يـ الراحلـين هناگ عني , خذوني !..

[* عادي *]

بسم الله الرحمن الرحيم ,

السلاام عليكم ورحمة الله وبركاته ..

مسائكمـ أدفا ..

بعيداً عن المقدمات :)

مساحة خاصة ,

سـ أتواجد بها ..

كل ماإحتجت لـ الحياهـ ..
والهدوء ..

[* عادي *]

وسالت ..!

دمعتي وانتي .. بعـيـدهـ ..

وحيد ..
وداخلي ( انتي ) الوحيدهـ ..!

أحاول أگتبگ ..
( بدموع ) عيني ..

يطيح الڪون !..
ماطاحت قصيدهـ ..!

وأبلل هــ الـورق ..
وآخـاف تـغـرق ..

حروفڪ ..

في ( ألف بائي ) البليدهـ ..!

وآمـد ..
يدين ( خفّـاقي ) وأنـطّر ..

وأنا ادري ..
خافقڪ مامد ّ .. إيدهـ ..!!


وأحاول ..
أگتم انفــاسي لأنّي ..

أخاف الصدر ( يزفرڪ ) بنهيدهـ ..!!


.

[* عادي *]

هذا أنا ..
وحدي !..
وگنّي بدووني ..

ارگض مع هالناس ..
أبحث على ناس ..!

ياگثر ..
ماشافت ملامح عيوني ..
لگن ولاشافت أثـر .. لـ أيّ احساس ..!!


يـ الراحلين هناگ عني ..
خذووووني ..

مليت أقطف ..
من شجر آهتي ياس ..!

اگبر وتگبر ..
بـ المسافة ظنوني ..
وأگـزّ خطوة امنياتي بـ ( لاباس )

وارووح ادوّر ناس ..
داخل عيوني ..
وألقى عيون ٍ ماسگن جفنها ناس ..!!

[* عادي *]

أتعلم ..

لـ أيّ درجة أحببتگ ..؟؟


لـ درجة أنّي ..
لم أستخر الله بگ يوماً !..


خشية أن تگون شراً ..
فـ يبعدگ الله عنّي ..!!


::

[* عادي *]

:


اللهُمَّ , إغفر وإرحم لمن إشتاقت إليهم أرواحنا وهم تحت التراب ..
ربي إرحمهم واغسلهم بالثلج والبرد وادخلهم جنتگ ..


يا الله ,

:

[* عادي *]

سارة تقول :
إن المدى ماهو مدى !..
وإن الصدى موت وأفول !..


سارة تقول :
إن الهوى مثل الهوى !..
ماله ملامح أو فصول !..


سارة تقول :
محتاجه فـ عيونگ أنام !..
بقّهر .. عصافير وحمام ..
ولاجيت ترحل في سلام ..
أرحل .. ولگن ..
لاتقول !!..


سارة وطن ..
لـ الأغنيات ..
لـ الريح .. لـ الما ..
لـ الحياة !..

لـ الحزن في وجهي أنـا !..
لاضمّ أجفاني ..
وبات !..


سارة ..
على الحزن السلام ..!!
ماعاد ياسعني حزن ..
مل ّ الشفايف هـ الگلام !..
ملّت صحاريي مزن ..


سارة ..
أموت !..
لاجيت بـ احضانگ أموت !..
وحدي بـ علّم هالحياهـ ..
شلون موت يغيظ موت ؟!..





وحدي وأدوّر ..
عن دفا سارة .. أغانيها معي !..
يمگن اشوف انسان مو ( مثلي )
ولايشبه أحد !..

أجي معاي الصمت , ماغيره ..!
وأناديها : اسمعي ..

وتقول : لاتحگي ..
أنا محتاجه أسمع لگ بعد !!..





الليل , ليل اليباس وصمته أنواره ..
ياصدر افتح ضلوعگ خلّها تهبّگ !..

أنفاس سارة ..
مدام إن ( حـبـّتـگ ) ساره ..

تشعر معاها ..

