نقاش هل السائق يأخذ مبلغ الشهر كامل مع الإجازه ( متجدد ) ؟

[ام مداد]

السلام عليكم ورحمة الله وبركاته
زي ماني كاتبه بالعنوان نبحث عن سواقين من المدينه لتحفيظ النخيل بشرط ماياكلون اموال الناس بغير حق يعني مو يقول تعطوني حق الاجازه وياخذ حق شهر كامل وحنا ماداومنا غير 14 يوم
معلمات التحفيظ عددهم 18 معلمه

[أبو جواد55]

راجعي الخاص اختي

[عادل الحربي العوفي]

اقوال انتي تقوال ما ياكلول اموال الناس بغير حق والمد 14 يوم طيب حلا عليك حرام علي غيرك انتي 14 يوم ماخصومه عليك الحكومه ثاني ان اني تقوالي الحرام والحلال انا لي حساب عند معلمات ولم يحسبواني الي الان
ويش تسمي هذا وبعد كذا ماغلطت عليهم واتصل علي زوجه ويش يقوال الاتتتصل ويقفل الجوال اوال كان يقوال حققك من عيواني والاحين الشكوي لغير الله مذله وبعدين نصيحه الي يقبل الخصام ما يستمركثير لكن يخشي عرض وبعد شهر يتركهم واعراف ناس كثير كذا وبعدين الي عنده حملت والا موسسسه هذاوالي هم الي يلعبون في الناس لاتخذاي موسسه والنخيل كثير عراضوا علي لكني رافضتهم ماهو كبير مني الاعيذ بلله لكن اعراف عنداهم مشاكل كثيره كا اسبوع في سياره والي كلمواني معلماتي الي نقلو الي النخيل ولكن فيه طيب وخبيث الحمدالله الذي اغني من فضله وتوضفت لكن الله يسر لكل مسلم ومسلمه واعذارواني علي الاخطاء الاملاء

[وهـ وهـ]

كيف حلال وحرام


الرجال يتفق با الشهر مو با اليوم لو اليوميه راح تطلع دبل الي ياخذه منكم عكس الشهر بس با الشهر اقل لكم وارخص لكم

وبعدين وانا اخوك ما احد حسدكم يوم تاخذون اجازه با الراتب وما احد قالكم ردو فلوس شهرين كامله ما داومتو با اي حق تاخذينهم


وبعدين لو تبين نحسب على مزاجكم كان طلعو و السواقيين بخساره


لو تحسبينها 7 ايام من شهر 10 راحت خصم
نص شهر 12 راح خصم والباقي با السياره
نص شهر 2 راح خصميه والباقي في السياره
شهر 8 ما راح ياخذ غير حق اسبوع


مو كفايه شهر 9 و10 اكل هوا
وبعض السواقيين ما جو لها الشغله لا بعيش عيالها وزوجته مو ينذل


المفروض منكم يا معلمات تساعدونه با اعطائه حقه كامل كل شهر منها اجر منها اجره



لكن ناس اعوذ با الله منها تحب تحسد الناس على لقمت عيشها وهم لقمت عيشهم اكبر واكثر منهم

[ام ريناد وخالد]

السلام عليكم ورحمة الله وبركاته
اعتقد ان اﻷخت طلبها واضح
ولاداعي للخوض في الحلال والحرام
وحسد وغيره
ولا تعليق على ردود اﻷخوان
لكن السؤال هنا لهم
هل تقارن خزينة الدولة براتب معلمة!!؟؟
وما يجهله اﻷغلبية أن المعلمة تصرف على نفسها وبيتها وأهلها فوق هذا كله
تحمل في رقبتها قروض بنكية!
ولازال البعض مما لديهم جهل بهذه اﻷمور
يحاسبها بقول//لقمة عيشهم أكبر واكثر منهم //
وحلال عليها وحرام على غيرها
لاتعليق أكثر من ذلك

[عادل الحربي العوفي]

انا اقوال الله يعين الطرافين لكن كم قلت بالاول الي يقبل بالخصام ميستمر
ومن نحية ضرواف المعلمه التي تقولينه اقوال ادعوه كله طمع في طمع
ولوحسبن خصم شهر عشره 7 10 الي 30 10 هذا بدايت الدوام يعني
اسبوع تطلعه السماء هذا طمع واضح تحسبي شي وتنسي اشياء وهذا الاشكاليه بس هذا السنه المعلمات السنواة الماضيه كان مايخصمن لو نصف شهر وبعد يخرابت السياره يساعدن في تصليحه لوجه الله الله يذكر الطيبن بخير وبعداين يجو يقوال نبي براك في مال كيف تجي البركه وهذا الاسليب
الله يصلح الحال لكن انا مني ضدا المعلمه والله العظيم ابي كل وحده بجنب بيته وبعداين زوجتي معلمه واعرف كل شي

