بليز ادخلووو مقهورة

[المقهورة]

السلام عليكم ورحمة الله وبركاته

بسم الله الرحمن الرحيم

انا ابغى اتكلم في موضوع واتمنى الكل اللي في نفس مشكلتي انهم يشااركوني

انا طالبه منتقله من المتوسط الى الثنوي ولحد دحين ما قبلووني ليش للاسف عشاني مو سعوديه

طب ولو مو سعوديه قالو ندخل اللي بتقدير ممتاز انا تقديري ممتاز
ومادخلت

ابغى اعرف مو حرام اللي قاعدين بتسووه فيناا

احنا مو مسلمين زينا زيكم
لي تفرقووو وتعطيلوونا على دراستناا

وتحطموونا

والله حراااااااام حراااااااااااام

لي ماتحسوو فيناا ؟

ليش تسوو كداا؟

ليش العنصريه؟

انتو تقولووو احنا نعمل بسنة الرسول صللا الله عليه وسلم

طيب في عهد الرسول ماكن في شي اسمو جنسيات

مو حرام تماطلوو في الناس
والله احنا مانسامح في اللي ما خلانا ندرررس

منعنا من الدراسه بسبب تافه

واحنا متأكدين الملك عبد الله حفظه الله مايعرف المشاكل هادي

لو يعرف مايسكت

بس للاسف مايقدرووا يوصيلولو معناتناا

الفلسطنين بيتحاربوو مع اليهود معذورين

واحنا نتحارب مع مسلمين زينا وعرب زينا

لي كدا لي ؟؟؟؟؟؟؟؟؟

من اول يوم بدأت الدراسه و احنا كل يوم نروح للشؤون نشوف
وهما يصريفوونا وكل يوم يقولو بكرا تعالوو لمتى واحنا كدا

لمن تخلص السنه

والله في دولتناا انو مافي كداا بالعكس الضيف يكريمووه وعنده اولويه عن المواطن

يكفي جامعه ماندخل حتى التنويه

والله حراااااام

واحنا والله مانسامح واحد ساهم في تعطيلناا

والله مانسامحه

واتمنى انكم تتناقشوو معايا في الموضوع

وتعطوونا أرائكم


بليييييييييز انا مقهووووووووورة انا نفسي اخلص بس التنوي

والله مقهووووووووووووووووورة:(

[طالبه ربي]

اهلا بك اختي "المقهوره"
ممكن اعرف انتي بأي بلد من السعوديه ساكنه؟؟
لأنوا لو في المدينه الصراحه الى الآن قد ماشفت وقعدت مع بنات مو سعوديات الا انهم كلهم يدخلوا زينا زيهم اذا الوظائف يبدو الأجانب او خليني اقول الغير سعوديين علينا؟؟اجل كيف المدارس؟؟
نص مدارسنا غير سعوديات وكثيريين جدا جداااا وبالعكس يقبلوهم مااعرف غريبه حالتك والله ؟؟ حتى الجامعات تقدروا تدخلوها بس طبعا برسوم

يعني معليش انتي مقهوره انوا مادخلتي الثانوي ويحقلك انك تكملي دراستك اما انك تقعدي اتقولي "
ليش العنصريه؟

انتو تقولووو احنا نعمل بسنة الرسول صللا الله عليه وسلم

طيب في عهد الرسول ماكن في شي اسمو جنسيات

مو حرام تماطلوو في الناس
والله احنا مانسامح في اللي ما خلانا ندرررس"
كل مسلم يعمل بسنة الرسول صلى الله عليه وسلم مو بس احنا السعوديين اللي مسلمين

حتى احنا مانسامح اذا كان عندنا شهادات بمقدار شهادة شخص غير سعودي ونلاقي الأولويه له ليش؟؟لان الغير سعودي افضل من السعودي بكثييييير من غير اي اساس او بسبب العقليه المحفوره بعقول الكثيير ان السعودي طفران وكسول ومايرضيه اي شئ <<على اساس انوا فيه تحته كنز
واحب اقولك انوا احنا بنات السعوديه نفسها مو قادرين ندخل جامعات بسبب عقبات كثييره جدااا والتكدس الفضييييع الموجود في الجامعات هذا غير وجود الأميين الى الآن للأسف الشديد جدا جدااااااا بسبب اشياء كثيره جدا اما الأسره نفسها من عقلية اول ان البنت تقعد في البيت لاتتعلم ولاشئ والرجل هو فقط اللي يروح ويتعلم ويحصل على اعلى الشهادات واسبااااااااااب كثيره جدا جداااااااااااا