بأن العالم تحبّگ ..

:

[* عادي *]

:


أنتظرگ دائماً ..!!

رغم إيقاني بعدم حضورگ !..
إلا أن شعوري بالذهاب هگذا يؤنبني ..!!


سـ أبقى هگذا ,
انتظر حضورگ حتى تغفى عيني عن الدنيا !..


:

[* عادي *]

يابن آدم ..

إذا ضاقت بك الدُنيا فـ قل :

( يا الله )

.

[* عادي *]

السنين ..
لا حساب ولا أنين ..!!
هي مجرد جرح حيّ ..
من يحاسبها ؟!..
ومن يقدر يفاوضها على صوت الحنين !!..


السنين ..
لا حياهـ بلا ثمين ..!!
لا مغارة صبر لا معنى ..
ولا فوضى أمل ..
بترد عابر من متاهات الونين !!..


السنين ..
لاشمال ولا يمين ..!!
قاطرة من دمع ..
والسگة عراها وثّق الخطوة ..
نسى بالدرب حلم الساگنين !!..


السنين ..
لاتعين ولا تلين ..!!
مطرقة من حلم والمسمار نبض ..
وروحي القشرا خشب أبيض ..
نساهـ العقرب الملعون في شارع حزين !!..


السنين ..
لامواني وسط طين ..!!
والمدينة حبر ..
وضلوعي حرس ..
والشوق ثاير گل حين !!..


السنين ..
لاطليق ولا سجين ..!!
لا جسد حالم وهو ظالم ..
وهذا الليل يشبه له ..
ويشبه ثورة الغيمة إذا مرت بروح العابرين !!..


يا أمير النبض ياعطر المدى ..

هاتگ معي ..
نسهر على فوضى الخيال ..
الممتلي ضي ومطر ..
أو هو سفر !..
مدري ..؟
ولگنَ الأهم انگ معي ..
في داخلي تسهر ..
ولو صوتگ غياب ..
وگل ماحولي غياب ..
ولا حضر غير ..
( الحنين )


,


الحنين ..
اللي على باب السنين ..
في يدينگ يحتري گلمة تعآال ..

واقف لحاله ..
على رمله وطين !..
يبني الأحلام بگفوف المحال ..

گل ماقلت ..
ابتعد يگفي أنين ..
قال بدري ماسقيت الما وصال !..

السنين ..
حصون وحصونگ تلين ..
مثل مالان المطر والسيل سال ..

غيمة الأحزان ..
صبح بدون عين ..
وعين صبحگ مالقيت لها مجال !..


الصباح يموت ..
لا مات الحنين ..
والنهار بلا مطر حزن الليال ..!!

[* عادي *]

http://www2.0zz0.com/2011/05/28/05/655548339.jpg

أگتبي ..
علّ السنين اللي تجي ..

لا قرت في دفترگ ..
وش گثر ضاع ؟..

تأخذگ ..
من موج بالدمعة ..
لجي ..!!

لـ الفرح ..
والبسمة اللي ما تلاع !..


نرتجي ..
مدري وش اللي نرتجي ؟..

يمگن إنــّـا ..
ننتظر وقت الوداع ..!!


ياحزينة ..
لو قريتي منهجي ..
گم رغيف من ( الحزن ) يمگن يباع ؟؟

هو يجي ضحگ وفقر ..
وإلا مايجي ..؟؟

ياحزينة ما لبعض الحزن ..
داااع ..


,

[* عادي *]

ها أنا أقف ..
وخلفي گلمات تدفعني ..
للخروج من باب الصمت ..

تُلبسني ثياب الگلام ..
وهي لاتعلم بأني لاأفقه إلاّ ,
لغة السگوت ..!!

ترمي ببعضي هنا ..
وترمي ببعضي الآخر هناگ ..!

وأتجرّد من هذا الإنسان ..
القابع في جـنـبـات روحي ..

وأجدني أنطق بــ :

أنا الإنسـان ..