[وهـ وهـ]

ام ريناد
عجبآ لك

شوفي موضوعها زين وهي الي دخلت الحلال والحرام مو حنا


واذا عندهأ قروض وها الصرفيات حطي السواق مكانها بس راتب مخصوووووووووم واكثر من شهرين جالس بدون راتب


عجبآ لكم يا معلمات الخصميات


مع تحيات سائق معلمات كره كل الشغله بسبب الخصميات

[ام مداد]

[quote=وهـ وهـ;802441]




وبعدين وانا اخوك ما احد حسدكم
واضح جدا والدليل




يوم تاخذون اجازه با الراتب وما احد قالكم ردو فلوس شهرين كامله ما داومتو با اي حق تاخذينهم

اذا حنا اللي سامحتلنا الحكومه ومعطيتنا برضاها تقول مالنا حق اجل وش تقول بالسواق اللي ياخذها غصيبه وماله فيها حق



وبعض السواقيين ما جو لها الشغله لا بعيش عيالها وزوجته مو ينذل

وحنا رحنا للتدريس رياضه مثلا والا فضاوة يمكن



لكن ناس اعوذ با الله منها تحب تحسد الناس على لقمت عيشها وهم لقمت عيشهم اكبر واكثر منهم
كلن يشوف الناس بعين طبعه والدليل كتابة يمينك

يوم تاخذون اجازه با الراتب وما احد قالكم ردو فلوس شهرين كامله ما داومتو با اي حق تاخذينهم

[ام الشهداء]

استغفر الله 00000كل من عليها فان

[باحثـة!]

بحكم إني معلمة فمن وجهة نظري المتواضعة :
إذا كان المبلغ اللي طلبه السائق معقول يُناسب المسافة اللي بيقطعها يوميا فليس من حقنا كمعلمات أن نخصم
لكن - وهذا واقع - اذا كان المبلغ المطلوب خيالي ، والمعلمات وافقن بحكم أنهنّ مضطرات فمن حقنا الخصم ..

ولا نستطيع التعميم
لأن في الطرفين ( المعلمات والسائقين ) من حالته المادية صعبة ويتحمل أعباء مصرفية عديدة ..
وفي المُقابل هُناك من هو مُترف وما تفرق معاه انخصم أو لا ..

[وهـ وهـ]

واضح جدا والدليل

الحمدلله كل ما اطلع من البيت اقول الله يرزقني ويرزق غيري واللهم ارزقني وارزق مني





اذا حنا اللي سامحتلنا الحكومه ومعطيتنا برضاها تقول مالنا حق اجل وش تقول بالسواق اللي ياخذها غصيبه وماله فيها حق

ما احد اخذها غصيبه انتي ركبتي السياره رضاك ولم يتم غصبك عليها
وانا قلت ها الكلام عشان احطك با موقف السواق يوم ينخصم منه




وحنا رحنا للتدريس رياضه مثلا والا فضاوة يمكن

اانا اقصد تحمل المسؤليه والهم من يوم يطلع من البيت الين ما يرد ل وحدهـ لبيتها وحامل حدود 8 ارواح با رقبته
وبعدين انا ما قلتل تروحيين فضاوه او ما شبهلها الكل راح يدور رزقه



كلن يشوف الناس بعين طبعه والدليل كتابة يمينك


انا جالس اقارنك واتكلم با تفكيرك الي ما ادري كيف



الا ممكن سؤال لو انتي مكان السواق اسئلك با الله ترضيين يجيك اخر الشهر مخصووووم عليك.؟.؟ او شعورك يوم تخصم عليك راتبك ومن الوزاره .؟

والله العظيم لو زوجتي مدرسه لغير كل سواق ياخذ حقه كامل او اي شخص






لكن ما اقول الا الله لا يوفقك يا عبدالله الربيعه الي خليتنا نظطر لها الشغله

[ام ريناد وخالد]

أتمنى أن يكون الحوار بالمنطق والعقل
دون تصيد للكلمات والردود المتعصبة

//



اللهم لا تجعل الدنيا أكبر همنا

[أوتار الحزنـ]

وعليكم السلام ورحمة الله وبركاته

بصراحه عني أنا مع أني توي جديد بهالشغله أخذ حق المشوار بس محسبها مع حق الاجازه يعني لو باقي 5 ايام اكملها بعد الاجازه وأخذ حقي

وبس حبيت اعرف من أخواني السواقين يعني انا كذا خسران بطريقتي ؟؟؟

[ام مداد]

عموما الله يرزق كل مسلم من واسع فضله

ولازال الطلب قائما

[ابوعزة]

السلام عليكم

طيب ام مداد ليش ما تخلين حساب السواق باليوميه واخر الشهر احسبي كم يوم وداكم .