الله يوفقنا وياك يااارب وان شاء الللله تقدري تكملي الثانوي والجامعه كمان
بس حبيت اقول رأيي
شكرا
طالبه ربي

[سعيد الأحمدي2]

اختي اولاً الله يوفقك

ثانياً بالعكس مافيه تفرقه عندنا

والدليل

ادخلي على جميع اقسام المنتدى وخاصةً قسم الخريجين

بتشوفين ناس كثير وبنات كثير ما تعينوا اللي لها سبع سنوات واللي لها عشرة

فيه شيء يفرق عندكم وهو

الحين لو تروحي تقدمي في اي شيء خاص

سواءً مستشفى أو مدرسة أو غيره

راح يقبلونك انتي

ويتركوا السعودية

طبعاً هذا تفكير سائد ومعروف

عشان كذا الله يوفقك اخيتي لما يحبه ويرضاه

لا تيأسي

[ابومودة]

اختي الكريمة

اغلب مدارسنا فيها من جميع الجنسيات العربية

طيب بالنسبة للتسجيل الأن يكون بشكل آلي يعني ان الملفات تنتقل من مرحلة الى مرحلة عن طريق المدرسة
يعني المدرسة الابتدائية تنقل ملفات الصف السادس الى المرحلة المتوسطة وايضاً المتوسطة تنقلها الى الثانوي
حسب الطبيعة الجغرافية
انت اختي ليش استلمتي ملفك !!!!!!!!!!!!!!!!!!!
وصدقيني روحي زوري المدرس تجدي طالبات اجانب كثيرين .
وايضاً وزارة التربية والتعليم جعلت هناك نسبة معينة للأجانب في كل مدرسة يمكن المدرسة اللي قدمتي فيها تعدت النسبة !
راجعي المديرة واعرفي السبب.
واذا غلب امرك اذهبي لمدير التربية والتعليم للبنات بالمدينة.....وثقي انك ستجدي الحل .
اتمنى لك كل التوفيق

[المقهورة]

اولا شي برد حلى اختي رضا ربي

اختي انا من المدينه

وانتي تقولي حالتي غريبه حالتي مو غريبه
مو بس انا لحالي كل صحباتي

وادا تبي تتأكدي روحي وشوفي شؤون الطالبات
وربي ناس تقطع القلب وربي الكا..... لو شافهم يحزن عليهم

تتطلبي انها تسجلك وتطرد من المكتب كأنك في بيت ابوها قاعده

تانيا توقولي مو عنصوريه الا عنصريه ونص

كيف مو عنصريه ولمن تعرف انك مو سعوديه تقول لا ادا منتي سعوديه مستحيل اسجلك

هادي ايش اسمها مو عنصريه

وانا اشكرك على رأيك

تسلمي كلك ذووق

[المقهورة]

اشكرك اخوي سعيد على الرد

كيف مافي تفرقه ولمن تروحي تقلك منتي سعوديه لا تجي خلاص

باللهي هادي مو تفرقه

بس ما اقول غير حسبي الله ونعم الوكيل

والله ينتقم منهم

يسلمووووو

[المقهورة]

اخوي ابو برمووداا

ادري ان المدارس هيا المسؤله عن نقل الطالبات
وهم بس ينقلو السعوديات

وانا ما اخدت ملفي ملفي معاهم بس هما ماطلعوو اسامينا كل يوم يقولوا بكرا تطلع الاسمااء

واللحين راحت علينا تلات اسابيع

وابدا لا تقولو مافي تفرق انتو عشانكم سعوديين ماتحسوو

بس لو تجيو تشوفو راح تحسوو
وتشوفو انو المديرات يطلعوو حريم يبكووو

وتتطردها من المدرسه وتوقلها لا عاد اشوفك هنا
باللهي هادا اسلووب

وربي الحم........ مايسوو فيهم كداا

واحنا مانرووح بنت ابوهم نتراجهم هادا حقناا

وانا ما قدمت في اي مدرسه انا قلت لهم اي مدرسه ماححدت المدرسه ومو معقووله
انو كل المدارس مليانه لدي الدرجه وانا الحمد لله ممتازة ومن الاوائل
والله ييسر امرناا

وربي ياخد حقنا منهم وورينا فيهم عجائب قدرته


وانا ابغى بس الصحافه ترووح لمكتب الشؤون وتشوف ايش قاعد يصير

وربي لو كا...... يحزن باللي قاعد يصير

بس للاسف محد داري عن الناس



ومشكور اخوي على الرد

ودي

[ريان الوسمي]

لاحول ولاقوة الابالله

انا افضل انكي تروحي تشتكي بوزارة التربيه والتعليم واكيد انهم بيساعدونك اختي المقهوره

واختي المقهورة مو بس انتي الي تعاني من هذي المشكله والله فيه سعوديات بيعانون كمان

بس انا اول مره اسمع ان الملف حق الاجنبيه ماينقل لمدرسه ثانيه ..!!!