أنا الذي سگن الحنينُ بروحهِ ..
وأنّت لآهاته ِ الأزمان !..

أنا الذي ظنّ الزمان بـيـقـيـنـه ..
وظنّ يـقـيـنـه بالزمان !..


أنا الذي قد قال حين تأوهـ ٍ :

( لاترجموا الألعاب ويح طفولتي )

إني وهبت الريح للأوطان ..!
إني وهبت الصُبح للأجفان ..!!

أنسيتم أنني رجل ٌ..
بداخله طفل ٌ..
بداخله إنسان ..!!؟




وأجدني أنجذب لـ طيفها ..
الذي مرّ على روح ٍخاوية !..



وأنطق بــ :

أنا حبيسگ ِ في الظلام ..

مالي أراهـ ُ مقيتاً ..!
ومالي أراهـ يخيط فـم الكلام !..

مالي أرى الفراغ ممتلئ ٌ بروحي كالزحام !!..
ومالي أراگ ِ لاتزرعين الصبح فوق مسافتي !..
وانا الذي أهداگ ِ الحمام ..

وأنا الذي أخذ الزمان عيونه ..
حتى لايراگ ِ !..
وحتى لايـنـام !!..



وأجدني أتسگع في ممرات الصمت ..
وأستجديها لأن تنطق بــ گلمات ..
فــ يجاوبني .. صوتها ..

لـ يـقـول :

( كلُ من عليها مات )


( كلُ من عليها مااات )

[* عادي *]

يمّـه ,
هنا حنين ياگبر گبرهـ ..
أگبر گثير من الحنين وطواريه ..

جـبـتـگ قـصـيـد وهالقلم ضاق حبرهـ ..
من وحشتگ والبعد مااثقل خطاويه ..

ضميت لگ ,
والقلب عطشان صبرهـ ..

اشتقت لگ ,
والشوق طالت مساريه ..

تتلني لگ ,
الف عـبـرهـ وعـبـرهـ ..
وأسري لصوتگ في منامي وأناديه ..

طفل ٍ رقد ,
في حـضـنـگ ايام صغرهـ ..

لـ الحين يايمّه ,

للحين حاضن طلتگ بين ضلعيه ..

.

[* عادي *]

أحـبـبـتـگ جداً ..

لدرجـة أنّي حين رأيتگ ,
ترحل أمامي أغمضت عيني بعمق ..
گنت أحاول إقناع نفسي بأني أغط في سبات عميق ..

وأنّي في الغد سأفتح عيني نحوگ ..

گي أخبرگ ..
أني حلمت بگ البارحة ( حلماً مرعباً )

ورأيتگ في منامي تفارقني ..!!

,

[* عادي *]

عندما ,
يخنقني الحنين إليگ ..


أتذگرني وأنـا ( سعيد ) بجوارگ ..

فـ أحـتـضـنـني بشدّهـ ..!!

[* عادي *]

لـ الحين ,

أمرّ الشارع ..
اللي انت مريته !..

أجمع بقايا ريحتگ ..
وأتمالگ اعصابي ..!!


,

[* عادي *]

أحتاج ..
بضع عبوُات من ( أنفاسگ )

لـ أملىء بها رئـتـاي ,
عندما ( يخنقني ) شوقي إليگ ..


:

[* عادي *]

صحيح ,
إني گثير ..
ايأس وأضحگ ..!!

ولكن داخلي طفل ٍ ..
يقول بـ صمت :

ياربي ,
دخيلگ لاتخليني ..


:

[* عادي *]

http://store1.up-00.com/Dec11/5sb47080.jpg

وطفلگ نام ,

تعب يلقاگ في الدنيا ..
وقال ألقاگ فـ الأحلام !..

تعب يزرعگ في عيونه ..
علشان الأمل قدام ..

تعب ,
يلمحگ في صوته ..
وفي موته !..

تعب يقراگ للأوهام !!..

نساگ انتي ..
نسى نفسه ..
نسى الدنيا ..

ونسى لاينام ..!!


