟؟؟ وماهي الاشاء اللي لازم احضرها معي
المشاكسه الصغيره
2012-10-07, 09:16 PM
مركز الامير سلطان في الشرقية على ما اضن اسمها كدا المهم وما يحتاج تاخدي شيء غير شوية فلوس
رحت الدوره وأقدر أقول انها جيده ومفيده بستثناء بعض الأشياء إلي ما لأمها داعي وبس تضييع وقت لكن في المقابل في معلومات واستراجيات حل وخرابيط تانيه كتير جميله وتستحق الحضور لتلقيها .. وسأل عن التسجيل فيها ولا يزال مستمر
شنه و رنه
2012-10-10, 12:32 AM
شكراً على المعلومات مشاكسه .. :)

ع فكرا .. أعلنو في المدرسه عن دورة مجانيه اتوقع ع موقع في النت


.......
طيب بنات فيه أحد يعرف أسم كتاب للقدرات كويس ؟؟
Sara_95
2012-10-11, 12:55 AM
اروى .. ممكن تساعديني و تديني روابط التجميعات الي فادتكي ؟؟ لاني تايهه و خايفه من دا الاختبار بشكل مو طبيعي
شكراً مقدماً .. و الله ييسرلك كل عسير يارب :)
المشاكسه الصغيره
2012-10-11, 10:29 PM
شكراً على المعلومات مشاكسه .. :)
لا بالعكس ما ساويت شيء

ع فكرا .. أعلنو في المدرسه عن دورة مجانيه اتوقع ع موقع في النت
يب يب لكن ما ءأيد المجانيه لأنو ما يكون فيها ضمير لأنو ما من مردود على القائمين عليها
طيب بنات فيه أحد يعرف أسم كتاب للقدرات كويس ؟؟
أبلة الدوره مدحة " رام 2 " و " قبول 2 " وكم من كتاب تاني ما فحالي افتح الكتيب عشان احطها بس دي قالت من احسنها وانا اشتريتها شخصياً