النقل للمدرسة 19 [الأرشيف] - منتدى التعليم توزيع وتحضير المواد الدراسية

Rose9

2012-07-02, 10:38 AM

أروى نمنكاني

2012-07-03, 07:12 PM

السلام عليكم و رحمه الله ..
انا ساكنه برا المدينه و بنقل للمدينه السنه هذي ان شاء الله ، طبعا انا طالعه اولى ثانوي نظام مقررات
و ما عندي فكرة عن المدارس في المدينه بس شفت المدرسة 19 في المنتدى و عجبتني ..
بس كنت بسأل هي اهلي ولا حكومي :| ؟
و فين موقعها ؟
و كيف الدراسه فيها من ناحيه النظام و المعلمات و الاداره ؟
اشوف كثير في المنتدى حابين المدرسه بس قريت رد لكم وحده ما يشجع اني اسجل فيها :(
فساعدوني و عطوني ارائكم و شكرا ..

وعليكم السلام ورحمة الله وبركاته
اولا اهلا وسهلا نورتي المدينة
شوفي هيا مدرسة حكومية
نظامها نظام مطور من أولي تراكمي يعني كل ترم تاخدي 7 مواد
اول شي اعرفك بنفسي أنا طالبة اتخرجت هدا العام من قسم العلمي والحمد لله كانت نسبتي حلوووة
شوفي اي نظام مطور يعتمد على الجهود الفردية هدا خلااااصة الكلام يختلف بين كل طالبة وطالبة واجتهادها وذكاءها وقدرتها على التكيف والمرونة على تقبل الواجبات والمشاريع
وترى دايما اول سنة تحسي نفسك تايهة وصعب النظام عشان ما تعودتي عليه بس بعد كده انتي تمشي النطام خلاص تعرفي كل شي عنو تعرفي ايش حتسوي باقل جهد تشغلي عقلك بدون اي تكاليف
اما بالنسبة للمواد اخلي المجال للبنات لاني انا درست الكتب القديمة الجديدة البنات أعلم بيها>>>
بس حطي في بالك مو اسهل من العام لان المواد دسمة
انا من جهتي بالنسبة للمعلمات الحمد لله كنت اعاملهم زي كانهم امهاتي الكل احبهم الى الان تعرفي الشرح لابد من ظهور قصور في بعض المعلمات ولكن الحمد لله اسألتهم مافي شي تعجيزي الاغلب سهل وانتي اسستخيري حبيبتي والله يكتبلك الخير
اتمنى اني افدتك ولو شوية
وبالتوفيق

ترانيم العزوف

2012-07-04, 02:10 PM

انا اقولك مررررررررررا لاتدخلـــــــي التاسعه عشر ابدن
تبي نظام مطور روحي الرابببببعه بالمدينه المنوره جدن جميييييييييييييييله

أروى نمنكاني

2012-07-04, 11:55 PM

ممكن الرابعة كمان هيا في المصانع انا اعرف معلماتها درسو اختي وصحباتي فيها لانها تابعة لمتوسطتي هيا دحين طبقت النظام سنتين اول دفعة السنة الجية يتخرجو من المطور ،، ما ادري معلماتها يقولو كويسين ،،،
استخيري واستشيري

Ra3’ooda

2012-07-08, 05:42 AM

شوفي يا أختي ,,
بالنسبة للمعلمات عاادي زي كلل مدرسة في الطيبة العسل,, وفي البطالة ,,,>>وهذا كللهـ يرجع لشطارتكـ و سلوكك ونشاطك في الحصةة ,,,

بالنسبة للمواد : ماهي سهلة ابدا !! دسسسمة طوووويلة ,, في الدروس الصعبة و في الموووويهـ ,,وهيا نفسها اللي يدرسوها النظام العادي بسس <الأحياء مثلا> إحنا اخذناهـ 8 فصول و العادي 4 ,,,,’’

طبعا تقسيم الدرجات غييييير 50 اعمال سنة و 50 اختبار نهائي ,, والمادة اللي تاخذيها الفصل الاول ماتاخذيها الفصل الثاني ,//

أنصصححك اذا كنتي لعااابةة و ماتحبي تذاكري و غياااابة لا تدخلي ال19 أو لاتدخلي المطوور بكبرهـ !!

استخييري الله و شووفي ,, واذا حابةة عادي ادخلي اول سنةة مطور اذا مشيتي و عجبتك كملي و اذا درجاتك ماهي حلوةة سنة 2 انقلي مدرسة نظامها عادي..,,,

تقبلي مررروري <<اتمنى لك التووفيق //:

عصفورة جريحه

2012-07-09, 12:40 AM

البنات كفوا ووفوا ، الله يعطيهم العافية

اتكلم عن نفسي ، عموما اول ثانوي تقريبا ماهي سهلة

النظام العام 18 مادة صح انها على ترمين وحلوة ، ونحن 7 مواد في الترم طويلة ودسمة قليلاً ويبغالها تركيز بس في النهاية لو ركزتي بتكون سهلة واسهل من العام

وممكن تتعمد على المعلمات وتسهيلهم بعد الله ، حتنضغطي في سنة اولى مررة وتكرهي نفسك في ايام

وايام محا يكون عندك شي وتحبي المطور ، واحلى شي في النظام تقريباً مواده الجميلة بعض المواد جديدة وماعمرك درستيها وما هي في العام زي التربية الصحية النسوية والمهارات الحياتية والمهارات الادارية .... وكتب حلوة كتيير والمشاريع لما تفرحي بإنجاز سويته بيدك

اذا نفسك في المطور ادخليه وجربي اولى محا تخسري حاجة مايأثر عليكي لا في درجات ولا في شي ، اذا عجبتك كملتي لتاني وتالت

واذا ماعجبتك انقلي نظام عام ومحا يأثر عليكي في شئ وحتتأقلمي ان شاء الله

وانصحك دايماً بالاستخاره فوحده ربي من ييسر الأمر بما فيه الخير لكي

والله يوفقك لكل خير ، ويسهلك أمرك ، ويرزقك ماتتمنين ويكون به خير