:

[هيبت رجل]

مشكور يالعادي

[* عادي *]

مشكور يالعادي


هلاابك اخوي ,
والعفو يالغالي ..

اسعدني مرورك هنا ..

[* عادي *]

گثر ما أتخيّلگ ,
تسحب يدي ..
وتضمّها .. وتناام ..


گثر ما ودّي أهرب ..
من جحيم الذاگرهـ ..

لــ : مدري ..!!

,

[* عادي *]

ليــــه صاحي ؟!..

أدري فيگ ..
إنت مو عارف تـنـام ..!

جاگ طيفـه ..
وإنگسرت !..

وإبتدى فيگ الذهول ..
وعيَّا صبرگ لا يطول ..!!

وإگتشفت إنِّگ ( تـبـيـه )

بس تعال ..

أنـا ويـني ؟..

أنـااا .. ويني ..
وهـو .. ويـن ؟!..


آآآهـ ..
يا طول المسافه ..
آهـ يابعد الطريق ..

الدروب اللي جـمـعـتـنـا ..
ليه ضاقت ؟!!...

وليه بس قلوبنا صارت تخاف ..
والأماني اللي رويناها ..
أمست جفاف ؟!..


والله ضاااايق يـابـشـر ..!!
وضاق فيني هــ الصبر ..
وماتغير أي شي ..!!

هذا ( حلم ) وذا ( أنـا )

وبيننا گومة مآسي ..

دمع ..
وآلااام ..
وأحزاان ..
وعـنـا ..!!

وجرح قااسي ..!!




وگل هذا ..
وأنت صااحي ..!!

[* عادي *]

ياخفوقي ,
قـوم ( نم ْ )

گافي فوق الهم ..
هم ..!!

گافي نقطف من حنين ..
گافي نسرف بالأنين !..
وگل مافـيـنـا سأم ْ !!..

گافي تحرث في خيالي ..!
وگافي نبحث فـ الليالي ..

عن دوى ..
يشفي ألـم ..


خذ تعال !..
الشوق يندهلگ ..
( تعااال )


ولاسألگ : الصبح وافي ؟
قول : لاا !..

ولاسألگ : الليل جافي ؟
قل : نعم !..


وعلّم الدنيا مراسيم التعب ..!!
وعلّم العالم شنو أصعب صعب ؟!..
إنتگاس الحب گله للعدم !!..




لملم أشواقگ وهات ..

وإلا تدري !..

للجهات ..
انتثر گلگ شتات ..


ولملم جراحگ ..
ونم ْ ..!!

,

[* عادي *]

الرحيل ,
لا يخيفني أبداً ..

وجروح الأحبة ,
لم تعد تعني لي ولاتهمّني ..

في گل مرة نقدّم أحاسيسنـا ..
لأجل من نحبه ..
ويقتات منها مايشاء ..

وفي گل مرة يخذلنا من يخذلنا ..
ولاينجح أحد ..!!

لم يعد يعني لي أي شخص ..
أي شيّ !..

گل مافي الحگاية ,
أنني أقضي ماتبقى لي من عمر ..
في هذه الحياة ..

في رضا خالقي سبحانه ..
ولا احد سواهـ ..

ومن بعدها ..
أنتظر الرحيل ..!!

[* عادي *]

ولـ أنّ الحب ..
في مدينتي لا يگون إلا ليلاً ..
والشجرُ المُمتدّ على أرصفة الطرقات يبگيه بحرقه ..

فقد گُتِبَ ..
على أجنحة النوارس وعلى أصوات الناي ..
وعلى ثواني الساعة ودقائقها ..
وگل تفاصيلها ..


هو حب ..
إن وجد گما إستوطنني ..
لن يُخلق مثلهُ في البلاد ..


هو ..
تفاصيل دقيقه گما يرويه المطر لي ..

هو أشياء استثنائيه ..
لا تتگرر في معظم اللحظات ..
التي يگون فيها موجوداً !..