بس كذا بتختلف الحسبة عن الشهر .

عالعموم انا اعرف واحد يبي يوصل للنخيل لكن بشروطكم هذه ما ظنتي احد يرضى يوصلكم .

لا تنسي ان اغلب السواقين سياراتهم اقساط .

يعني عشان احطك بالصورة احسبي ان كل سائق بيدفع من 5000 الى 6000 اقساط وبنزين وصيانة .

والله يمد بعمرك يا ام مداد وتشوفي السعوديات يسوقون , وتذوقوا تعب السواقه وتتعلموا دخول الورش

ومحلات الصيانه .

[ayman_314]

عموما الله يرزق كل مسلم من واسع فضله

ولازال الطلب قائما
السلام عليكم ورحمة الله وبركاته
اختي الله يرزقك انا معك في اذا كانت الاجازة اسبوعين ليس له حق
لكن اذا كانت الاجازة اسبووع يكون له الحق ان يأخذ حقه كاملا لان اسبووع مااتخارج السائق

وانا اعرف مقصدك انا مااحدث في شهر عشرة من السائقين
حيث ان الاتفاق بدأ مع بعضهن من شهر 14/10 الى اخر الشهر ويطالب بحقه كاملا
بصراحه هذ اخذ المال بغير وجه حق

وراتب المعلمه لاتقارن بخزينة الدولة
والله يرزق الجميع من واسع فضله

[ام الغالين33]

طيب وللي يعطيك كلمة ويحدد الراتب،،ويجي بعد شهر يزيد 300 وبعدها يزيد 300 تانية،،هدا اش تقولو عنو
استغﻻل وﻻ. ايش،،

[ابوعزة]

يمكن تضخم !!!!

ويمكن الرجال يتبع الأسعار الملتهبة بالبلد . ومتابع لانخفاض الدولار .

على العموم أنا ما اشوف ان له حق يزيد 600 ريال خلال شهرين ،ممكن الزيادة الاولى تعدي نقول الرجال ماحسبها صح لكن الشهر الثاني يزيد كمان !!!!


على العموم كل شي اصبح أغلى من اول الا ذمم الناس وضمائرها كل مالها وترخص .

يلا اقلها شي في هالبلد قاعد يرخص



سبحانك اللهم لا اله الا انت أستغفرك وأتوب إليك *

[wleed3]

على حسب الاتفاق مثلا لو كان الاتفاق على الف ريال في الشهر يقسم على 30 يوم لان الاتفاق بالشهر

[ابوعزة]

أنا ما اقول الا الله يقلعها هالشغله لان فيها شغل مع حريم

وربي طلعت والا نزلت تضل حرمة


وانا ما اقول الكل لكن الغالب


كل يوم برأي وكل يوم بقصة وموال *

[غدوو 2003]

والله انتم يالسواقين حراميه بالذات سواقين المعلمات
تخيلوا سواق كان ينقل معلمات وطالبات وكانت الكليه والمدرسه جمب بعض
ياخذ ع المعلمات 1200 والطالبات 500 ريال مع ان مشوارنا واحد وكلنا نجتمع في مكان محدد

وفوق هذا لو يمر من الشهر يوم يقول هات حق الشهر كامل يتعامل معانا كأننا حكومه
تخيلوا ركبنا معاه من 20/10 ولما خلص شهر 10 قال هات حقي بس في 10 ايام واعطيناه حقه وزعل قال يبي 1200 حق الشهر كامل
عرفنا وقتها انه حرامي ونصاب وسحبنا عليه كنا 4 معلمات كل وحده 1200 بس الطمع يضيع ماجمع ماتحمد الله ع النعمه ففقدها

[أبو جواد55]

معليش اخت غدو مو كل السواقين زي ما تقولي ،، اصابع يديك مو زي بعض ،، فاليت ما تعممي ،،وبعدين هو باخذ من طالبات الجامعات 500 لانهم طالبات مو موظفات ،، وما عندهم غير المكافاه ،، وانا ما اقول كلامي ذا دفاع عن السواق الي كان يوصلكم لا والله بس تكلمت بجزء بسيط الي هو يخص الطالبات ،، وانا معاك في الجزء الباقي ان السواق ما ياخد الا حق الايام الي وصلكم فيها طبعا خميس و جمعة تكون محسوبه اما الإجازات الباقيه لأ مو محسوبه ،، بالنسبه ليا انا هذا طريقتي مع المعلمات اذا وصلتهم بالشهر 10 ايام مثلا اخذ حق العشر ايام بس ونفس الشي اطبقه مع الايام الباقيه سواء زادت او نقصت ،،

وموفقه خير بأذن الله وانا اعتذر اذا قلت شي يزعل او يجرح ،، بس هذا هو الواقع و الكلام المعقول ،،