على العمم بالتوفيق

[lmys]

وابدا لا تقولو مافي تفرق انتو عشانكم سعوديين ماتحسوو

بس لو تجيو تشوفو راح تحسوو
وتشوفو انو المديرات يطلعوو حريم يبكووو

وتتطردها من المدرسه وتوقلها لا عاد اشوفك هنا
باللهي هادا اسلووب
ياختي اش هذا الاسلوب هناك شروط واسس علينا اتباعة في المدارس في الديوان في مكتب العمل في كل شي شوفي الموظفين اكثرهم اجانب ولا احد قال شي الله يسهل امورك وامور ي على خير

[ابومودة]

اختي المقهورة اتحفظ لبعض الالفاظ التي تكتبيها ( كفا.....,الحـميـ.... , ....) ( تم حذها من مشاركاتك )
ويوجد كلمات افضل منها وخصوصاً انت ِ انسانة متفوقة علمياً واكيد قبل كل شيءمتربية احسن تربية

توجهي لمدير التربية والتعليم للبنات كما قلت لكِ سابقاً
انا بصفتي مدير مدرسة اقبل جميع من ينقل الى مدرستي الياً
واي طالب يسكن في محيط مدرستي اقبله مهما كانت جنسيته مع مراعاة النسبة المئوية بين اعداد الطلاب
السعوديين والاخوه المقيمين العرب طبعاً مع الاخذ بعين الإعتبار ان الاولوية في الطلاب الجدد او المنقولين الى مدرستي بسبب ان سكنوا جديد بالحي للسعوديين لأن هم اولى مع احترامي وتقديري لكل عربي .
ولكِ خيار اخر اختي الكريمة وهو المدارس الأهلية ح يقبلوكِ على طول
لكِ تحياتي

[المقهورة]

مشكور اخي برمودا على الرد

اهل راحو لمدير التربيه بس ماسوى شي

بس يوم السبت راح نرووح ونشوف

وان شاء الله خير

جزاك الله اخوي
وجعله في موازين حسناتك

[~~احلى بنوته~~]

انــآ من المدينه’ـآ وبمدرسه جــدا جميلة إسمها طيبه الطيبه.>> :rolleyes:
في الفييصليه الحي جــدا راقــي..والمدرسه جــدا جميله..

اناا لـآ اوؤد ع التفرقه وإنتي اكيد رحتى مدارس زحمه عشان كدا ماقبلوكي لكن تعالي فطيبه الطيبه المدرسه جمييلة ;)
اناا بإنتظـــآركـ اناا 2 تـآنوي

ولكمـ مني ولوطني ـآجمل تحييه..

فديييييييييييييييتكـ..KSA

[ombador]

الله يكون في عونك

[أنثى المطر]

معليش أختي دآم أنك مو سعودية روحي أدرسي ببلدك أفضل

والله احنآ مو نآقصآت مو سعوديآت يآخذن وظآيفنآ ومع الاسف هذا اللي حاصل و بالعكس

انتم مكرمينكم ياللي مو سعوديات ع حسابنا لآ تقولي ماقبلوكِ جربي مرة ثانية و بتنقبلي

مع الاسف ببلدنا اللي مو سعودي حقوقه ماشييييييييييييييييييييية ..

وتعظيم سلآم للقصيبي جعلك ماتتهنى ..

[المذهله]

غريبه اختي جميع الدول التدريس عندها للاجنبيات بالفلوس معدا المملكه العربيه السعوديه الوحيده الي ماعندها عنصريه من هلناحيه الله يعزها ويعز ملكها
والله لو ترحوي اي دول ثانيه انك تتمرمطي كل شي بفلوس
وحالتك هاذي ماهي عامه
يعني ممكن بعض المديرات يتصرفو مثل هذا التصرف لسبب معين يمكن زحمه
اوعدد طالباتهم كبير
موشرط عشان اجنبيه او غير
اليوم جت ام سعوديه ومعاها بنتها بثوب المدرسه والله المديره اعتذرت منها وقالتلها ماعندنا مكان

اسمحيلي بالنسبه للتدريس مافيه عنصريه يمكن في حالات خاصه لاكن ماينفع انك تعممي
انتي وسعي دائرتك ابحثي في مدارس بعيده موشرط تكون قريبه من السكن

اتمنى لك التوفيق

[طهر الطفولة]

اختــي ... جعل ربي لهمك مخرجاا ...