هو ..
رسائل ..
وحگايات ..
وأرصفه ..
ومواعيد ..
ومقاهي ..
وأشياء گثيرهـ وجميله ..


هو گلامٌ صامت ..!!

أنفاسٌ حائرهـ ..
طريقٌ طويل وغير مُعبّد ..

هو لقاءٌ .. وفراق ..
حضورٌ .. وغياب ! ..

مُگالمات لم يتم الرد عليها !..
رسائل في صندوق الوارد ..
مسودّات ..
تقارير ..

وحالاتٌ تأتي بينها .. گلّ الحالات !..


الحب ..
في مدينتي يگون تهوراً إذا گان ..
من خلف الشبابيگ القديمه ..

يگون جنونـاً ..
إذا گان الرحيل خاتمة لگل شيء ..!


الحب ..
في مدينتي شيءٌ بين الأشياء ..
العتيقة والغامضة ..
المنحرفة والغير منحرفة ..
الواضحة والمُبهمة ؟!..

الحب ..
في مدينتي لا يأتي بعد المطر ..!

الحب ..
في مدينتي أشبه بالخريف ..
تساقطٌ حتى التعرّي !..

الحب ..
في مدينتي مثل القلائد والجواهر ..
التي تُعلق في محلات الذهب ..
ولا تُباع .. فقط تُعرض !..

الحب ..
في مدينتي مثل الوطن الگبير ..
الذي يتعرض لـ احتلال ..
ولا يستطيع الخلاص منه ..
إلا بمساعدة المُحتلّ ..!!

الحب ..
في مدينتي في لوحٍ محفوظ ..
لا يُحرگه أحد ..
ولا يتحرگ بمفردهـ ..!




ببساطه !..

الحب في مدينتي ..
( گـافر )

گافر بگل الأشياء الجميله ..
گافر بگل الصّور..
بگل الأماگن ..
بگل الأغاني ..

بگل شيء ..!!

[* عادي *]

وآتنفس ,
رغم هذا الضيق في صدر المدينة !..

وآتبسّم ,
حتى لو مابه عصافير وأغاني !..


وانتي انتي ,
مثل ماانتي ولگنّگ حزينة !..
تربگين الدمع ( ويل الدمع ) من ضيق المحاني ..


صح أنـا ,
مااخترت اگون إنسان يمگن تعشقينه ..

بس انـا ,
ماخترت أگون إلا معاگ انسان ثاني ..


گنت اقول ,
البحر ماينشد عن هموم السفينه ..
صرت أقول اللحين دلوني على وجه المواني !..


آااهـ واللي ,
خالق ٍ بي صوت يصعب تسمعينه ..
ماقطفتگ ( لحظة ٍ حلوة ) من أغصان الثواني !..

أشبه احساسي ,
ولاأشبه هذاگ اللي تبينه ..
عاشق ٍ من ضعت عندگ ضاع يوم إنه لقاني !..

أشبه اللي ,
مرّ في صدري وانا مدري حنينه ..
مثل هذا الفرح هذا الجرح لامنّه بگاني !..

أنسگب لگ ,
شي مثل المي يمگن تشربينه ..
وارتوي بگ شوق مثل الشوق لامنّه دعاني ..

مثل هذا الحزن ..
هذا الحزن لامرّ بـ سگينه !..

مثل هذا النور ..
مثل شعور من يدّي خذاني ..


مثل هذا اللي يدوّر ,
في يدينگ عن يدينه ..

مثل هذا ..
اللي يمرّ الحين ..
گل اللي قراني !!..

مثل هذا ..
اللي يحث خطاه ماتلحق سنينه !..
مثل هذا اللي تشوفي گيف لو شفتيه جاني ؟!..


صاحبگ ,
لو ماتنفّس ضاق به صدر المدينه ..

صاحبگ ,
لو ماتبسّم گان مارفّت أغاني ..


افتحي قلبگ وشوفي ..
وش ورى دمعات عينه ..
يمگن تحسيّن باللي ماقوى ينطق لساني !..


لايمر ّ الحزن ,
مثل اللي يمرّ وفي يمينه ..
قلب ماتنبض سنينه مثل نبضات الأماني !..


من يقول ,
الصبح هذا صبح واشياءه حزينه ..

من يقول ,
الناس مثل الناس ماحس ّ بحناني ..

الحزن ماهو ..
مثل ماشعر واحسّگ تشعرينه ..
الحزن لاجيت ادور لگ وانا اجهل مگاني !!..

[* عادي *]

لا رزين ..

لااا ,

ولاني حيل طايش !..


گل مافي الأمر ..
إني ..


واحد ,
يحب الحياه ..

وماهو عايش ..!!


.

[* عادي *]

واللي خـلـقـنـا ..
شفته البارحه ..
بسّ !..

شفته بوسط ( الحلم ) ماهو حقيقه !!..

واللي خـلـقـنـا ..,
گنّه بـ ضيقتي حسّ !..
شفته يناظرني بنظرهـ عميقه ..


يانبض ..
ماهي قصة قياس أو ..
جسّ ..

شف لي ..
على ضيق الحنـايـا ..
طريقه ؟؟

[* عادي *]

:

أتدري ,
عندما يحين الليل ..
وتبدا الحياة بـ التأني ..

ادخل ,
في دوامة الهدوء ..
حتى تتلاشى جميع قواي !..

لگي أمسگ بـ حروفي واستجمع گلماتي ..

وأحگيگ لنفسي ..
على هيئة گتابات , مما تعني لي مدى الفقدان ,
ومرارة ذلگ الفقدان المؤلم الذي اطغى وانتهگ ..
جميع الاحاسيس التي تگوّمت بداخلي !!..


لـ أعود واگتفي برسمگ فقط ..
في تلگ المدعوة ..
( مخيّلتي )

:

[* عادي *]

من الصعب ,
أن أوضح لـ الآخرين ..
مقاصدي وأفگاري المبعثرهـ !..

قد مللت من ذلگ ,
ولن أجبر البعض على فهم ذاتي ..
ولن أتمنى من يفهمني ..

فـ أنا طفل والاطفال غير مفهومون ..!!

,

[* عادي *]

ياني ,
گثير اشتقت ..

لو يرجع هذاگ الوقت ..

لا يازمن ماغاب ..
نبضه وصوته بي ..

وگأنه ينادي لي ..

ويشرق بـ صوته ضي ..
يقتل حزن دنياي ..

وأفرح ..
وأشوفه نبض ..
وأرجع على ذگراهـ ..

وينگسر بي شوق ..!!

لاااا ,
يا زمن مو هي ..!!




وأفزّ له مشتااااق ..
ويردّني قلبي ..
ياهيه .. انت ..
شـ فيگ ..؟؟


فلان ..
ماهو حي ..!!

فلان ماهو حي !..

[* عادي *]

عجزت أگبر ,
يازمن ..
وأتناساهـ !..

أثر الفراق المرّ ..
ماهو بـ هيّن !!..


ماات ,
وترگ فيني ,
بقايا لـ ذگراهـ ..

وأنـا إلين اليوم مدري شـ أزيّن ؟..


أحيان أقول ..
العمر يمشي بـ مجراهـ ..

وأحيان أقول ..
الشوق فيني مبيّن ..!!

[* عادي *]

http://store1.up-00.com/Jun11/7ZF97816.jpg


احـتـاج ,
لقرص سگينة ..
لـ يطبب ذاگرتي المذعورهـ !..


فما يردف حگايتي ,
التي اندلقت في گف التلاشي ..
سوى خناجر الخذلان ..
المسمومه ..!!

[* عادي *]

حزين ,
ياملح البحر , صاحبگ .. ليه ؟
ماشلت منّه ( بعض منّه ) دخيلگ !..

يرمي بحـضـنـگ ,
ذگرياته , وترميه !..
ماگنه اللي گان دايم يشيلگ !!..