لاتيــأسي ابداا وحااولي وربي يســاعدك .. :(



انا نقلت لمدرسه مو في الحي اللي انا فيه وربي في البدايه ما رضيوو

يقبلوني ومع الاصراار دخلت ..

ربي يســاعدك ويوفقك ..

دعواااتي لك ..

لا تنســي طمنينا ايش يسيـــر .. اوك ;)

[المقهورة]

اشكركم جميعا على الرد

واقول لانثى المطرر
انتي اثبتي العنصريه

ولو انتي قلبك ابيض ماقلتي دا الكلام

انا ماراح اقولك دحين شي
بس كلمتك هادي اتكريهاا جعلك ماتتهني

حيجيكي يوم اسود في حياتك وتدكري انك قلتي هادي الكلمه لوحده ماتعرفيها

اصلا المطر ماينزل منكم انتوو قلووبكم المليانه حقد على خلق الله

حسبي الله ونعم الوكيل عليكي

الله ينتقم من امثالك

[نجمة المساء]

حسبي الله ونعم الوكيل

[ام شهوده]

مح احترامي الشديد لك اختي بس احس مدارسنا اكترها اجانب مااعرف انتي ايش حالتك يمكن جيتي بعد انتهاء فتره التسجيل او مامعك حسن سيره وسلوك او اي شي اخر وانا اعرف انو اداره التعليم بتخصص عدد لكل مدرسه وفي مدارس تكون للاجانب اختي ليش مغلبه حالك ادخلي مدرسه خاصه وريحي دماغك وكدا ماتروح دراستك عليك

[اوائل]

بسم الله الرحمن الرحيم السلام عليكم ورحمة الله وبركاته
أختي المقهورة أسأل الله الاحد الصمد الذي لم يلد ولم يولد ولم يكن له كفواً أحد أن يفرج كربك وكرب كل مسلم وأن يسهل أمرك وتتسجلي وتتابعي دراستك وتتخرجي وأوصيك الدعاء اللهم لاسهل الا ما جعلته سهلا وأرجو منك ومن والديك عدم التهاون بشأن الدراسة وأن تستمروا بالمحاولة والتكرار والاصرار حتى تتسجلي انشاء الله ولك منا الدعاء بظهر الغيب والله الموفق.

[!^_^!]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

أختي المحترمة المقهورة

ما سجلت في المنتدى إلى بعد أن قرأت ما خطته يداكي

عزيزتي أنا من جنسية سعودية في الصف الثاني الثانوي

في مدرستنا كتير أجانب ..... لكن ما أدري ليش تشوفي الأمور من وجهة نظر واحدة

بالعكس إحنا السعوديين بنعاني كتير من البطالة والوظايف عندنا قليلة لمن شايفة إنوا السعوديين ظالمين ومايخافوا الله وما يتبعوا الرسول صلى الله عليه وسلم ليش ما درستي في بلادك مع أحترامي لكن هذا الكلام العقلاني أما تجي وتتكلمي عننا بهالأسلوب وهالطريقة ما نرضى الحمدلله الكل يحسدنا على كل شي ليش عشان كل سعودي عندوا بير بترول أووو صح كمان عندنا في السعودية مافي فقراء هادا غير عيالنا ماشا الله ما عندنا ولا أجنبي متوظف كل الوظايف مدخرة لأبنائنا إنتي تقولي حرمناكي من الدراسة طيب حتى إحنا محرومين من الوظايف محرومين بسبب إنوا الأجانب ما يلاقوا وظايف في بلادهم يجو بلدنا يتوضفوا وإحنا أحق لأنها بلدنا ترابنا وتراب اجدادنا كلامي مافيه شي يزعل وأعتذر لو قلت شي لكن الإساءة والتجريح لا يرضى به أي مسلم

سعودي وأستبق إلى الغايات منطلق*** وفخري اليوم إيماني بغير الله لا أثق

[روحي تحبهـ]

غاليتي المقهووورة يا بعد كل السـ ع ـوديين

داام هذا أسلوبكـ بالحكي عالسـ ع ـوديين فتأكدي انو احد اسباب عدم قبول ملفكـ ..

واذا جيتي تتكلمي ثاني مره عالشـ ع ـب السـ ع ـودي إنتقي أجمل وألطف العبارات لآنهم تاج على الراس ..

موفقهـ خيتوو ..

[الأستاذ/بندر اللقماني]

موضوع يجب حذفه وعدم النقاش فيه نهائيا
والسبب (تعدي المقهورة على أعضاء ومشرفي المنتدي بكلام غير لائق)
سبحانك اللهم وبحمدك أشهد ان لا اله الا انت استغفرك واتوب اليك