گم گان ,
يرسم في عيونگ موانيه ..
وگم من مواني في عيونه تسيلگ !..

گم ليل ,
صحّى مع جنابگ طواريه ..
وگم جرح خاوى هفـهفاتگ وليلگ ..

گم من عهد ,
خطّه ترابگ وتمحيه !..
وگم من نهاية گانت أشهى حصيلگ !..

گم گانت ,
آماله تنافس خطاويه ..
وگم گان يتعب من أسى ويجي لگ ..


وهذا الخفوق ,
اللي انا مبتلش فيه !!..
باقي خليلگ ؟!. وإلا ماهو خليلگ ؟

خله معگ ,
ماعدت أنا اطيق طاريه ..
وإلا اذبحه من شان يگمل جميلگ !..



حزين ,
ياملح البحر ..
صاحبگ ليه .!!؟
ماشلت منّه ( گل گلّه ) دخيلگ ؟!..

,

[عاشقة بدريه السميري]

عن جد كلام في الصميم يعطيكم الف عافيه

[* عادي *]

عن جد كلام في الصميم يعطيكم الف عافيه


هلابك خيتو
الله يعافيك ..

اسعدني مرورك هنا ..

[* عادي *]

الحنين موجع ,
البارحة مررت بـ ذگرياتهم ..
ولم أجد إلا , بعضاً من صورهم المشرقة ..
وإبتساماتهم الدافئة ..

استوقفت قطار أيامي في محطاتهم ..
علّ أحدهم يمرّ ..

لگن لا أحد هنا گما يبدو !..

ومضيت ..!!

لا أحد سوى أنـا وذگرياتهم ..
وحـنـيـني ..!!

:

[* عادي *]

طفل ٍ ,
بـ وسط الروح ..
مافگّر يبوح !..

صمته گلام ..
وغربة الصمت شينه !..

ينووح ,
لا منّه سمع طير ٍ ينوح ..
ويجاذب الونـّات من جانبينه ..!!

يشرهـ على الأيام ..
من دون مصلوح !..

هو ليه !..
يادنيا الشقا تجرحينه ؟!..

لا تجرحينه ..
هو بليّـاگ مجروح ..!!
ياما لمع دمعه على حدّ عينه !!..


طفل ٍ ,
يفوح الصدق ..
من خافقه فوح ..

عايش غريب ,
وغربة الصمت شينه ..!!

,

[* عادي *]

تدري ,

وش معنى ..
( حزين ) ؟؟


مرّهـ سهله ..

هذا واحد ,
مد يدّهـ لـ السعادهـ ..

يبغى ساعة ..
لو هي دين ..!!

[* عادي *]

تجي ,
نذگر شقاوتنا ..

بيوت الطين ,
ولعبة منهو يلحقنا ,
على شاطي هذاگ البحر ..

تجي نتذگّر الماضي ,
وصوت أمي تنادينا .. :
( شويّ شويّ وإنتبهوا , ترى هذا البحر غدّار )

ونضحگ يوم نسمعها ,
ولانهتم بأحد معنا ..
نبلل نفسنا بالميّ ..
ونرسم بالتراب أجمل ..
أسامي مرّت الدّنيا ..

تجي نذگر هذاگ الحين ..
وننسى إنّا صرنا گبار ..
علينا الخطوة محسوبة !..
وأمانينا غدت تذّگار ..


تجي نصرخ ..!!
تجي نبگي ..
تجي نترگ موانينا ..
ونرسى في بقايا الصّمت ..

وننسى حيل ماضينا ..
ولانذگر أغانينا ..

وصوت أمي ,
وبيوت الطّين ,
وشاطي ضمّ أسامينا ..


تجي نگره محبتنا !..

طفولـتـنـا ,
شقاوتـنـا ..
ولعبة منهو يلحقنا ..
خلاص اليوم صرنا گبار ..
وگلّ گلمة بيحسبها الزمن ضدنا ..


تجي ننسف هذاگ الـ گان !..
نعيش بواقع اللي صار ..
ونترگ طيشنا مرمي ..
على شاطي محبتنا ..!!

[* عادي *]

يامساء الإنگسار !..
الصبح .. وينـه ؟!..

دلني ..
مشتاق ..
أتريّق صبـاح ..

ياغريبي ..
وين تلقالگ مدينـه ؟!..
والفجر ماوطوط بعينگ ولاح ..

ماغفيت إلا ,
على الهـم وسنينـه !..

ولاصحيت إلا ,
على صوت الجراح !..

ومابرحت ارض ,
الهواجيس اللعينـه !..
ولاخذت بالي ثواني الإنشراح !..

ومانشدت البحر ,
عن هم السفينـه !..
دامها تجري بما يرضي الريـاح ..



من يقول ,
الحظ في أيـدي أمينـه ؟!..

عـلّمـه ,
إن الليالي مـو مــلاح !..

عـلّمه ,
بالباب لاصرصر أنينـه !..

عـلّمه ,
بالشـاب مگسـور الجنـاح !!..


عـلّمـه ..
بـ الآآاهـ ..
والرحلـه الحزينـه ..

عـلّمـه ( بالله ) عن طبع السماح ..

[* عادي *]

يامبعثر ,
أحلام الـ سنين !..

بـ الله ..
ماهزّگ حنين ..؟؟


تسألني وينگ ..؟؟
وأسألگ ..

مو بس أنـا !!..

حتى أنت ..
وين ؟!..

,

[* عادي *]

طويت ..
المرگب لحالي !..
طويته والمدى دمعي ..

حلفت ..
ان شفت محبوبي ..
لاهلّ الدمع وأبگي له ..

إلين يحسّ بـ أوجاعي ..
ويعرف وش گثر مگسوور ؟!..


أنـا ,
يادنيتي واحد ..
عبرتگ وانطفا .. شمعي !!..

وگان الليل يغني لي ..
من أوجاع المدى ..
دستور !..


سلام الله يادنيا ..
إليا من خانت سنيني !..
وشاقت شوفتي ناسي !!..

وأنا أسأل ..
يازمن ويني ؟؟

وأشوف ان المدى مهجور ..!!

[* عادي *]

وگل ,
ما أبعدت تجرح !..

بس ,
تقرب في خيالي !!..

وآخذگ ويّـاي واسرح ..


وأتسائل ,
ويّـا .. نفسي ..

ياخي أبگي ,
وإلا أفرح ؟!!..

[* عادي *]

ليه وربگ ؟..

من تخون ؟ ومن عشانه ؟
من هو يسوى في عيونگ ..
من هو أشغل فيگ ذنبگ ..!
وغيّر إخلاصگ .. لسانـه !..

يـآآااهـ ..
يا صدقي وگذبگ ..!
واعتبر هذي إهانه !..

الامانه .. ياحـبـيـبي .. الامانه ..

الأمـانـه ..
قلب حبگ ..
وإنت ما صنت الأمـانـه !..

تـعـتـقـد هذا جزاي ..
طـعـنـتـگ جت من وراي ..!

وقلبي ينزف لگ .. حنانه !.
روح لـه .. وعطني وفاي ..
رجّع إحساسي مگانـه ..

وإنـتـفـارق في هدوء ..
مانـعـيـد الإسطوانه ..

إن بعض الظن .. سوء ..
وإن بعض الحُب .. إثـم ..

عاشق وأطلب لجوء ..
عاشقگ .. أطلق عنانه ..

لاتـسولف لي عـلـيـهـم ..
( الـنـوايـا والـخـطـايـا )

حتى لو عندگ سوالف ..
إحتفظ فيها لــ نفسگ ..

إنت مجرم في عيوني ..
وثابته فيگ الإدانه !..



قلبي لگ ,
فارس شجاااع ..
ما ترجّل من حصانه ..

عاش لگ في گل لـحـظـه ..

ومـات لگ فـارس زمـانـه !!..